Ceol

Deis idirnáisiúnta d’ealaíontóir Gaeltachta

Ealaín (na Gaeltachta) Teoranta sásta comhpháirtíocht nua leis an Centre Culturel Irlandaise i bPáras a fhógairt. Cuirfidh an comhpháirtíocht seo tréimhse cónaitheach, dár luach thart ar €2000, ar fáil d’ealaíontóir Gaeltachta atá ag feidhmiú trí mheán na Gaeilge i 2018/2019.

Cuireann an Centre Culturel Irlandais clár bliantúil do dheiseanna cónaitheacha d’ealaíontóirí ar fáil, maraon le ardán a thabhairt, i bPáras, do chultúir bhríomhar chomhaimseartha na hÉirinn.

Tacaíonn Ealaín na Gaeltachta le forbairt na n-ealaíon traidisiúnta agus comhaimseartha sa Ghaeltacht.

Leis an gcomhoibriú seo, cuirfear tréimhse cónaitheach míosa ar fáil d’ealaíontóir Gaeltachta i bPáras. Beidh lóistín acu sa Centre Culturel, clúdófar costaisí taisteal go Pháras agus beidh liúntas €700 ar fáil dóibh. Is féidir cuir isteach ar an ndeis seo trí shuíomh idirlinn an Centre Culturel Irlandais amháin. Is idir Lúnasa 2018 agus Iúil 2019 a bheidh an tréimhse agus is é 10 Eanair 2018 an spriocdháta. Is trí phróiséis comórtasach a roghnófar an t-ealaíontóir.

Tá gach eolas ar fáil ag: http://www.centreculturelirlandais.com/en/residencies/


Seo chugainn ‘Sean-nós na nÓg’

Amhránaithe óga na Gaeltachta ag teacht le chéile le linn Éigse Dhiarmuidín

Agus Ealaín na Gaeltachta ag ceiliúradh 21 bliain ar an bhfód, tá athbheochan á déanamh ar Sean-nós na nÓg, togra speisialta a reáchtáladh den chéad uair le linn luath-laethanta na heagraíochta.

Beidh amhránaithe óga ó Ghaeltacht na Mumhan, Uladh, agus Chonnachta ag teacht le chéile i gCúil Aodha ar an tseachtain seo chugainn agus seó stáitse á chur sa tsiúl acu oíche Aoine 1 Nollaig, mar chuid d’imeachtaí Éigse Dhiarmuid Uí Shúilleabháin.

Faoi stiúir Shíle Denvir, cruitire agus amhránaí ar an sean-nós, agus an cóiréagrafaí  Siubhán Ní Dhuinnín, reáchtálfar sraith ceardlanna ón gCéadaoin 29 Samhain, ina mbeidh na rannpháirtithe óga i mbun ceoil agus cruthaitheachta roimh an oíche mhór.

Antaine Ó Faracháin, amhránaithe aitheanta ar an sean-nós, agus an damhsóir Ríonach Ní Neill, a thug an chéad ‘Sean-nós na nÓg’ chun stáitse, i dteannta oirfidigh óga na Gaeltachta, mar chuid d’Éigse Dhiarmuidín thiar in 2001.

Tá fearadh na fáilte roimh chách agus súil againn cuid acu siúd a d’fhreastal ar an gcéad ‘Sean-nós na nÓg’ a bheith i láthair don cheiliúradh ar leith seo.

Tá an imeacht seo á reáchtáil i gcomhpháirt le Éire Ildánach/Creative Ireland.

 

Dáta: Dé hAoine 1 Nollaig @ 8.30in

Áit: Halla Chúil Aodha, Co. Chorcaí

Saorchead isteach

Éire Ildanach Creative Ireland


An Ghaeltacht lasta suas don Oíche Chultúir

Beidh sraith imeachtaí spreagúla éagsúla á reáchtáil ag ealaíontóirí agus ag eagrais ealaíona sa Gaeltacht don Oíche Chultúir, Dé hAoine, 22 Meán Fómhair. Tá na himeachtaí á gcomhordú ag Ealaín na Gaeltachta, atá seasta ag cothú agus ag éascú na healaíon Gaeltachta, faoi choimirce An Chomhairle Ealaíon agus Údarás na Gaeltachta. Don ochtú bliain as a chéile, beidh sé le feiceáil sa cheiliúradh seo, mar a thugann na healaíon léiriú ríthábhachtach ar shaibhreas cultúrtha na Gaeltachta ó cheann ceann na bliana.

 

Suas le 30 ócáid atá á reáchtáil saor in aisce ar fud na Gaeltachta agus tá an-chlár curtha ar fáil, idir imeachtaí liteartha, ceol agus damhsa, ceardlanna, cainteanna, taispeántais fís-ealaíne, agus taispeántais scannáin taobh istigh agus taobh amuigh.

Is í Muireann Nic Amhlaoidh, Ambassadóir na Gaeltachta don Oíche Chultúir, an chéad Ambassadóir Gaeltachta don ócáid Náisiúnta seo. Beidh sí i dteannta Síle Denvir d’Oíche álainn speisialta ceoil, Ó Ghuth go Dubh, ar Oileán Chléire ina mbeidh comhghleacaithe den scoth ina dteanna.

Beidh guthanna cultúrtha agus traidisiúin na Gaeltachta le cloisteáil agus le feiceáil ag ócáidí áirneáin is siamsaíocht i chuile choirnéil Gaeltachta, Ciarraí, Baile Mhúirne, Ráth Cairn, Corr na Móna, Conamara, Tuar Mhic Éadaigh, Acail, An Rinn, Teach Sholais Fhánáda i nDún na nGall agus beidh ócáid binn faoi leith in Amharclann Gaoth Dobhair nuair a thiocfaidh Cór Óg na Crannóige, Cór Mhuire agus Cór Cois Fharraige as Conamara le chéile go speisialta don oíche.

Osclóidh na hionad ealaíona, Áras Éanna, Inis Oírr, An Lab sa Daingean, Áras Inis Ghluaire, Béal a Mhuirthead, a gcuid doirse i rith an tráthnóna d’iliomad imeachtaí speisialta chomh maith.

Leabhrán d’imeachtaí Oíche Chultúir sna Gaeltachtaí le fáil anseo.

Gach eolais le fáil ar www.culturenight.ie agus ar www.ealain.ie .

An Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta a dhéanann comhordú ar an Oíche Chultúir, i gcomhpháirt le Ealaín na Gaeltachta Teo agus tugtar cuireadh do gach duine páirt a ghlacadh sa siamsaíocht Náisiúnta spraíúil seo ón bpobal don phobal.

Breis eolais ó Ealaín na Gaeltachta 091503100 ealain@udaras.ie


Féile na Bealtaine 2017

Aibreán 27 – Bealtaine 1

Bíonn a fhios againn go bhfuil an samhradh ag teacht is Féile na Bealtaine ag druidim linn. Tá clár spleodrach ann arís i mbliana is treaslaímid leis an bhfoireann deonach a reáchtáileann é. Beidh saibhreas ealaíne le ghach dhath agus crut le feiscint, cloisint agus bhraiscint. Bí ann is bain sult as! http://feilenabealtaine.ie/home/


Cruinniú na bhFliúit 2017

Tá Cruinniú na bhFliúit ar siúl i mBaile Bhúirne arís an Cháisc seo ó Aibreán 20-22. Céiliúradh ceoil, comhluadar, uirlis agus ceoltóirí, ‘s fáilte roimh chách. Gach eolas ó http://www.flutemeet.org/Flutemeet/Welcome.html