Scéalta eile

Cláraigh anois d’Oidhreacht Bheo

Cláraigh anseo….. [Foirm Chlárúcháin]

Más mian leat freastal ar an seimineár Oidhreacht Bheo i nGaoth Dobhair ar an 7/8 Nollaig ní mór duit an fhoirm seo a chomhlíonadh agus a sheoladh chuig ealain@udaras.ie

#OidhreachtBheo #Ealaín


Foirm Léiriú Spéise d’ealaíontóirí – Seimineár Oidhreacht Bheo

Tá liúntas €200 i dtreo taisteal agus lóistín á mbronnadh ag Ealaín na Gaeltachta ar dheichniúir ealaíontóirí le deis freastal ar an seimineár Oidhreacht Bheo a bheidh á reáchtáil i nGaoth Dobhair 7 & 8 Nollaig 2017.

Déanfar plé ag an seimineár ar na nascanna idir na healaíon agus an oidhreacht agus cuirfear samplaí de dhea-chleachtais Gaeltachta, Náisiúnta agus Idirnáisiúnta i láthair.

Tá líon na spásanna teoranta go deichniúir agus beidh córas roghnúcháin i gceist.

Bheinn buíoch ach an fhoirm thíos luaite a comhlíonadh chun go mbeifeá san áireamh don liúntas.

Crítéir roghúcháin

Bheith i d’ealaíontóir gairmiúil, taithí ealaíona a bheith agat sa réimse ealaíon agus oidhreacht agus léiriú ar mar a cheapann tú go rachadh an seimineár chun leasa do’d chleachtas ealaíona.

Níl agat ach an Fhoirm Léiriú Spéise a chomhlíonadh agus a sheoladh ar ais chuig ealain@udaras.ie roimh an 28 Samhain 2017.

Cuirfear na rannpháirtithe roghnaithe ar an eolas faoin 29 Samhain 2017.

*Is seimineár é Oidhreacht Bheo do chuid Ealaín (na Gaeltachta) Teo atá maoinithe ag Éire Ildánach agus an Chomhairle Oidhreachta.


An Ghaeltacht lasta suas don Oíche Chultúir

Beidh sraith imeachtaí spreagúla éagsúla á reáchtáil ag ealaíontóirí agus ag eagrais ealaíona sa Gaeltacht don Oíche Chultúir, Dé hAoine, 22 Meán Fómhair. Tá na himeachtaí á gcomhordú ag Ealaín na Gaeltachta, atá seasta ag cothú agus ag éascú na healaíon Gaeltachta, faoi choimirce An Chomhairle Ealaíon agus Údarás na Gaeltachta. Don ochtú bliain as a chéile, beidh sé le feiceáil sa cheiliúradh seo, mar a thugann na healaíon léiriú ríthábhachtach ar shaibhreas cultúrtha na Gaeltachta ó cheann ceann na bliana.

 

Suas le 30 ócáid atá á reáchtáil saor in aisce ar fud na Gaeltachta agus tá an-chlár curtha ar fáil, idir imeachtaí liteartha, ceol agus damhsa, ceardlanna, cainteanna, taispeántais fís-ealaíne, agus taispeántais scannáin taobh istigh agus taobh amuigh.

Is í Muireann Nic Amhlaoidh, Ambassadóir na Gaeltachta don Oíche Chultúir, an chéad Ambassadóir Gaeltachta don ócáid Náisiúnta seo. Beidh sí i dteannta Síle Denvir d’Oíche álainn speisialta ceoil, Ó Ghuth go Dubh, ar Oileán Chléire ina mbeidh comhghleacaithe den scoth ina dteanna.

Beidh guthanna cultúrtha agus traidisiúin na Gaeltachta le cloisteáil agus le feiceáil ag ócáidí áirneáin is siamsaíocht i chuile choirnéil Gaeltachta, Ciarraí, Baile Mhúirne, Ráth Cairn, Corr na Móna, Conamara, Tuar Mhic Éadaigh, Acail, An Rinn, Teach Sholais Fhánáda i nDún na nGall agus beidh ócáid binn faoi leith in Amharclann Gaoth Dobhair nuair a thiocfaidh Cór Óg na Crannóige, Cór Mhuire agus Cór Cois Fharraige as Conamara le chéile go speisialta don oíche.

Osclóidh na hionad ealaíona, Áras Éanna, Inis Oírr, An Lab sa Daingean, Áras Inis Ghluaire, Béal a Mhuirthead, a gcuid doirse i rith an tráthnóna d’iliomad imeachtaí speisialta chomh maith.

Leabhrán d’imeachtaí Oíche Chultúir sna Gaeltachtaí le fáil anseo.

Gach eolais le fáil ar www.culturenight.ie agus ar www.ealain.ie .

An Roinn Ealaíon, Oidhreachta, Gnóthaí Réigiúnacha, Tuaithe agus Gaeltachta a dhéanann comhordú ar an Oíche Chultúir, i gcomhpháirt le Ealaín na Gaeltachta Teo agus tugtar cuireadh do gach duine páirt a ghlacadh sa siamsaíocht Náisiúnta spraíúil seo ón bpobal don phobal.

Breis eolais ó Ealaín na Gaeltachta 091503100 ealain@udaras.ie


Rachel Holstead ceaptha mar Áisitheoir Ealaíon do Réigiún an Tuaiscirt

Tá áthas ar Ealaín na Gaeltachta a fhógairt go mbeidh an Dr. Rachel Holstead ag feidhmiú mar Áisitheoir Ealaíon i dTír Chonaill as seo go ceann bliana.  Is as Ceann Trá i gceantar Chorca Dhuibhne do Rachel ó dhúchas.  Is cumadóir ceoil aitheanta í agus chaith sí tréimhse ag obair leis an gComhairle Ealaíon agus mar chomhairleoir ealaíona neamhspleách.  Bhí sí ar bhord an Cheoláras Náisiúnta agus tá sí gníomhach i dtograí ealaíona ar bhunús áitiúil ina ceantar dúchais.  Guímíd gach rath ar Rachel ina post nua.


Tuairisc de chuid na Comharsan Ceilteacha

Tuairisc ar an gcomhoibriú idir phobal miontheangacha leis na gComharsan Ceilteacha. Is iad Mike Llewellyn (Comharsan Ceilteacha agus Marie Mahon (Ollscoil na hÉireann, Gaillimh) na húdair.


Cúrsa -Conas gearrfhíseáin a léiriú don idirlíon.

Ealaín na Gaeltachta i gcomhar leis an rannóg cumarsáide, Acadamh na hOllscolaíochta, Gaoth Dobhair.

Is é cuspóir an chúrsa nó rannpháirtithe a chumasú le gearrfhíseáin a thaifeadadh, eagarthóireacht a dhéanamh agus ábhar físe a chur in oiriúint do na meáin shóisialta (youtube, facebook, srl.).

Foghlaimeoidh na rannpháirtithe conas scéal a phleanáil; Scileanna ceamara; Bunscileanna agus teicnící a bhaineann le taifead (ceamara, fuaim, soilsiú, srl.); Taifid ar na hardáin éagsúla (DSLR, gnáthcheamara físeáin; fóin phóca; srl.);Eagarthóireacht; Conas físeáin a uaslódáil ar-líne & na bealaí is fearr chun aird a tharraingt orthu ar an idirlíon.

Cúrsa dhá lá atá i gceist. Beidh sé ar siúl in dhá ionad éagsúil

Dé Máirt 17 Samhain: Brú Óige an Earagail, Dun Lúiche @9.30 am
Dé Céadaoin 18 Samhain: Acadamh na hOllscolaíochta Gaeilge, Gaoth Dobhair@9.30 am

1461224_847452495298959_9101745264009060023_n


Taispeántas dealbhóireachta leis an Cosán Glas

An Cosán Glas – Cosán dealbhóireachta

Aonad 1 Páirc Ghnó an Fhál Carraigh agus i láthair éagsúla ar fud an bhaile.

Dé Satharn 23 Iúil agus Domhnach 24 Iúil.

Dealbha áille, lasta lonnaithe in aonad tionsclaíochta – is tionscadal nua é seo don Cosan Glas. Cuireann An Cosán Glas taispeántas den scoth ar siúl, i láthair draíochta. Mealltar na céadta daoine go dtí a gcuid taispeántas agus cuireann na dealbha an lucht féachana faoi gheasa ! Beidh an taispeantas seo mar cheann de bhuacphointí Festifál, Féile an Fhál Carraigh.

cosan glas7


Traidphicnic, an Spidéal, 2016

An Spideál, Co. na Gaillimhe

Dé hAoine 1 – Domhnach 3 Iúil, 2016..

Is é seo an cúigiú bliain ag an bhFéile Traidphicnic, féile ceoil thraidisiúnta faoin aer atá suite timpeall Ceardlann an Spidéil. Tá na himeachtaí ar fad saor in aisce agus tá fáilte roimh chuile dhuine teacht agus taitneamh a bhaint as na gigeanna, na seisiúin cois tine, na himeachtaí ealaíon, na taispeántais agus na himeachtaí ildánacha eile.

I measc na gceoltóirí a bheidh páirteach tá: Noel Hill agus Steve Cooney, Kila, Don Stiffe & Cairde, clann uí hIarnáin, Porterheadagus go leor eile. Tá clár láidir ealaíona curtha le chéile freisin.

xx


Féile na Bealtaine, An Daingean, Co Chiarraí.

An Daingean, Co. Chiarraí.

28 Aibreáin -2 Bealtaine, 2016.

Cuireann Féile na Bealtaine le healaíona agus le saibhreas culthúra na leithinise. Is í ardaidhm na féile ná ár léaslínte ealaíne a leathnú agus siamsaíocht a chur ar fáil do chách. Is iad aidhmeanna eile na féile ná an oidhreacht seo a chur chun cinn agus fáilte a chur roimh ealaín agus ealaíontóirí ó áiteanna éagsúla in Éirinn agus ar domhan.

fc3a9ile-na-baeltaine


Ealaín na Gaeltachta: Iarratas á lorg: Scéim Síol, 2015.

Scéim Síol, 2014

Is féidir iarratais a dhéanamh ar an scéim seo am ar bith sa bhliain.

Scéim leanúnach straitéiseach dírithe ar shíolrú na nealaíon sa Ghaeltacht. Mar shampla: tacaíocht do sheoladh imeachtaí, réiteach taispeántas, forbairt gairme, cothú ócáidí agus imeachtaí beaga a chuirfeadh le forbairt na nealaíon trí mheán na Gaeilge sa Ghaeltacht.


Uasmhéid maoinithe €1,500.


Tuilleadh eolais agus foirm iarratais le fáil óna áisiteoirí ealaíne:-

www.ealain.ie/contact-us

ealain-na-gaeltachta-logo