-

Nuacht

-

Deiseanna / Deontais

Imeachtaí Ealaíon

-

Cuir leis an liosta

-

Bain den liosta

-

Seol chuig cara

-

Teagmháil

-

Séanadh

Nuacht

Fáilte go nuachtlitir Ealaín na Gaeltachta

Míle buíochas do gach duine a ghlac part san Oíche Chultúir i mbliana. D’éirigh thar bharr leis an himeachtaí agus ba mhór an aird a tharraingníodh ar na healaíona sna meáin áitiúla agus náisiúnta. Reáchtáladh breis agus 50 imeacht sa Ghaeltacht, idir fhísealaíon, cheol, dhrámaíocht, dhamhsa, na healaíona traidisiúnta agus go leor eile.

Tá réimse leathan d’ imeachtaí agus de fheiltí ar siúl ar fud na Gaeltachta i rith mí Dheireadh Fómhair. Tá tuilleadh eolais fúthu uilig ar fáil sa ríomhlitir. Lena hais sin, tá eolas faoina deiseanna éagsúla atá ar fáil d’ealaíontóirí agus d’eagraíochtaí ealaíne, idir dheontas, oiliúint, fholúntais agus eile.

Déan teagmháil linn ag ealain@udaras.ie má tá aon eolas breise i dtaobh scéimeanna & r.l. de dhíth nó má tá aon bhlúirín nuachta don gcéad r-nuachtlitir eile.

Seimineáir

Oiliúint

Ionad Cultúrtha, Baile Mhúirne, Co Chorcaí
Is é aidhm Ionad Cultúrtha Baile Mhúirne ná na healaíona d'árd chaighdeán a chur chun chinn agus suim sna h-ealaíon a mhúscailt i measc an phobail. Chuige san, tá clár dúshlánach leagtha amach ag an ionad - idir ranganna, cheardlanna, cheolchoirmeacha, thaispeántaisí rince comh-aimseartha agus thaispeántaisí ealaíona - a chuireann an ionad ealaíona seo i gceart lár saol ealaíona Ghaeltacht Mhúscraí. Is é trí mheán na Gaeilge a reáchtáiltear na himeachtaí go léir san Ionad.

Is féidir gach eolais ar imeachaí an ionaid a fhaíl ag www.ionadculturtha.ie

14.10.11
Ná hInis di Féin é - Aisteoirí Bhréanainn le Bosco Ó Conchúir

21.10.11
Caladh Nua - Eoin Ó Meachair, Paddy Tutty, Lisa de Buitléir, Derek Morrissey agus Colm Ó Caoimh.

11.11.11
Ceolchoirm Traidisiúnta - Danny O’Mahony le Cyril O’Donoghue, Patsy Broderick agus Johnny Ringo Mac Donagh.

25.11.11 - Ceiliúradh Oireachtas na Samhna 2011

09.12.11
Ceolchoirm Traidisiúnta - Máirtín O’Connor, Cathal Hayden agus Seamie O’Dowd.

17.12.11 & 18.12.11
Ceadal Piano - Daltaí Ailín Ní Fhlannagáin

20.12.11
Ceolchoirm Deireadh na Bliana
Daltaí na múinteoirí ceoil, rince agus amhránaíochta. Ceolchoirm seo ar siúl i Halla Chúil 17.9.11 - 17.10.11

20.10.11 - 28.11.11
Griangrafanna le Con Kelleher.
. Beo san Ionad Cultúrtha. Griangrafanna le Con Kelleher tógtha san Ionad Cultúrtha

1.12.11 – 19.12.11
Loinnir
Taispeántas le Ealaíontóirí Mhúscraí

Ranganna agus ceardlainne ar siúl i rith an Fhómhair
• Ranganna ceoil traidisiúnta le Henry Cronin (Scoil Cheoil an Chontae)
• Ranganna fliúite le Conal Ó Gráda
• Ranganna conseartín agus bosca le Tríona Ní hAodha
• Ranganna veidhlín le Geraldine O Callaghan
• Ranganna amhránaíochta ar an sean nós le Máire Ní Chéilleachair (Aisling Geal)
• Ceardlanna dearc ealaíne do seanóirí le Bernadette Ní Choitir
• Cleachtaithe cór le Peadar Ó Riada (Cór Ban Chúil Aodha)
• Ceardlanna ceoil & amhránaíochta i rith Éigse Dhiarmuidín
• Imeachtaí Breise ar súil sa phobal

Imeachtaí breise
• Ranganna rince seite ar siúl sna scoileanna i Múscraí
• Ceardlanna ar an h-agallaimh fileata ar siúl i gceithre scoil i Múscraí
• Ranganna sean-nóis, faoin scéim amhránaíochta, Aisling Gheal, ar siúl sna scoileanna i Múscraí
• Ceardlanna ealaíne do seanóirí le Pauline Dodds Hyland (Tacaois) i gCuan Barra agus Cois Cille
• Obair leanúnach ar Taisceam, togra cartlannaíochta na ceolchoirmeacha taifeada

Tuilleadh Eolais
Seoladh: Ionad Cultúrtha, Baile Mhúirne, Co Chorcaí
Teileafón: 00 353 (0)26 45733
Suíomh Idirlín: www.ionadculturtha.ie
Ríomhphost:ionadculturtha@eircom.net

Arás Éanna, Inis Oirr
Ionad Ealaíne in Inis Oirr is ea Áras Éanna. Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thiosluaite.

Tuilleadh Eolais
Teagmháil: Mairéad Ní Ghallchóir:
Ríomhphost :araseanna@eircom.net
Teileafón: +353 99 751 50
Facs: +353 99 75152
Seoladh: Áras Éanna, Ionad Ealaíona agus Pobal, Inis Oírr, Árann, Co Na Gaillimhe.

Gailearaí Joan Clancy, An Rinn, Co. Phort Láirge.
Bunaíodh Gailearaí Joan Clancy in 1999 sa Rinn i nGaeltacht Phort Láirge, 10 chiliméadar ó Dhún Garbhán. Tá stádas á bhaint amach aige de réir a chéile mar láthair ina mbíonn an fhísealaíon comhaimseartha Éireannach is deise ar thaispeáint. Tá Gailearaí Joan Clancy lonnaithe sa Rinn i nGaeltacht Phort Láirge.

Tuilleadh Eolas
Ríomhphost: info@joanclancygallery.com
Suíomh Idirlín:www.joanclancygallery.com
Teileafón: (058) 46205 nó 086 8134597
Seoladh : Gailearaí Joan Clancy Maoil a Choirne, An Rinn, Dún Garbhán, Co. Phort Láirge

An Cabaret Craicáilte, Gaoth Dobhair.

Gaoth Dóbhair – an 3ú Satharn de gach mí, de gnáth.


Tugann an Cabaret Craicáilte árdan do cheol comhaimseartha i nGaeilge agus cothaíonn siad réimsí nua ceoil agus siamsaíochta trí mheán na Gaeilge. Bíonn ceoltóirí aitheanta ag seinnt gach cineál ceol ann - rap, snagcheol, ceol domhanda, reggae, ceol traidisiúnta, rock-ceoil agus go leor eile. Bíonn greann, taibhléiriú, filíocht bheo agus go leor imeachtaí eile ar an gclár fosta Oíche chraiceáilte den scoth.

Tuilleadh Eolais
Teileafón: 087 2785593 nó 097 81079
Ríomhphost: Ronan.MacAodhaBhui@rte.ie
Suíomh Idirlín: www.craiceailte.com

Ceardlanna do scríbhneoirí Gaeilge á n-eagrú ag Cló Iar-Chonnacht

Beidh na ceardlanna seo dírithe den chuid is mó ar scríbhneoirí óga/nua nach bhfuil aon leabhar foilsithe fós acu ach a léiríonn cumas scríbhneoireachta. Tabharfar áit ar na ceardlanna freisin áfach do dhornán scríbhneoirí aitheanta, rud a rachaidh chun leasa na scríbhneoirí óga agus na scríbhneoirí aitheanta araon. Tugtar cuireadh do scríbhneoirí ar mhaith leo a bheith páirteach i gceann de na ceardlanna sampla dá saothar: gearrscéal, cúig nó sé de dhánta nó mír ghearr as úrscéal (úrscéalta do dhéagóirí san áireamh) a sheoladh chuig Eagarthóir Cúnta CIC, Áine Ní Cholchúin ag an seoladh thíos roimh na spriocdhátaí atá luaite leis na hionaid éagsúla.

Roghnófar na saothair is feiliúnaí agus déanfar iad a phlé agus a mheas ag na ceardlanna. Seolfar saothar gach scríbhneora chuig gach iarrthóir (a bheidh ag freastal ar an gceardlann áirithe) roimh ré ionas go mbeidh deis acu iad a léamh. Tríd an modh oibre seo beidh na hiarrthóirí ar fad in ann páirt ghníomhach a ghlacadh sna ceardlanna, agus foghlaim ó laigí agus ó bhuanna shaothar a chéile. Beidh áit do dheichniúr ar gach ceardlann. Níl aon táille i gceist do na ceardlanna seo ach beidh iarrthóirí freagrach as a gcuid costas taistil féin agus lóistín sa chás go mbeadh a leithéid i gceist.

Ceardlann Bhaile Átha Cliath

Á heagrú i gcomhar le hIMRAM agus Oifig na Gaeilge, TCD
Ionad: Coláiste na Tríonóide
Dáta: Dé Sathairn, 22 Deireadh Fómhair, 2011

Stiúrthóirí na Ceardlainne: Micheál Ó Conghaile agus Nuala Ní Dhomhnaill
Spriocdháta d’iarratais: 7 Deireadh Fómhair, 2011

Ceardlann na Gaillimhe

Á heagrú i gcomhar le Comhaltas na Mac Léinn, OÉ Gaillimh
Ionad: Coláiste na hOllscoile, Gaillimh
Dáta: Dé hAoine, 11 Samhain, 2011
Stiúrthóirí na Ceardlainne: Micheál Ó Conghaile agus Pádraig Ó Cíobháin
Spriocdháta d’iarratais: 28 Deireadh Fómhair, 2011

Ceardlann Bhéal Feirste

Ionad: Ollscoil na Banríona, Béal Feirste.
Dáta: Dé Sathairn, 19 Samhain, 2011
Stiúrthóirí na Ceardlainne: Micheál Ó Conghaile agus Gearóid Mac Lochlainn
Spriocdháta d’iarratais: 4 Samhain, 2011

Tuilleadh Eolais
Teileafón: (091) 593307
Facs: (091) 593362
Seoladh: Áine Ní Cholchúin nó Micheál Ó Conghaile
Cló Iar-Chonnacht, Indreabhán, Conamara, Co. na Gaillimhe
Ríomhphost: aine@cic.ie

Ionad an Bhlascaoid, Dún Chaoin, Co. Chiarraí
Reáchtálann an tIonad imeachtaí ealaíona agus cultúrtha ó ham go chéile, mar aon leis imeachtaí oidhreachta. Téigh i dteagmháil leis an ionad chun eolas a fháil ar na himeachtaí atá ar siúl faoi láthair.

Tuilleadh Eolas
Teileafón: (066) 9151082 (066) 9156444
Ríomhphost:BLASCAOD@OPW.IE
Suíomh Idirlín: http://www.heritageireland.ie nó www.ceiliuradh.com

Aras Inis Ghluaire: Béal an Mhuirthead, Co Mhaigh Eo


Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fháil ag na sonraí teagmhála thíos.

Cineclub na nÓg, Cumann Scannánaíochta Erris, Yoga le Lucy agus ranganna ceoil ar siúl i gcaitheamh an Fómhair.

Tuilleadh Eolais
Teileafón: 097 – 81079
Seoladh: Áislann Bhéal an Mhuirthead , Belmullet, Co. Mayo.
Suíomh Idirlín: http://www.arasinisgluaire.ie/

Cuisle, Tír Chonaill – Deis cuairt a thabhairt ar ealaíontóirí agus ceardaithe agus iad i mbun oibre.

Beidh na healaíontóir agus ceardaithe ón grúpa Cuisle ag obair ina gcuid stiúideonna agus ceardlann i gcaitheamh na míosa. Is féidir cuairt a thabhairt orthu agus foghlaim faoina gcuid ceirde agus na próiseas oibre.

Tuilleadh Eolais
Teileafón: Nora ag 087 939 2494
Suíomh Idirlín: http://www.cuisle.net

Ranganna damhsa ar an sean nós

Ionad: Campbell’s Tavern,
Cloughanover, Áth Cinn, Gaillimh
Gasúir: 7.45 - 8.30
Daoine fásta: 8.45 - 9.45

Costas: gasúir €30 / Daoine Fásta: €50

Data tosaigh: 21ú Mean Fómhair, 2011 ar feadh 6 seachtaine


Tuilleadh Eolais
Teileafón: Marian ag 086 8533397

Cló Ceardlann na gCnoc – Cúrsaí agus imeachtaí

Tionscnamh Samkura
Go Mi na Nollaig 2012
Tionscnamh nua idir-náisiúnta do Ealeantóirí on Gaeltacht, an Gréig, Armenia, an t-Seoirsí agus an Phortaingéil ata ag tosnú i mi Aibreáin. Beidh se ag dhul ar aghaidh go dtí mi na Nollaig 2012. Is malartú idir-náisiúnta cónaithe atá ann agus beidh taispeántas mhór ar siúl tríd Samkura. Is é seo an chead togra mar seo in Éireann go deo. Le breis eolas dul go www.samkura.net

Cumann Eitseála
Gach De Céadaoin 2011
Ta cumann eitseáil ag dul ar aghaidh gach de Céadaoin do ealaíontóirí on gceantar. Ta fáilte ríomh daoine nua i gcónaí.

Tuilleadh Eolais
Teileafón: 074 9162800
Suíomh Idirlín: www.clo.ie

Lab na Mainistreach, Sráid Eoin, An Daingean

An Lab, Sráid Eoin, An Daingean

Ionad Ealaíona na Gaeilge sa Daingean is ea An Lab. Tá amharclann dea-chóirithe ann le seachtó suíocháin, seomraí le haghaidh taispeántaisí, insealbhaithe agus cruinnithe, chomh maith le spás le haghaidh cleachtaithe agus ceardlanna. Tá sé ar fáil le haghaidh imeachtaí cultúrtha a chuirtear i láthair tré mheán na Gaeilge.‘Sé an comhlacht cónaithe amharclannaíochta ann ná AnnÓg Ar Aghaidh, a léiríonn drámaí Gaeilge agus a chuireann traenáil i scileanna amharclannaíochta ar fáil do dhaoine óga.

Is féidir eolas a fháil ar chlár na n-imeachtaí ar an suíomh idirlín.

Tuilleadh Eolais
Teileafón: Áine ag 087/8546572
Ríomhphost: ainemoy@eircom.net
Suíomh idirlíon: www.anlab.ie . Bí linn ar Facebook – AnnÓg/An Lab

Fíbín ar ais.

Tá na puipéadóirí ar a bhfuil an-gean orthu thar n’ais leis an turas náisiúnta meánscoile, dírithe go háirithe ar Churaclam na hardteistiméireachta. An bhliain seo, cuireann an comhlacht buaite duais ‘An Triail’ chun stáitse, ach ní hé ‘An Triail’ mar a bhfaca tú riamh é seo. Bí ag súil le puipéid, maisc, ard-siamsaíocht, agus íomhánna chomh láidir sin is go mbeidh tú AG IARRAIDH ceisteanna a fhreagairt faoi. Tugann Fíbín comhthéacs an sochaí nua-aimseartha do scéal atá áirithe a bheith as dáta, teastaíonn ó Fíbín déileáil leis na ceisteanna a bhíonn ag mic léinn agus múinteoirí. Is tríd teicnicí ilmheánach a fhaightear réidh le haon deacrachtaí atá bainteach leis na gcarachtair. Tagann tuiscint níos soiléire ar srianta na tíre sna 1950í agus nochtfar an fo-théacs. Is léiriúcháin clasaiceach, fuinnmhithe agus uaireanta greannmhar é an léiriúcháin seo de chuid Fíbín. Bígí linn!

3 & 4 Deireadh Fómhair: Black Box, Gaillimh
6 & 7 Deireadh Fómhair: GB Shaw Theatre, An Ceatharlach
10 -14 Deireadh Fómhair: AXIS, Baile Munna
17 & 18 Deireadh Fómhair Tuar Ard, Móta
19-21 Deireadh Fómhair Fós le socrú

Tuilleadh Eolais
Teileafón: 091-505855
Suíomh idirlíon: www.fibin.com
Bí linn ar Facebook ag http://www.facebook.com//pages/Fibin

Culturlann Uí Channáín, Doire - Imeachtaí

Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thios.

Tá clár na n-imeachtaí do shéasúr an tSamhraidh le fáil ag www.culturlann-doire.ie

Tuilleadh Eolais
Ríomhphost: eolas@culturlann-doire.ie
Teileafón: 02871264132
Suíomh Idirlín: www.culturlann-doire.ie
Seoladh: Cultúrlann Uí Chanáin, 37 Mórshráid Shéamais, Doire, BT48 7DF

Oideas Gael, Gleann Cholm Cille

Cuireann Oideas Gael réimse leathan de chúrsaí cultúrtha agus teanga ar fáil i rith an tsamhraidh. Siúl Sléibhe Péintéireacht Fharraige, ranganna ceoil (bodhrán, fliúit, cláirseach, srl), amhránaíocht & damhsa ar an sean-nós, grianghrafadóireacht dhigiteach, seandálaíocht agus go leor eile.

Imeachtaí san ionad le fáil ag www.oideas-gael.com

Tuilleadh Eolais
Teileafón 074 97 30248
Suíomh Idirlín: www.oideas-gael.com
Ríomhphost: oideasgael@eircom.net

Oideas Gael, Gleann Cholm Cille

Cuireann Oideas Gael réimse leathan de chúrsaí cultúrtha agus teanga ar fáil i rith an tsamhraidh. Siúl Sléibhe Péintéireacht Fharraige, ranganna ceoil (bodhrán, fliúit, cláirseach, srl), amhránaíocht & damhsa ar an sean-nós, grianghrafadóireacht dhigiteach, seandálaíocht agus go leor eile.

Imeachtaí san ionad le fáil ag www.oideas-gael.com


Tuilleadh Eolais
Teileafón: 074 97 30248
Ríomhphost: oideasgael@eircom.net

Séasúr nua Scannán sa Seanscoil, Indreabhán

Le linn an Fhómhair beidh séasúr scannán idirnáisiúnta den scoth i dteangacha éagsúla á thaispeáint ag Club Scannán Sailearna sa Seanscoil in Indreabhán. Chomh maith le scannáin nua déanta ón Fhrainc, ón Spáin, ón Ailgéir agus ón tSualann taispeánfar an scannán iontach clasaiceach, Padre Padrone (1977).

Tosnaíonn an séasúr nua scannán ar an gcéad Chéadaoin de Dheire Fómhair (5ú lá) i Seanscoil Sailearna ag 8.15pm, leis an scannán Francach "My Afternoons with Marguerite" ina bhfuil an aisteoir cáiliúl Gérard Depardieu sa phríomh páirt. Céadaoin ina dhiaidh (12ú lá) taispeánfar “The Girl who Kicked the Hornets' Nest”, scannán ón tSualann, bunaithe ar an tríú leabhar de chuid Stieg Larsson den ainm chéanna.

Seo leanas an clár iomlán don séasúr:

05 Deire Fómhair: “My Afternoons with Marguerite” (An Fhrainc);
12 Deire Fómhair: “The Girl who kicked the Hornets' Nest” (An tSualann);
19 Deire Fómhair: “Of Gods and Men” (An Fhrainc);
26 Deire Fómhair: “Patagonia” (An Bhreatain Bheag);
09 Samhain: “Biutiful” (An Spáinn);
16 Samhain: “Outside the Law” (Ailgéir);
23 Samhain: “Padre Padrone” (An Iodáil);
30 Samhain: “Little White Lies” (An Fhrainc).

Sé Club Scannán Sailearna, atá cláraithe leis an eagraíocht náisiúnta Access Cinema, a eagraíonn an séasúr scannán. Le ceithre bhliain anuas tá an club scannán ag cur scoth scannán ó thíortha éagsúla ar fud ar domhain ar fail do lucht féachana i gceantar Chois Fharraige i nGaeltacht Chonamara.

Is féidir le daoine ballraíocht sa chlub scannán a thógáil amach don séasúr
ar €25 (€20), a thugann cead isteach do gach scannán ar an gclár, nó is féidir €7 (€6) a íoc ag an doras ar an oíche.

Tá níos mó eolais faoina scannáin le fáil ar an suíomh www.clubscannan.ie nó is féidir cóip den bróiséar a fháil ón nasc seo a leanas:
http://www.clubscannan.ie/priontailte/ClubScannan-SeasurAnFhomhair2011-isealtaifigh.pdf

Ar an gCarraig / Ócáidí teanga – Éigse Éireann agus The Market Café
Cuireann The Market Café, i gcomhpháirtíocht le hÉigse Éireann, sraith nua de oícheanta filíochta ar siúl sa chaife i rith an Fhómhair. Cuirfear béile blasta, filíocht agus ceol i láthair. €15 an táille.

Dé hAoine 28 Deireadh Fómhair , 7:30pm: leis an bhfile Gabriel Rosenstock & cláirseoir

Dé hAoine 25 Samhain, 7:30pm: an file, Micheál Ó hUanacháin & an fidléir Máire Bhreathnach

Dé hAoine 16 Nollaig, 7:30pm: an file Declan Collinge & Aoife O'Connor ar an gconcertín.

Tuilleadh eolais:
Teileafón: 086 3151786
Ríomhphost: blackrockmarketcafe@gmail.com

Ócáidí Scéalaíochta mar chuid de 'Seachtain na Leabharlainne'.

Inseacht scéalta sa Leabharlann i Mullach Íde, Baile Átha Cliath ar an gCéadaoin,
an 5ú lá ag 10.30 r.n.

Leabharlann i mBaile Dhúill ar an Déardaoin an 6ú ag 10.30 r.n.

Cúrsa dealbhóireachta le Helle Helsner
The Painters Pallette, Maigh Cuillin, Co. na Gaillimhe.

8 & 9 Deireadh Fómhair 2011 - 10am – 4pm
Táille de €200 don chúrsa seo leis an ealaíontóir cré-umha Helle Helsner. Lón, tae, caife agus na hábhair san áireamh.

Tuilleadh eolais:
Suíomh Idirlín: www.ThePaintersPalette.ie

Tionscnamh Lugh – Trad Tráthnóna agus ceolchoirmeacha

Ionad Cois Locha, Dún Luiche, Co Dhún na nGall

Cuireadh Tionscnamh Lugh ar bun in 1993 leis an cheol tradisiúnta a chur chun cinn sa Ghaeltacht. Bíonn clár iomlán ceoil a reachtáil ag Tionscnamh Lugh idir Trad Tráthnóna agus ceolchoirmeacha.

Dermot Byrne agus aoíanna speisialta.
De Aoine/11 Samhain

Ceol Amhrán @ Singers Club. Deireadh Fómhair/ Samhain

Brian [Danny Minnie] O Domhnaill, Sean Nós, & Eugene Ginty, Opera /Classical .Lillis O Leary Sean Nós, & Miranda Rosenberg, Blues/Soul

Tuilleadh eolais:
Teileafón: 086 6050110
Suíomh Idirlín: http://www.tlugh.com
Seoladh ; Tionscnamh Lugh, Tra an Chéidigh, Ailt an Chorrain, Co. Dhún na nGall, Ireland.

Ceol agus Tapas ins An tSean Bheairic, An Fál Carrach, Co. Dhún na nGall

Ceol agus Tapas ins An tSean Bheairic, Fal Carrach, gach oíche Céadaoin ó 8.00 i.n. go dtí 10.00i.n. Fáilte roimh gach duine.

Tuilleadh eolais:
Teileafón: 074 9180888/ 9180655

Club na Gaeilge, Dún Dealgan

Club ar siúl uair sa mhí i nDún Dealgan. Bíonn imeachtaí ar nós ceardlann ealaíne, ceol,damhsa,cocaireachta,againn.(ag díriú ar phaistí). Chomh maith leis sin bíonn ócáidí sóisialta le babhláil, siúlóidí, sléibhteoireacht, cóisirí le haghaidh na Nollag, Oíche Shamhna srl.

Ar an 18u la den mhí seo beidh an grúpa ag dul ag sléibhteoireacht i bpáirc Kilbroney i gCo. an Dúin. Buailfidh an grúpa lena cheile ar a 11.30 in aice leis an ait súgartha, ait a mbeadh deis ag na paistí spraoi a bheith acu agus nuair a bheidh gach clann ann rachaimid ar an siúlóid. Tar eis sin beidh picnic againn. Fáilte roimh cách.

Féiltí

Oireachtas na Samhna

Cill Áirne, Co. Chiarraí,
1-6 Samhna, 2011

Eagraíonn Oireachtas na Gaeilge raon leathan imeachtaí chun na healaíona dúchasacha, trí mheán na Gaeilge, a cheiliúradh. Dírítear ar gach aon ealaín thraidisiúnta - amhránaíocht, ceol, rince, scéalaíocht, lúibíní, agallaimh beirte agus drámaíocht ag Oireachtas na Samhna.


Breis eolais
Ríomhphost: eolas@antoireachtas.ie
Teileafón: 01 475 3857
Suíomh Idirlín: www.antoireachtas.ie

Éigse Dharach Uí Chatháin

Féile amhránaíochta ar an sean-nós a cheiliúrann saol Dharach Uí Chatháin, dlúthchara agus páirtí amhráin Sheáin Uí Riada.

Breis eolais
Ríomhphost: eolas@rathcairn.com
Teileafón: 046 943 2068
Suíomh Idirlín: www.rathcairn.com

Nascanna

Tá na suíomhanna idirlín seo a leanas úsáideach maidir le nuacht agus deiseanna eagsúla.

http://www.creativecareers.ie - Creative Careers

http://www.eurocult.org - European Cultural Foundation

http://www.kildare.ie/crookedhouse/forum

http://www.artscouncil.ie/irish/index.htm - An Chomhairle Ealaíon

http://www.artsmanagement.ie - Cúrsa Bainsitíocht Ealaíon & Polasaí Cultúrtha. Tá mórán eolais suimiúil faoin saol ealaíon in Éirinn le feiscint ann.

http://www.musicnetwork.ie - Suíomh acmhainneach maidir leis an gceol - deiseanna, camchuairteanna agus eolas ghinearálta maidir le cúrsaí ceoil sa tír.

http://www.forumformusic.ie - Forum don Cheol in Éirinn

http://www.visualartists.ie/ - Suíomh acmhainneach maidir leis na dearcealaíona

http://www.poetryireland.ie - Suíomh Éigse Éireann.

http://www.communityartsireland.com/ - Suíomh tacaíochta maidir le hEalaíon Pobal.

http://www.aoifeonline.com Suíomh tacaíochta maidir le heagrú féilte

http://www.cultureireland.gov.ie. Cur chun cinn na nealaíon thar lear agus comhpháirtíocht idirnáisúnta a chothú. Fógraítear deontais ceithre huaire in aghaidh na bliana. An chéad spriocdháta eile, 14 Lúnasa

http://www.business2arts.ie - eolas agus cúrsaí úsáideach maidir leis na healaíona agus gnó.

http://ec.europa.eu/grants/index_en.htm#cult suíomh achmhainneach maidir le deontais, cistí agus cláir an Aontais Eorpaigh