-

Nuacht

-

Deiseanna / Deontais

Imeachtaí Ealaíon

-

Cuir leis an liosta

-

Bain den liosta

-

Seol chuig cara

-

Teagmháil

-

Séanadh

Nuacht

Fáilte go nuachtlitir Ealaín na Gaeltachta

Mar is gnáth, tá neart eolais eile faoi deiseanna ealaíne curtha ar fáil sa r-litir seo. Ina measc, tá folúntais, fhógraí le eolas ar choimisiún ealaíon pobail, deiseanna deontas agus neart ábhar a mbeidh spéís ag ealaíontóirí agus eagraíochtaí ealaíona na Gaeltachta iontu. D’fhógraigh an Chomhairle Ealaíon an scéim bliaintiúl do thionscnamh ealaíne. Bronntar dámhachtáin faoin scéim seo ar thionscnamh sna réimsí éagsúla ealaíne.Lena chois sin, d’fhógraigh an Chomhairle an Dámhachtán Taifeadta Deis an mhí seo. Fógraíodh roinnt scéimeanna ealaíon pobail le déanaí agus mar thoradh leis sin tá roinnt deiseanna coimisiún ar fáil faoi láthair. Tá fáisnéis faoi trí choimisiún sa nuachtlitir seo. Tá clár imeachtaí don Earrach fógraithe ag formhór na n-ionad ealaíne sa Ghaeltacht. D’ainneoin an géarchéim eacnamaíochta, tá clár láidir ealaíne á reachtáil ag na hionaid le riar maith d’imeachtaí ceoil, taibhléirithe, drámaíochta agus eile. Tá neart imeachtaí agus féiltí ealaíne ilghéitheacha agus ildánacha ar siúl ar fud na Gaeltachta an mhí seo chomh maith agus tá eolas futhu uilig le fáil thíos.

Beidh an Gréasán Ceoil ag eagrú Lá Náisiúnta Ceoil ar an 16 Aibreán, 2010. Reachtálfar imeachtaí ceoil agus ceolchoirmeacha ar fud na tíre. Má tá spéis agat nó ag do grúpa a bheith páirteach, nó má tá spéis agat imeacht ceoil a eagrú, is féidir breus eolais a fháil ag: www.musicnetwork.ie

B’iris dhátheangach riamh é Irish Pages/Duillí Éireann, tiománta go láidir d’fhoilsiú saothair i nGaeilge ar bhonn rialta. Roimhe seo, is i nGaeilge a bhí idir 5% agus 10% de gach eagrán – ar an dóigh sin ag tabhairt chomhurraim teanga agus cultúir don Ghaeilge, murb ionann agus spas eagarthóireachta. Déanann ár n-eagrán úr, An tEagrán Gaeilge (Vol 5, No 2), athnuachan agus doimhniú ar an tiomantas sin, ag léiriú leithead agus dhoimhneacht na scríbhneoireachta Gaeilge. Tá istigh ann saothar le Máire Mhac an tSaoi, Liam Mac Cóil, Louis de Paor, Aifric Mac Aodha, Liam Ó Muirthile, Biddy Jenkinson, Micheál Ó Conghaile, Nuala Ní Dhomhnaill, Gabriel Rosenstock, Alan Titley & a lán eile. Thig an t-eagrán seo a cheannach i ngach dea-shiopa leabhar in Éirinn, siopaí Eason san áireamh.

Déan teagmháil linn ag ealain@udaras.ie má tá aon eolas breise i dtaobh scéimeanna & r.l. de dhíth nó má tá aon bhlúirín nuachta don gcéad r-nuachtlitir eile.

Oiliúint

Ionad Cultúrtha, Baile Mhúirne, Co Chorcaí
Is é aidhm Ionad Cultúrtha Baile Mhúirne ná na healaiona d'árd chaighdeán a chur chun chinn agus suim sna h-ealaíon a mhúscailt i measc an phobail. Chuige san, tá clár dushlánach leagtha amach ag an ionad - idir ranganna, cheardlanna, cheolchoirmeacha, thaispeántaisí rince comh-aimseartha agus thaispeántaisí ealaíona - a chuireann an ionad ealaíona seo i gceart lár saol ealáiona Ghaeltacht Mhúscraí. Is é trí mheán na Gaeilge a reachtáiltear na himeachtaí go léir san Ionad.

Taispeántas ealaíne le Geraldine O Riordan
Aoine 4ú Márta @ 7.00 i.n.
Taisepántas físealaíne á oscailt ag Peadar O Riada @ 7.30. Tá an taispeántas seo ag leanúint ar aghaidh go dtí 2ú Mí Bealtaine

(A game of) Two Halves - dhá ceolchoirm i ceann amháin!
Aoine 11ú Márta:
Ceolchoirm le Caoimhín O Raghallaigh agus ceolchoirm eile ina dhiaidh le Fíona Kelleher id teannta Caoimhín Vallelly & Eleanor Healy

Oíche Mhór Amhránaíochta
Aoine 25ú Márta
OÍche amhránaíochta le muintir Chill na Martra agus Ré na nDoirí i gcómh-pháirtíocht le Aisling Gheal

Dian chúrsa scríobhnóireacht cruthaitheach le Ré O Laighléis
Máirt 1ú Márta, 8ú,15ú, 22ú & 29ú - do dhaltaí meánscoile san Ionad Aise óna 10.00-12.30 r.n
Luan (28ú Feabhra), 1ú Márta,7ú,14ú,21ú & 28ú - do dhaoine fásta san Ionad Lae, Baile Mhúine óna 7.30-9.30 i.n.(breis eolais ar an chúrsa seo le fáil san Ionad Cultúrtha - 026.45733) *

Ranganna amhránaiochta & ceoil
Ranganna amhránaíochta sean nóis le Máire Ní Chéilleachair @ Ceadaoin
Ranganna Ceoil le Henry Cronin @ Luan/ Ceadaoin/ Ceardaoin
Ranganna Fliúite le Conal O Grada @ Luan
Ranganna Conseartín le Triona Ní hAodh @ Déardaoin
Ranganna Veidhlín le Geraldine O Callaghan @ Dé Máirt

Ceardlanna dearc ealaíne
Tacaois le Bernadette Ní Coitir @ Deardaoin san Ionad Cultúrtha
Ealaoin le Pauline Dodds @ Luan i gCuan Barra 2 – 4 02640999
Ealaíon le Pauline Dodds @Máirt i gCois Cille 2 - 4 026 47777

Tuilleadh Eolais
Seoladh: Ionad Cultúrtha, Baile Mhúirne, Co Chorcaí
Teileafón: 00 353 (0)26 45733
Suíomh Idirlín: www.ionadculturtha.ie
Ríomhphost:ionadculturtha@eircom.net

Arás Éanna, Inis Oirr
Is Ionad Ealaíne é Áras Éanna atá suite ar Inis Oirr. Cuireann an t-ionad réimse leathan d’imeachtaí ealaíne agus cultúrtha ar siúl.

Tá gach eolas faoi na himeachtaí agus cúrsaí atá ar siúl ar Áras Éanna le fáíl ag an suíomh idirlín, www.araseanna.ie

Tuilleadh Eolais
Teagmháil: Mairéad Ní Ghallchóir:
Ríomhphost :araseanna@eircom.net
Teileafón: +353 99 751 50
Facs: +353 99 75152
Seoladh: Áras Éanna, Ionad Ealaíona agus Pobal, Inis Oírr, Árann, Co Na Gaillimhe.

Fibín

Compántas drámaíoc

An Triall le Maireád Ní Ghráda ar chamchuairt náisiúnta

Leagan ildánach agus dúshlánach de dhráma Mhaireád Uí Ghráda ar chamchuairt ar fud na tíre. Aisteoireacht ar ardchaigdheán, puipéid, mascanna , An Triall curtha ar stáitse ar bhealach samhlaíochta.

21 – 25 Márta: An Briery Gap. Maigh Chromtha.
28 Márta – 1 Aibreáin: An Axis, BÁC.
4 – 6 Aibreáin. Belltable, Luimhneach
11 -12 Aibreáin: Town Hall Theatre, Gaillimh.
14-15 Aibreáin: Tuar Ard, Móata.

Cead isteach 10 do dhaoine fásta/5 Euro do mhicléinn.


Tuilleadh Eolais
Ríomhphost: fibin@eircom.net
Teileafón: +353 091 505855
Suíomh idirlín: www.fibin.com

Gailearaí Joan Clancy, An Rinn, Co. Phort Láirge.
Bunaíodh Gailearaí Joan Clancy in 1999 sa Rinn i nGaeltacht Phort Láirge, 10 chiliméadar ó Dhún Garbhán. Tá stádas á bhaint amach aige de réir a chéile mar láthair ina mbíonn an fhísealaíon comhaimseartha Éireannach is deise ar thaispeáint. Tá Gailearaí Joan Clancy lonnaithe sa Rinn i nGaeltacht Phort Láirge gairid do Choláiste na Rinne, 10k ó Dhún Garbhán agus 12k ón Aird Mhór.

Grúpa Thaispeántas na Cásca i Joan Clancy Gallery

22– 25 Aibreán. Oscailte 11r.n – 5i.n le linn na laethanta atá luaite agus trí choinne chomh maith.

Tá bailiúchán iontach sa Gailearaí, ina measc saothair úrnua ó Arthur Maderson, Katarzyna Gajewska, Blawnin Clancy, Dave West, Andrea Jameson, Rayleen Clancy, John Cullinan, Mary Clancy agus ó bhuaiteoir IFTA Ross Stewart, a bhí mar Stiúrthóir Ealaíne ar an scannán ‘The Secret of Kells’, a ainmníodh I gcomhair Academy Award. Ní féidir na praghasanna a shárú agus is am iontach anois é chun saothar ealaíne a cheannach.“Is fiú go mór turas a thabhairt ar Thaispeántas na Cásca i Joan Clancy Gallery” arsa Con Power san Irish Arts Review.

Tá Joan Clancy Gallery lonnaithe sa Rinn in aice le Coláiste na Rinne.

Tuilleadh Eolas
Ríomhphost: info@joanclancygallery.com
Suíomh Idirlín:www.joanclancygallery.com
Teileafón: (058) 46205 nó 086 8134597
Seoladh : Gailearaí Joan Clancy Maoil a Choirne, An Rinn, Dún Garbhán, Co. Phort Láirge

An Cabaret Craicáilte, Gaoth Dobhair.

Gaoth Dóbhair – an 3ú Satharn de gach mí, de gnáth.


Tugann an Cabaret Craicáilte árdan do cheol comhaimseartha i nGaeilge agus cothaíonn siad réimsí nua ceoil agus siamsaíochta trí mheán na Gaeilge. Bíonn ceoltóirí aitheanta ag seinnt gach cineál ceol - rap, jazz, ceol domhanda, reggae, ceol traidisiúnta, rock-ceoil agus go leor eile. Bíonn greann, taibhléiriú, filíocht bheo agus go leor imeachtaí eile. Oíche chraicáílte den scoth.

Tuilleadh Eolais
Teileafón: 087 2785593 nó 097 81079
Ríomhphost: Ronan.MacAodhaBhui@rte.ie
Suíomh Idirlín: www.craiceailte.com

Aos Cró - Club filíochta agus focail labhartha

Aoí speisialta: Micheál Ó Ruairc

16 Márta, 2011. 8.30 i.n.

Beidh an chéad oíche eile den gclub filíochta agus focail labhartha, Aos Cró ar siúl Céadaoin an 16ú lá de mhí Márta i Siar ó Thuaidh, Tigh Uí Chatháin, Baile an Fheirtéaraigh, Corca Dhuibhne, Co Chiarraí ag tosnú ag a 8.30 i.n. Sé aoi speisialta na hoíche ná an file agus úrscéalaí Mícheál Ó Ruairc.
Cuirtear fáilte roimh baill den lucht éisteachta gur mhaith leo rud ar bith – prós nó filíocht, a saothar féinig nó saothar duine eile – a léamh i gcomhluadar cáirdiúil neamhfhoirméalta. Saorchead isteach.

Ionad an Bhlascaoid, Dún Chaoin, Co. Chiarraí
Reachtálann an tIonad imeachtaí ealaíona agus cultúrtha ó ham go chéile, mar aon leis imeachtaí oidhreachta. Téígh i dteagmháil leis an ionad chun eolas a fháil ar na himeachtaí atá ar siúl faoi láthair.

Tuilleadh Eolas
Teileafón: (066) 9151082 (066) 9156444
Ríomhphost:BLASCAOD@OPW.IE
Suíomh Idirlín: http://www.heritageireland.ie nó www.ceiliuradh.com

Aras Inis Ghluaire: Béal an Mhuirthead, Co Mhaigh Eo


"Alas, poor Yorick!"
Tá Áras Inis Gluaire thar a bheith sásta bheith ag óstáil leagan giorraithe, fad uaire, den dráma Hamlet agus tar éis an dráma ar feadh uair a’ chloig eile, beidh ceardlann ar siúl chun an dráma a phlé agus a shuaitheadh. Seans iontach é seo do scoláirí Ardteistiméireachta casadh leis na haisteoirí agus spiorad Hamlet a bhraith agus a thuiscint dóibh féin. Beidh an seó seo ar siúl ar an Deardaoin 10 Márta. Cead isteach €10. Beidh dhá seó ar siúl i rith an lae agus moltar do scoileanna áiteanna a chur in airithe gan mhoill. Glaoigh ar 097 81079. [Is ar bhíthin Ionad Oideachais Mhaigh Eo, Siamsaíocht Chathair na Mart agus Compántas Drámaíochta Aisteoirí na Breataine atá an léiriú seo á chur i láthair.]

Message of Peace
Scéal é seo a léiríonn beatha laoich Gaelaigh neamhiomráitigh arbh ainm dó John Boyle O’Reilly. Sa seó seo tugann Sean Tyrrell léaráid dúinn ar shaol an laoich, ag taisteal leis gan dua ó thús a shaoil tríd an nGorta, trí réabhlóid, tríd an bhFíníneachas go dtí pianseirbhís saoil san Astráil nó gur éalaigh se faoi dheireadh go dtí Stáit Aontaithe Mheiriceá. Tá grá Tyrrell don ceol traidisiúnta thar a bheith follasach tríd an seó agus é ag insint an scéil - snáitheanna an scéil fite fuaite le chéile ag úsáid poirt agus ríleanna, máirseáil, cúpla tiúin mhall - ceol, scéalaíocht agus amhránaíocht agus gach gné den seó curtha i láthair go cliste. Is féidir Message of Peace a fheiceáil in Áras Inis Gluaire ar an Aoine 11 Márta ag 8.30 p.m. Táille €10.

Seachtain na Gaeilge in Áras Inis Gluaire
I mbliana 2011 in Áras Inis Gluaire táimid ag óstáil a lán imeachtaí éagsúla chun Seachtain na Gaeilge a cheiliúradh.

Cineclub na n-Óg
Chun tús a chur leis an gcomóradh ar an Satharn 12 Márta beidh Cineclub na n-Óg ag tosú ag 12.00 meán lae agus leanúint ar aghaidh go dtí 4.00pm. Seachas an scannán beidh Tráth na gCeist agus cluichí, spraoi agus craic! Táille €10.

Lón le Gaeilge
Dé Máirt, 15 Márta ó 12.00 meán lae go dtí 2.00 pm beidh Lón le Gaeilge – saghas ciorcal comhrá Gaeilge ag am lóin! Beidh tae agus caife ar fáil agus beidh fáilte roimh cách – cuma tú a bheith líofa nó cúpla focal a bheith agat! Tá seans anseo ag daoine rud difriúil a dhéanamh ag am lóin agus ag an am céanna casadh le daoine agus cúpla focal a chleachtadh!

Aonach ealaíon agus ceardaíochta
Ar Lá le Padhraig, 17 Márta, beidh aonach ealaíon agus ceardaíochta Déanta in Éirinn ar siúl – rud atá oiriúnach don clann ar fad. Beidh an t-aonach ar siúl ó 11.00am go dtí tús na paráide (timpeall 3.00pm) agus arís ar an Aoine, 18 Márta, ó 10.00am go dtí 5.00pm. Beidh cnuasach ealaíon agus ceardaíochta de gach saghas ar díol: seodra, cártaí, éadaí, grianghraif, earaí cniotáilte agus rudaí nach iad. B’fhéidir gur seans maith é seo bronntanas a fháil i gcomhair Lá na Máthar.

Oíche siamsaíochta
Chun deireadh a chur le tarluithe na seachtaine beidh oíche siamsaíochta againn le Craobh Clann Lir – craobh Iorrais de Comhaltas Ceoltóirí Éireann – ar an Aoine 18 Márta. Ina theannta sin beidh ceoltóirí áitiúla agus damhsóirí ó Scoil Damhsa Redmond. Beidh an ceolchoirm ag tosú ag 8.30pm. Beidh cupán tae ar fáil agus beidh fáilte roimh cách!

Ríomhphoist Rosemarie ag r.mangan@arasinisgluaire.ie nó glaoigh ar 097 81079.

Tuilleadh Eolais
Teileafón: 097 – 81079
Seoladh: Áislann Bhéal an Mhuirthead , Belmullet, Co. Mayo.
Suíomh Idirlín: http://www.arasinisgluaire.ie/

Tráthnónta siamsaíochta san Ardchathair – Gael Linn

Chuir Gael Linn tús i mí Eanáir 2008 le sraith de thráthnónta siamsaíochta faoin teideal ‘Bewley’s @ 6!’. An aidhm atá leis na tráthnónta seo ná deis a thabhairt do lucht na Gaeilge san Ardchathair teacht le chéile tar éis lá oibre nó lá siopadóireachta, scaoileadh leis an trácht, deoch a ól, greim beag a bheith acu le n-ithe agus sult a bhaint as ceol den scoth!

Is in Amharclann Bewley’s, sa chaifé stairiúil ar Shráid Ghrafton, a bhíonn an chraic ar oícheantaí Mháirt go míosúil ó 6p.m. go 8p.m. I measc na n-oirfideach a bhí linn go dtí seo bhí Jimmy Crowley, Cormac, Fionán agus Éamonn de Barra, Mac Dara Ó Conaola agus a chairde, Mick O’ Brien,Mark Kelly agus Niamh de Búrca, Tadhg Mac Dhonnagáin, Feargal Ó Murchú agus Conal Early ón seó Ragús, Seán Ó hÉanaigh agus baill den ghrúpa ‘Téada’, Oisín Mac Diarmada, Paul Finn agus Tristan Rosenstock.

Tá blaisíní bia deá-mhéine san áireamh sa táille iontrála €15 agus tá fáil ar tae, caifé agus deochanna ag an mbeár.

Le fáil amach cé hiad na ceoltóirí a bheidh linn an chéad mhí eile cliceáil ar Nuacht ar an leathanach baile, nó is féidir gach eolas a fháil ag an uimhir thíos.

Tuilleadh Eolais
Teileafón: 087-2547574
Ríomhphost: niamh@gael-linn.ie

Cló Ceardlann na gCnoc – Cúrsaí agus imeachtaí

Tionscnamh Malartú, Úist, Tuaisceart na Albainna
8-16th Márta
Clár malartaithe d’ealaíontóirí is ea Malartú. Is éard atá i gceist leis an chlár úr, nuálaíoch seo ná malartú idir Cló Ceardlann na gCnoc, Co. Dhún na nGall agus Taigh Chearsabhagh, Úist Thuaidh, Albain.

Ceiliúradh Scannán Satyajit Ray
19-20th Márta
Beidh scannánaí ar súil ó Satyajit Ray ag ceiliúradh an teaghmháil idir Éireann agus an Inde, agus Tír Chonaill. Beidh scannánaí ar nós Charulata (114 nóiméad) agus Gare-Baire (131 nóiméad) , le neart scannail eile ar súil.

Tionscnamh Samkura
Aibreán 2011-Mi na Nollaig 2012
Tionscnamh nua idir-náisiúnta do Ealeantóirí on Gaeltacht, an Gréig, Armenia, an t-Seoirsí agus an Phortaingéil ata ag tosnú i mi Aibreáin. Beidh se ag dhul ar aghaidh go dtí mi na Nollaig 2012. Is malartú idir-náisiúnta cónaithe atá ann agus beidh taispeántas mhór ar siúl tríd Samkura. Is é seo an chead togra mar seo in Éireann go deo. Le breis eolas dul go www.samkura.net

Seachtaine na Gaeilge, Ógras, Halla Ur i Rannafeirdse.
4th Márta
Foscáilte do saothar úr do Ian Joyce agus grúpa Ógras ag 8 a chloig.

Taispeántas Ceardlainne - Togra Malartú
Iúil 2011
Thug an malartú nuálaíocht deis agus am do na healaíontóirí modhanna úra ealaíne a iniúchadh agus a fhiosrú agus is as a tháinig na saothair chumasacha agus spreagúla a fheictear romhainn. Beidh se an chead taispeántas sa ionad úr i Min an Lea. Ta an taispeántas seo ag ceiliúradh an chlár buan ealaíne agus cultúrtha idir Albain agus Eire sna blianta atá le teacht. Dátaí le teacht.

Éanlaith ar Strae, Arts Centre eiitir Ceanainn
14th Bealtaine
Beidh oíche i Leitir Ceanainn le filíocht Tagore á leabh ag Cathal O’ Searcaigh agus Gabriel Rosenstock, ceoil ó Derek Ball agus an Donegal Chamber Orchestra agus ealaíon ó Ian Joyce.

Comóradh Scannán Lá Fheile an Aifrí
25th Bealtaine
Beidh scannánaí éagsúla on Aifrí ar taispeáint I dteagmháil le Lá na hAifreach, co maith le scannánaí ó Wanjiru Kinyanjui.

Cumann Eitseála
Gach De Céadaoin 2011
Ta cumann eitseáil ag dul ar aghaidh gach de Céadaoin do ealaíontóirí on gceantar. Ta fáilte ríomh daoine nua i gcónaí.

Ceardlann Fótagrafaíocht, Eitseáil agus Liteagrafaíocht Clocha le Aoife McGarrigle
9th/10th & 16th/17th Iúil
Beidh dhá cúrsaí ealaíon le Aoife McGarrigle ar súil sa samhraidh. Beidh breis eolas le fhail ar an idirlinn no chuir scairt orainn ar 074 9162800
www.aoifemcgarrigle.com

Tuilleadh Eolais
Teileafón: 074 9162800
Suíomh Idirlín: www.clo.ie

Taispeántas físealaíne leis an ealaíontóir Gaeltachta Andrew Duggan

Irish Arts Center Gallery, Nua Eabhrach. Go dtí an 28 Márta
Tionscnamh illmheán leis an bhfísealaíontóir Andrew Duggan. Déanann an tionscnamh seo iniúchadh ar na difríochtaí idir na pinniúir liathróíd láimhe atá i Nua Eabhrach agus in Éirinn. Tá Andrew Dugann ina chónaí agus ag obair i nGaeltacht Choirce Dhuibhne.

Tuilleadh Eolais
Ríomhphost: jen@irishartscenter.org

Lab na Mainistreach, Sráid Eoin, An Daingean

Ionad Ealaíona na Gaeilge sa Daingean is ea An Lab. Tá amharclann dea-chóirithe ann le seachtó suíocháin, seomraí le haghaidh taispeántaisí, insealbhaithe agus cruinnithe, chomh maith le spás le haghaidh cleachtaithe agus ceardlanna. Tá sé ar fáil le haghaidh imeachtaí cultúrtha a chuirtear i láthair tré mheán na gaeilge.
‘Sé an comhlucht cónaithe amharclannaíochta ann ná AnnÓg Ar Aghaidh, a léiríonn drámaí gaeilge agus a chuireann traenáil i scileanna amharclannaíochta ar fáil do dhaoine óga.

11/12.03.11 Féile Fuint Focal
Deireadh seachtain spreagúil do dhaoine óga gur spéis leo an scríbhneoireacht.
Beidh ceardlanna bprós, filíocht, iriseoireacht, scríobh scripte, cumadóireacht amhrán, agallamh beirte, tráth na gceist, siúlóid chulturtha, oíche siamsaíochta.
Seoladh oifigiúil ag Micheál de Mórdha, 7.30 i.n. Aoine 11ú Márta
Eagraithe ag Pléaraca Teo. Tuilleadh eolais ó 091-574882/574346,
plearaca@eircom.net www.plearaca.ie

12.03.11 Ceolchoirm le Caoimhín Ó Raghallaigh, Fiona Kelliher, Caoimhín Vallely, Eleanor Healy
Ceol leis an veidhleadóir clúíteach Caoimhín Ó Raghallaigh i dteannta leis an amhránaí Fiona Kelliher le Caoimhín Vallely (píano) agus Eleanor Healy (dord agus guth) 8pm Ticéidí ag Siopa Cheoil an Daingin agus ag an doras.

31.03.11 Ceolchirm le Mick Hanley, Nollaig Ní Chathasaigh, Arty Mc Glynn
Ceol agus amránaíocht le Mick Hanley, Nollaig Ní Chathasaigh agus Arty Mc Glynn 8pm. Ticéidí ag Siopa Cheoil an Daingin agus ag an doras.
Imeachtaí Reath:

Eitseálacha le Tomás Ó Cíobháin (1970 – 2000):
Seomra na dTaispeántaisí. Luan go hAoine idir 9am agus 5pm agus le linn léirithe san amharclann.

Taispeántas Grianghrafanna le Gearóid Ó Cáthasaigh

An Cúilín Quartet:
Cleachtaithe seachtainiúil in An Lab

Ceardlanna Amharclannaíóchta
AnnÓg: Gach Céadaoin 4 – 6pm

Suíomh nua idirlíon: www.anlab.ie . Bí linn ar Facebook – AnnÓg/An Lab

Tá An Lab/AnnÓg ar Aghaidh le fáil ar Facebook. Beidh ár suíomh idirlíon nua á sheoladh go luath. Tá An Lab ar fáil le haghaidh léirithe, ceolchoirmeacha, insealbhaithe, taispeántaisí ealaíne agus ócáidí eile. Deinimid freastal ar gach aois-ghrúpa tré mheán na Gaoluinne.

Tuilleadh Eolais
Teileafón: Áine ag 087/8546572
Ríomhphost: ainemoy@eircom.net

Clubscannán Sailearna, Indreabhán, Co. na Gaillimhe.

Séasúr Nua Scannán ag tosnú lár mí Eanáir in Indreabhán.

Tosnóidh an chéad séasúr eile scannán ar an gCéadaoin, 12 Eanáir, nuair a thaispeánfar “The Girl who Played with Fire”, bunaithe ar leabhar cáiliúl Stieg Larsson. Seo leanas liosta iomlán na scannán atá beartaithe don séasúr:


02/03/11 - Vincere ( An Iodáil)
09/03/11 - Storm (An Gearmáin)
30/03/11 - The Secret in Their Eyes (An Airgintín)
06/04/11 - The Concert (An Fhrainc/ An Rúis)

Tig le daoine ar spéis leo go leor de na scannáin a fheiceáil ballraíocht a thógáil amach ar €25 (€20) don séasúr nó is féidir €7 (€6) a íoc ar an doras do réir an scannáin. Tosnaíonn na scannáin ag 8.15 gach oíche. Tá níos mó eolais le fáil faoina scannán ar fad a bhéas á dtaispeáint idir an Nollaig is an Cháisc ar an suíomh idirlíon www.clubscannan.ie

Tuilleadh Eolais
Suíomh Idirlín: www.clubscannan.ie

Seanscoil Sailearna , Indreabhán, Co. na Gaillimhe.

Na Crosáin - Drámaíocht don Óige Taibhdhearc. Eolas le fáil ón tSeanscoil.

8-10 Márta - Féile Scoildrámaíocht (Cúige)

28 Aibreán - 1 Bealtaine - Feile Náisiúnta Drámaíochta

Club Scannán ar siúl gach Céadaoin. Scannáin idirnáisiúnta.

Tuilleadh Eolais
Ríomhphost: cst@eircom.net
Teileafón: 091-593017
Facebook: Comharchumann Shailearna=facebook

Culturlann Uí Channáín, Doire - Imeachtaí

Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thios.

Lá Siamsaíochta do Pháistí Bunscoile (Eochairchéim 2 – Rang 5, 6, 7)
Déardaoin 10ú Márta / Thursday 10th March, 10am-12.30pm

Scéim na bhFáinní – (Do Fhoghlaimeoirí Choláiste an Phobail, Doire)
Máirt 8ú Márta / Tuesday 8th March, 10am-1pm

Scéim na bhFáinní – (Do Fhoghlaimeoirí Chomhairle Cathrach Dhoire)
Lá Fhéile Pádraig
Céadaoin 9ú Márta / Wednesday 9th March, 10am-1pm

Féile Phádraig
Ar an Déardaoin 17ú Márta, , beidh ceiliúradh faoi lánsheol againn i gCultúrlann Uí Chanáin. Beidh Lá Teaghlaigh againn le péintéireacht aghaidhe, ceardlann damhsa agus réimse imeachtaí eile. Beidh seisiúin cheoil sa Chaife i rith an lae.
Beidh na himeachtaí i rith an lae saor in aisce.
Beidh céilí ar siúl ar 9:30 san oíche (Copperplate Céilí Band). Táille isteach – £5
Fáilte roimh chách!

Ranganna
Fidil / Bainseó / Feadóg Stáin / Píb Uilleann / Amhránaíocht Traidisiúnta / Damhsa ar an sean-nós / Damhsa Céilí / Tai Chi
Seoladh: George Murphy "Still in One Piece" CD
Satharn 12ú ag 8pm
Seoladh: George Murphy "Still in One Piece" CD le haoi-taibheoirí Brian Mullen agus Comhaltas Chraobh Dhoire

Ceardlanna Ceoil Traidisiúnta
Cúrsa Feasacht Chultúrtha 10 seachtain ag tosú roimh i bhfad. Clúdófar ábhair mar logainmneacha, sloinntí, ceol agus stair na teanga.

Tuilleadh Eolais
Teileafón: 02871264132
Ríomhphost: eolas@culturlann-doire.ie
Suíomh Idirlín: www.culturlann-doire.ie
Seoladh : Cultúrlann Uí Chanáin, 37 Mórshráid Shéamais, Doire, BT48 7DF

Scéim Scríbhneoireacht Cónaitheach- ‘Cluas Cleite’

Is mór is cúis áthais ag an Ionad Cultúrtha é a fhógairt go reachtáilfear dhá chúrsa sa Scríbhneoireacht Chruthaitheach – ceann do dhaoine fásta agus ceann eile do dhaltaí dara leibhéal – i nGaeltacht Mhúscraí an tEarrach seo. Is faoi stiúir an scríbhneora dátheangaigh Ré Ó Laighléis a bheas na cúrsaí.

Cuirfear cúrsa sé seisiún i ‘Scríobh an Ghearrscéil agus an Úrscéil’ ar fáil do dhaoine fásta an cheantair ar gach oíche Dé Luain idir 28ú Feabhra agus 4ú Aibreán. Agus, i gcás na ndaltaí dara leibhéal, tabharfar sé seisiún ar an mbonn céanna gach maidin Dé Máirt, ón 1ú Márta go dtí an 5ú Aibreán. Roghnófar 12 dalta – seisear as Coláiste Ghobnatan, Baile Bhúirne, agus seisear as Scoil Mhuire, Béal Átha an Ghaorthaidh – chun freastal ar an gcúrsa.
Is í is aidhm leis an gcúrsa sa dá chás go mbeidh tuiscint soiléir ag na rannpháirtithe ar nádúr agus eilimintí an dá genre (gearrscéal agus úrscéal) agus ar an gcur chuige is gá len iad a shaothrú go héifeachtach. Is dianchúrsa a bheidh i gceist, ina mbeidh spriocanna seachtainiúla le baint amach ag na rannpháirtithe síos tríd.
In imeacht na gcúrsaí, tabharfar aghaidh agus léargas cuimsitheach ar bhun-eilimintí agus scileanna riachtanacha na scríbhneoireachta cruthaithí, m.sh., struchtúr, plota, carachtracht, inseoireacht, comhrá agus stíl, agus é mar sprioc go mbeidh sé ar a gcumas ag na rannpháirtithe scéal ar ardchaighdeán a chruthú.
Cuirfear tús leis an gcúrsa do dhaoine fásta ar an Luan 28ú Feabhra agus tosófar ar chursa na ndaltaí dara leibhéal ar Dé Máirt 1ú Márta.

Tá an scéim seo, ‘Cluas Cleite’ faoi stiúir Ionad Cultúrtha agus maoinithe ag Ealaín na Gaeltachta agus ag Coiste Gairmodeachais Chontae Chorcaí.

Tuilleadh Eolais
Teileafón: 026.45733
Ríomhphost: eolas@ionadculturtha.ie
Suíomh Idirlín: www.ionadculturtha.ie
Seoladh : Ionad Cultúrtha, Baile Mhúirne, Co Chorcai

Branar - Clann Lir.

Tá grá athar dá pháistí ag croílár na hathinsnte seo den sean scéal clúiteach CLANN LIR. Sa léiriú beoga seo, díríonn BRANAR ar an seanscéal mar shíscéal. Feiceann muid-Tóraíocht Lir a pháistí;Claochlú draíochta;Trí dheis chun an gheis a bhriseadh!; Agus go leor eile.

Insítear an scéal draíochta seo le puipéadóireacht, íomhánna fuinniúla agus ceol aoibhinn nua- chumtha. Arna stiúradh ag Marc Mac Lochlainn.

Ceol le Micheal Chang agus Freda Nic Giolla Chatháín.
Buíochas le Deis as tacaíocht a thabhairt don tógra seo.

Dataí: Mí Feabhra ar aghaidh

Aoisghrúpa: 6-10

Ar fáil i nGaeilge/ Dátheangach/ Béarla

Gach eolas maidir le dátaí agus ionaid le fáil thíos

Tuilleadh Eolais
Teileafón: 091 590999/ 091 442360/ 0868546616
Ríomhphost: info@branar.ie

Rang Ceamara Digiteach - Ancaire, Dún na nGall

Mar pháirt do shráith ranganna atá a reachtáil ag Comharchumann na nOileán Beag i mbliana, beidh rang ceamara digiteach a reachtáil in Acadamh na hOllscolaíochta Gaeilge i nGaoth Dobhair ar an Mháirt, an 1 Marta.

Beidh an rang ag tosnú ag 3.00 - 5.00 agus beidh táille do dheich euro ar an rang.

Má tá suim agat freastail a dhéanamh ar an rang seo, déan teagbháil le oifig an Chomharchumainn

Tuilleadh Eolais
Teileafón: 074 95 32571
Ríomhphost: ancaire@eircom.net

An Díseart, An Daingean, - Nuacht

Tá Ella Yates sa Daingean réidh le tosú ar an gcéim dheireanach den saothar mór, an fresco den tSéire Dheireanach i bproinnsheomra an chlochair mar a bhí. Is Halla mór léachta an seomra sin anois. Tá an sinopa reidh le tamall, na hAspail agus ár dTiarna timpeall an bhoird agus Íosa i lár baill ag tairiscint na comaoineach dóibh. Is pearsana a bhuail léi ar an tsráid a sheas mar chuspaí do na pearsana. Díthreabhach atá do Pheadar. Sagart d'Eaglais na hÉireann atá mar Philip. Bhí breis agus a dóthain aicí ar deireadh agus beidh díomá ar dhaoine áirithe mar ná beidh siad le feiscint. Tá an falla mór ard go léir faoin saothar ealaíne seo. Táthar á mholadh dom a iarraidh ar an gCairdinéal Puppard, Uachtarán an Choiste um Ealaín agus Creideamh agus údar an leabhair bhreá La Voie de la Beauté an saothar a nochtadh, 29 Iúil, Aoine Fhéile na Lúnasa. Muran féidir leis siúd teacht iarraimid ar Easpag Luimnigh, Dónal Ó Muirí, an t-aon Éireannach amháin atá ar an gCoiste an gnó a dhéanamh. Tá an Pápa féin an-láidir ag tacú leis an séú slí chun Dé. via pulchritudinis; Tá leabhar nua dá chuid ar an ábhar le foilsiú go luath. Cuireann an Díseart béim mhór ar tábhacht na healaíne agus seo an t-éacht is mó atá déanta aige maidir leis seo. Tá Ella Yates ag teacht don Dainean le deich mbliana ag cur le háille an tséipéil, thigh na Sagart, agus go háirithe an Dísirt. Roimhe seo ba é Seomra Nanó Nagle an rud is tábhachtaí a rinne sí. Tháinig Máthair Ghinearálta an OIrd, an tSr. Terri Abraham ó Kerala do nochtadh an tsaothair mhúrealaíne seo.Táimid buíoch don urraí príobháideach atá at maoiniú an tsaothair seo. Go gcúití a Día na hÁille agus na Glóire a fhéile leis

Tuilleadh Eolais
Ríomhphost: pof@diseart.ie

Fuint Focal 2011

Lab na Mainistreach, An Daingean ón 11 – 13 Márta
Beidh Fuint Focal, deireadh seachtaine litríochta do dhaoine óga, ar siúl i Lab na Mainistreach, An Daingean ón 11 – 13 Márta. Eagraíonn Pléaráca Teo. an deireadh seachtaine seo gach bliain mar chuid den Chlár Litríochta agus Drámaíochta don Óige atá maoinithe ag Ealaín na Gaeltachta. Tugann an deireadh seachtaine deis do dhéagóirí as iar-bhunscoileanna na Gaeltachta agus Gaelscoileanna, freastal ar cheardlanna scríbhneoireachta le scríbhneoirí agus cumadóirí den scoth. I mbliana beidh ceardlanna le Jackie MacDonncha; Dairena Ní Chinnéide; Bríd Ní Mhóráin; Sharon Ní Chonchúr; Eithne Ní Chatháin; Seosamh Ó Críodáin agus Seán Ó Muineacháin.
Is é seo an chéad uair do Fuint Focal a bheith ar siúl sa Daingean. Seolfaidh Mícheál Ó Mórdha an deireadh seachtaine ag 8i.n. Dé hAoine, 11 Márta, i Lab na Mainistreach. Tá na ceardlanna teoranta do dhéagóirí atá cláraithe roimh ré.

Tuilleadh eolais:
Seoladh: Pléaráca Teo. Ionad Fiontair Rosmuc, Co. na Gaillimhe
Teileafón: 091-574346
Suíomh Idirlín: http://www.plearaca.ie

Ceili, Damhsa dhá lámh agus Damhsa Set

Le Clement Gallagher

Gach Déardaoin @ 8.30
Halla Paróiste Chill Chartha

Bia agus deoch ar fáil
Fáilte roimh gach duine!

Tuilleadh eolais:
Ríomhphost: kilcar.fleadh@gmail.com
Suíomh Idirlín: http://www.kilcaronline.com

Tionscnamh Lugh - Ceol Amhran - Singers Club

Tigh Hudaí Bheag, Gaoth Dobhair - 9.30 p.m.
Oíche amhránaíochta á reachtáil ag tionscnamh Lugh. Fáilte roimh amhránaithe nó lucht éisteachta. Amhrán ar an sean-nós, amhráin chomhaimseartha agus gach cineál stile le cloisteáil!
Uair sa mhí ar an dara chéadaoin.

9 Márta 2011
13 Aibreáin 2011
11 Bealtaine 2011


Tuilleadh eolais:
Suíomh Idirlín: http://www.tlugh.com/

Futa Fata – Eolas.

Lúlú Síneach
Fuair Futa Fata deá-scéala ag tús na míosa seo go bhfoilseofar an
pictúirleabhar Lúlú agus an Oíche Ghlórach i Sinís i mí Meitheamh 2011.
Seo é an chéad leabhar atá foilsithe ag an údar Bridget Bhreathnach as Ros Muc, Co. na Gaillimhe. Cur síos atá sa scéal ar an gcaoi go n-éiríonn le Lúlú,
an moncaí beag, dul i ngleic leis an eagla a bhíonn uirthi san oíche roimh na glórtha ar fad a bhíonn le cloisteáil ina timpeall san fhoraois.
Is é Steve Simpson a mhaisigh an leabhar agus bhí go leor
foilsitheoirí a chonaic an leabhar ag Aonach Leabhar Frankfurt an-tógtha leis na
pictiúir áille a chruthaigh sé don scéal. www.stevesimpsom.com

Gugalaí Gug!
Bronnann IRMA, an Irish Recorded Music Association dioscaí óir ar albaim Gugalaí Gug mar aitheantas ar dhíolachán os cionn 7,500 cóip agus tá an t-aitheantas sin tuillte go hoifigiúil anois ag Gugalaí Gug!
Mar cheiliúradh ar an éacht díolacháin seo, beidh bronnadh diosca óir orthu siúd a bhí páirteach sa tógra i Seanscoil Sailearna, Indreabhán, Co. na Gaillimhe ar an 04ú Márta 2011. Is é an Coimisinéir Teanga, Seán Ó Cuirreáin, a dhéanfaidh an bronnadh agus beidh Aoife Ní Thuairisg ó TG4 mar bean an tí ar an oíche mhór. Beidh fáilte roimh an bpobal ar fad a bheith i láthair – ach bígí ann breá luath!

An Domhnach dar gcionn, an 6ú lá, beidh Gugalaí Gug Beo ar siúl in Áras Pobail Ráth Chairn, Co. na Mí ag 4pm. Cuireadh an seó seo i Ráth Chairn ar ceal roimh Nollaig i ngeall ar an drochaimsir.


Scrabble as Gaeilge
Cé go bhfuil muid fíorghnóthach ag forbairt scéalta nua do leitheoirí óga na tíre, is maith le foireann Futa Fata briseadh a thógáil anois is arís agus cluiche Scrabble as Gaeilge a imirt. Bíonn muid uilig in iomaíocht lena chéile an scór is airde a bhaint amach! Dúshlán mór dúinn é sin. Cluiche iontach é seo do pháistí 10+ agus do dhaoine fásta!

Cití Cearc + Comórtas
Is breá le Futa Fata cearca! Nuair a bhéic Cití gur goideadh ubh uaithi ní dhearna
sí aon mhoill ach imeacht sa tóir ar an nGadaí Gránna!
Ach cén sórt Gadaí Gránna a ghoidfeadh ubh ar chearc chomh deas, cineálta le Cití? Le deis cóip den leabhar nua seo scríofa ag Patricia Forde a bhuachan, tarraing pictiúr den Ghadaí acheapann tusa a ghoid ubh Chití. Seol do phictiúr chugainn le Ainm, Seoladh, Scoil agus Aois ag:
Futa Fata, An Spidéal, Co. na Gaillimhe.
www.patriciaforde.com


Tuilleadh eolais:
Teileafón: 091 504 612
Ríomhphost: eolas@futafata.com
Suíomh Idirlín: www.futafata.com
Seoladh :Futa Fata, An Spidéal, Co. na Gaillimhe, Éire

Gemma Breathnach ag gemma@futafata.com nó 091 505800, 086 0703193

Oíche Spáinneach i Ráth Cairn

Áras Pobail Ráth Chairn
5 Márta 2011 ag 9in

Las Fallas. Oíche Spáinneach i Ráth Cairn! Fíon, Paella, Pinata, Ceol, Craic
Caith Éadaí Dearg nó Buí

Tuilleadh eolais:
Teileafón: 046 943 2068
Ríomhphost: rathcairn@eircom.net
Suíomh Idirlín: http://www.rathchairn.net/

Féiltí

Éigse an Spidéil

An Déardaoin 3– Dé Domhnaigh 6 Márta
Spidéal, Co. na Gaillimhe.
Féile phobail agus chultúrtha ilghnéitheach a thugann áit lárnach do na healaíona traidisiúnta sa chlár agus a mbíonn blas ilchultúrtha uirthi. Imeachtaí cultúrtha agus ealaíne, ceol agus ceolchoirmeacha, litríocht agus léachtaí.


Breis eolais
Teileafón: An Gaelacadamh: 091-553124

Féile an Léith Triúigh

Bréanainn, Co. Chiarraí.
10-17 Márta, 2011
Féile ilghnéitheach a dhéanann ceiliúradh ar na hEalaíona Traidisiúnta agus ar shaibhreas cultúrtha an cheantair.

Breis eolais
Ríomhphost: eolas@cflt.ie
Teileafón: 066 7138173
Suíomh Idirlín: www.cflt.ie
Seoladh: Siobhan Uí Chonchubhair, Coiste Glór na nGael, f/ch Halla le Chéile, Bréanainn, Trá Lí.

Féile Scannán an Daingin

17 -20 Márta, 2011.
An Daingean, Co Chiarraí.

Féile scannánaíochta idirnáisiúnta le blas láidir Gaelach. Cuirtear scannáin aitheanta idirnáisiúnta mar aon le scannáin ón tír seo i láthair. Cuirtear réimse leathan d’imeachtaí cultúrtha agus ealaíne ar siúl chomh maith. Bíonn Gradam Gregory Peck mar chuid den fhéile.

Breis eolais
Ríomhphost: maurice@dinglefilmfestival.com
Suíomh Idirlín: http://www.dinglefilmfestival.com

Féile: An Comóradh ar Díshealbhú Dhoire Bheithe

Aoine 8ú Aibreán
7.00i.n. Aifreann i Séipéal Ghleann Domhain le mórshiúl go Ionad Oidhreachta Cholmcille
(ag brath ar an aimsir)
8. 30i.n. Cuir síos ar an eachtra ag Ionad Oidhreachta Cholmcille
Téamaí & Aoichainteoirí
Cogadh na gCaorach/Joe Kelly
Díshealbhú Dhoire Bheithe / an tUasal Tómas MacSuibhne Taoiseach na dTuath
Scolaíocht sa Tréimhse/ An tAthair MacAodha
Slí na Díshealbhaithe/ May McClintock & Pádraig Ó Frighil

Sathairn 9ú Aibreán
12 meán lae & 2. 00 i.n. Turais treoraithe chuig láithreach an díshealbhú
Busanna ag fágáil ó Ionad Oidhreachta Cholmcille
(cuir in áirithe riachtanach)
1.00 i.n. 3.00 Ceardlann de Pháistí ag Ionad Oidhreachta Cholmcille
(cuir in áirithe riachtanach)
4.00i.n. – 4.15i.n. Cumann Dhrámaíocht Ghleann tSúilí ag léiriú, i nGaeilge
“Briseadh an Teallaigh”
(oscailte dó chách)
8.00i.n. Oíche Shóisialta in Ionad Oidhreachta Cholmcille (cuir in áirithe riachtanach)
Sólaistí ag 10i.n.

Sathairn 27ú Lúnasa
“Siúlóid Chuimhneacháin”
Siúl i coiscéimeacha na díshealbhaithe ó Doire Bheithe go Mín an Lábán.
Chun urraim a thaispeáint de na íobartaí, teaghlaigh agus a muintir
(Socruithe le cinntiú go fóill)
Críochnóidh an tsiúlóid le ómós speisialta

Tá siúlóid urraithe eagraithe don Domhnach 13ú Márta, iarrtar ar aon duine ar mhaith leo a bheith páirteach teagmháil a dhéanamh le Micheál MacSuibhne ag 087 2168350

Beidh deontais á chruinniú ar an dá thráthnóna
Chun imeachtaí a chur in áirithe cuir scairt ar 074 91 37090 síniú 3609
Cuirfidh an coiste fáilte roimh aon smaointigh nó moltaí atá ag an phobal, ach teagmháil a dhéanamh leis an Chathaoirleach ná an Rúnaí luaite thíos roimh an Mháirt 18ú Feabhra.
Pádraig Ó Canainn (Cathaoirleach/ 08683690590 & Trés bn.Mhic Chonnacháin (Rúnaí / 087 6805173)

Féile Chiaráin-Oileán Chléire

Tráthchlár Imeachtaí –
3.00 pm – Beannú na mBád i dTrá Chiarain agus paidreacha ag an nGrotto.
4.30 pm – Aifreann sa Seipéil
5.30 pm Cóisir sa Chlub, Tae, Ceapairí, Ceol & Craic.

Bí Línn le haghaidh Féile Traidisiunta Oileán Chléire
Fáilte roimh chách

Breis eolais
Ríomhphost: Eibhlin Uí Lionáin ag eibhlinccteo@hotmail.com

Seachtain na Gaeilge

5 -17 Márta, 2011.
Féíle náisiúnta le himeachtaí Gaeilge ar siúl ar fud na tíre. Is féidir gach eolas a fháil faoi na himeachtaí a bheidh ar siúl i do cheantair óna sonraí teagmhála thíos nó ag an suíomh idirlín www.snag.ie

Breis eolais
Ríomhphost: caitriona@snag.ie
Suíomh Idirlín: http://www.snag.ie

Nascanna

Tá na suíomhanna idirlín seo a leanas úsáideach maidir le nuacht agus deiseanna eagsúla.

http://www.creativecareers.ie - Creative Careers

http://www.eurocult.org - European Cultural Foundation

http://www.kildare.ie/crookedhouse/forum

http://www.artscouncil.ie/irish/index.htm - An Chomhairle Ealaíon

http://www.artsmanagement.ie - Cúrsa Bainsitíocht Ealaíon & Polasaí Cultúrtha. Tá mórán eolais suimiúil faoin saol ealaíon in Éirinn le feiscint ann.

http://www.musicnetwork.ie - Suíomh acmhainneach maidir leis an gceol - deiseanna, camchuairteanna agus eolas ghinearálta maidir le cúrsaí ceoil sa tír.

http://www.forumformusic.ie - Forum don Cheol in Éirinn

http://www.visualartists.ie/ - Suíomh acmhainneach maidir leis na dearcealaíona

http://www.poetryireland.ie - Suíomh Éigse Éireann.

http://www.communityartsireland.com/ - Suíomh tacaíochta maidir le hEalaíon Pobal.

http://www.aoifeonline.com Suíomh tacaíochta maidir le heagrú féilte

http://www.cultureireland.gov.ie. Cur chun cinn na nealaíon thar lear agus comhpháirtíocht idirnáisúnta a chothú. Fógraítear deontais ceithre huaire in aghaidh na bliana. An chéad spriocdháta eile, 14 Lúnasa

http://www.business2arts.ie - eolas agus cúrsaí úsáideach maidir leis na healaíona agus gnó.

http://ec.europa.eu/grants/index_en.htm#cult suíomh achmhainneach maidir le deontais, cistí agus cláir an Aontais Eorpaigh