|
|
Nuacht
Fáilte chuig R-nuachtlitir Eal na Gael na míosa
seo.
D’eirigh go geal leis an seimineár
poiblíochta a d’eagraigh Ealaín
na Gaeltachta in Ionad an Bhlascaoid Mhóir
i nGaeltacht Chiarraí an mhí seo caite. Bhí
aoíchainteoirí den chéad scoth i láthair
agus iad a sheachadadh a gcuid saineolas agus sainscileanna
poiblíochta agus margaíochta don slua a bhí
i láthair. Is léir go ndeachaigh an semineár
go mór i bhfeidhm ar na rainnpháirtithe, go
háirithe nuair a thugtar ardchaighdeán agus
samhlaíocht an ábhar poiblíochta atá
a chraobhscaoileadh ón deisceart le mí anuas
san áireamh! Is gné thábhachtach d’obair
Ealaín na Gaeltachta é an oiliúnt
agus an t-oideachas agus i rith na míosa
seo eagrófar Ceardlann Aon Lae sa Teagasc
Ceoil in Óstán na Cúirte i
nGaoth Dóbhair. Is é an aidhm atá ag
an gcúrsa ná bunscileanna agus modhanna theagasc
ceoil (& amhránaíochta) a mhúineadh
do cheoltóirí & amhránaithe Gaeltachta
ionas go mbeidh sé ar a gcumas an ceol a theagasc
do dhaltaí ceoil trí mheán na Gaeige.
Cuirfear béim ar na bealaí is féidir
an tuiscint agus an cion atá ag an dalta don cheol
a ghríosadh, agus an talann atá aige nó
aici a chothú. Feileann an cúrsa seo dóibh
siúd atá ag iarraidh an oidhreacht agus traidisiún
ceoil a sheachadadh. Is iad Mary Tisdall Uí
Shúilleabháin, (múinteoir
ceoil agus ceoltóir aitheanta as Corcaigh), Teresa
Kavanagh, (ceoltóir traisisiúnta Connallach)
agus Maura Logue (Oifigeach Ealaíon
Poiblí) na teagascóirí. Tá an
cheardlann á reachtáil ag Ealaín na
Gaeltachta i gcomhar le Coiste Gairmoideachais Dhún
na nGall agus Comhpháirtíocht
Oideachas Thír Chonaill. Beidh cúrsá
eile i dteagasc ceoil á reachtáil sa deisceart
an mhí seo freisin. Beidh an cúrsa á
reachtáil i Scoil Náisiúnta
Chuil-Aodha agus is iad an grúpa Aisling
Gheal atá ag eagrú an ócáid.
Is Amhránaíocht agus Tobchumadh do Leanaí
trí Ghaeilge atá i gceist. Cúrsa é
seo a léireoidh do mhúinteoirí ar conas
amhráin a mhúineadh do bhunranganna, do mheán
ranganna, do ard ranganna agus amhráin do mhúinteoirí
freisin. Tá tuilleadh eolais faoin dhá chúrsa
le fáil thíos.
Beidh An Chomhairle Oidhreachta ag eagrú
An tSeachtain Oidhreachta Náisiúnta
ón 22 Lúnasa – 30 Lúnasa. Má
tá spéis agat, nó ag d’eagras,
imeacht nó ócáid oidhreachta a eagrú
le linn na seachtaine is féidir an imeacht a chlárú
go hoifigiúil ag www.heritageweek.ie. Fáilteofar
le himeachtaí ealaíne atá ceangal acu
le cúrsaí oidhreachta. Cuirfear na himeachtaí
a chlárófar isteach i bhféilire a fhoilseofar
go náisiúnta.
Comhghairdeachas leis na ealaíontóirí
agus na ceoltóirí Gaeltachta a ghlac páirt
sna himeachtaí a eagraíodh mar chuid de Rás
Seoltóireachta Volvo i nGaillimh le déanaí.
Bhí ealaíontóirí na Gaeltachta,
(ealaíontóirí Gaeltachta as Conamara
ach go háirithe), i lár an aonaigh agus thugadar
léargas don domhan mór ar shaibhreas agus
ar éagsúlacht na n-ealaíon Gaeltachta.
D’éisigh Forám Cultúrtha
Bhoird Forbartha Chontae Dhún na nGall an
Achoimre Fheidhmeach de Togra Taighde Chompás
Cultúrtha, 2007-2008 an mhí seo caite.
Is doicimeád thar a bheith tábhachtach é
seo a thugann léargas beacht, cuimsitheach ar chúrsaí
cultúrtha i gContae Dhún na nGall mar atá
siad faoi láthair. Bualadh faoin mórthogra
taighde chun taifid a dhéanamh ar gach píosa
den infrastructúr cultúrtha agus ar gach gníomhacht
chultúrtha sa chontae. Lena hais sin, rinneadh staideár
ar an ról lárnach atá ag an gcultúr
i bhforbairt saol sóisialta agus eacnamaíoch
an chontae. Bhí ionchuir láidir ag Ealaín
na Gaeltachta agus Údarás na Gaeltachta sa
togra seo, agus is díol spéíse go nochtaíonn
an taighde cé chomh láidir is atá Gaeltacht
Thír Chonailó thaobh cúrsaí
cultúrtha sa chontae de. Bheadh spéis ag éinne
ata ag gníomhú san earnáil ealaíne
sa mhórthurascáil seo. Is féidir an
turascáil a léamh ag http://www.donegalcoco.ie/services/communityculturalenterprise/communityenterprise/The+Cultural+Compass+Project+2007.htm
. Beidh Ealaín na Gaeltachta ag buladh faoi mhórthogra
taighde iad féin i mbliana. Tá súil
acu mórstaideár agus iniúchadh a dhéanamh
ar gach gné de na healaíona sa Ghaeltacht.
Baileofar gach cineál eolais faoi na ealaíona
agus bheadh súil go n-eascróidh fís
chuimsitheach don thodhchaí as an togra. Bheadh súil
go gcurfidh torthaí an togra go mór le forbairt
agus cothú na n-ealaíon san am atá
le teacht.
Tá cáil bainte amach ag an iris filíochta
‘The Shop’. Cuirtear an iris
ar fáil chun árdáin a thabairt do fhilí
Éireannacha. Ó bhunaíodh an iris i
1999, foilsíodh danta le cuid de na fílí
is mór le rá sa tír. Tugtar áit
i gcónaí do fhilí Gaeltachta agus do
fhíli Gaeilge san iris. Foilsíodh dánta
le Gabriel Rosenstock, Biddy Jenkinson, Cathal Ó
Searcaigh, Aonghas Ó Dálaigh agus
go leor filí Gaelacha eile thar na blianta. Faoi
láthair, tá an iris ag fáiltiú
roimh dhánta agus roimh phíosaí físealaíne
ó fhilí agus ealaíontóirí
nua. Fáilteofar roimh fhilíocht i nGaeilge.
Is féidir tuilleadh eolais faoi ‘The Shop’
a fháil ag; http://www.theshop-poetry-magazine.ie/
Tá Comhairle Ceardaíochta na hÉireann
ag eagrú roinnt cúrsaí oiliúna
sa sheodóireacht, sa cheirmeacht agus sa déantúsaíocht
óir faoi láthair. Chomh maith le sin, tá
eolas acu faoi neart cúrsaí ceardaíochta
eile. Beidh na cúrsaí seo ag tosnú
an mhí seo. Is gearrchúrsaí iad agus
tá gach eolas le fáil ar shuíomh idirlín
anan comhairle; www.ccoi.ie
Eagrófar an fhéile scannán, Guth Gafa,
i nGort an Choirce, Dún na nGall, an mhí seo.
Tá an chuma ar an scéal go mbeidh Guth
Gafa 2009 an fhéile is fearr chun dáta
le clár saibhir agus ilghnéitheach scannán
faisnéise náisiúnta agus idirnáisiúnta
a bhfuil an-chuid gradam buaite acu. Agus é ag díriú
ar scannáin ón Ghearmáin, ón
Eilvéis agus scannáin Ghaeilge, beidh clár
Guth Gafa ag plé le ceisteanna sóisialta agus
timpeallachta, scannáin phearsanta agus scannáin
ag baint le cearta daonna. Mar is gnáth, beidh neart
imeachtaí éagsúla ar siúl cosúil
le Seimineáir & Máistir-Ranganna agus,
déanfaidh Club na Féile scoth
an cheoil áitiúil a chur os comhair na ndaoine,
agus lárionad á chur ar fáil aige a
dtig le lucht na féile casadh le chéile ann,
comhrá nó díospóireacht a dhéanamh
nó díreach a scíth a ligint agus deoch
a bheith acu. Osclóidh An tAire Cumarsáide,
Mara agus Acmhainní Nádútha, Eamon
Ryan, an Fhéile 2009. Tá neart féiltí
eile le blas Gaelach acu ar siúl ar fud na tíre,
mar aon leis neart imeachtaí ealaíona ilghéitheacha
agus ildánacha eile. Tá eolas futhu uilig
le fáil thíos.
Tá sé beartaithe ag An Chomhairle
Ealaíon, ‘Cúrsa Sábháilteacht
d’Eagrais Ealaíona a bhíonn ag Obair
le Daoine Óga agus Páistí’
a eagrú amach anseo. Ba mhaith leo fáil amach
an mbeadh éileamh ar chúrsa den chineál
seo agus ba mhaith leo fios a bheith acu ar na riachtanais
atá ag eagrais ealaíona sa réimse seo.
Tá tuilleadh eolais le fáíl ó
Audrey Keane sa Chomhairle Ealaíon. (Teil: 01 6180256
Ríomhphost: audrey.keane@artscouncil.ie).
Mar fhocal scoir, tá ‘ríomhfhéilire’
nua cruthaithe ag an gComhairle Ealaíona
atá le fáil ar shuíomh idirlín
na comhairle. Tugann an féilire seo gach eolas faoi
imeachtaí ealaíne atá ar siúl
ar fud na tire. Is féidir an féilire a fheiceáil
ag:www.events.artscouncil.ie
Tá neart deiseanna san eagrán seo den r-nuachtlitir
a chuirfidh físealaíontóirí
an-spéis iontu- tá roinnt scéimeanna
deontas d’fhísealaíontóirí
fógraithe mar aon leis scéimeanna cónaithe,
coimisiúin agus deiseanna eile. Mar is gnáth,
tá neart eolais faoi dheiseanna deontas, imeachtaí
ealaíne, faoi fhéilte agus eolas eile a bhaineann
le cúrsaí ealaíne ar fáil.
Déan teagmháil linn ag ealain@udaras.ie
má tá aon eolas breise i dtaobh scéimeanna
& r.l. de dhíth nó má tá
aon bhlúirín nuachta don gcéad r-nuachtlitir
eile.
Deiseanna
Deontais
| An Chomhairle Ealaíon
|
Deontais Chláreagraithe Bhliantúla
Is é cuspóir an Deontais Chláreagraithe
Bhliantúil ná cuidiú le hiarratasóirí
le costas a gcláir ealaíne. Tá
Deontais Chláreagraithe Bhliantúla dírithe
go príomha ar thacaíocht d’eagraíochtaí
ealaíon, seachas daoine aonair. Tairgtear maoiniú
roimh ré don bhliain le teacht le cuidiú
le heagraíochtaí le pleanáil
ar aghaidh. Cuirtear fáilte roimh iarratais
ó iarratasóirí nua chomh maith
le heagraíochtaí a fuair maoiniú
ioncaim roimhe seo, ar choinníoll go gcomhlíonann
siad na critéir atá foilsithe. Tá
tuileadh eolais faoin gcritéar agus an próiseas
iarratais le fáil ón gComhairle Ealaíon
|
|
Spriocdháta
|
25 Meitheamh 2008
|
|
Eolas
|
Seoladh: Gillian Drew, An Chomhairle
Ealaíon, 70 Cearnóg Mhuirfean , Baile
Átha Cliath 2
Ríomhphost: rgu@artscouncil.ie
Suíomh idirlín:www.artscouncil.ie
Teileafón: +353 1 618 0200
R-phost: awards@artscouncil.ie
|
| Dámhachtain um
thaibhiú agus chamchuairt
|
Dámhachtain um thaibhiú agus
chamchuairt
Déanann an Chomhairle Ealaíon cómhaoiniú ar an
scéim seo ach is Music Newtork a riarann í.
Tá sé mar aidhm ag an Dámhachtain
um Thaibhléiriú agus Chamchuairt cabhrú
le ceoltóirí Éireannacha agus
ceoltóirí atá bunaithe in Éirinn
deiseanna taibhléirithe a bhaint amach; deiseanna
fostaíochta méadaithe a thairiscint
do cheoltóirí Éireannacha; bonn
scileanna ealaíontóirí Éireannacha
i réimsí mar phleanáil tionscadail
agus riarachán, féin-phoiblíocht
agus féin-bhainistíocht; agus foinse
nua clár ceoil a thairiscint do thionscnóirí
ceolchoirmeacha, agus do lucht éisteachta araon
ar fud na hÉireann.
I measc na dtionscadal atá incháilithe
tá camchuairteanna, sraith ceolchoirmeacha
agus ceolchoirmeacha aonair a tharlódh áit
ar bith i bPoblacht na hÉireann. Tá
treoirlínte agus bileoga faisnéise forbartha
ag an Music Network chun cabhrú le ceoltóirí
a dtogra a phleanáil roimh iarratas a chur
isteach. Féach ar láithreán gréasáin
www.musicnetwork.ie nó déan teagmháil
leis an eagraíocht
|
|
Spriocdháta
|
|
|
Eolas
|
Seoladh: Clár-Bhainisteoir
Taibhithe, Music Network, Teach an Chóiste
, Caisleán Bhaile Átha Cliath, Baile
Átha Cliath 2.
Teileafón: +353 1 671 9429
Facs: +353 1 671 9430
Ríomhphost: concertadmin@musicnetwork.ie
Suíomh Idirlín: www.musicnetwork.ie
|
| Foras na Gaeilge
|
Scéim óige: Imeachtaí
trí mheán na Gaeilge don Aos óg
Fáiltíonn Foras na Gaeilge roimh iarratais ar mhaoiniú
ó ghrúpaí le haghaidh imeachtaí
óige trí mheán na Gaeilge lasmuigh
den Ghaeltacht a reáchtáil idir 1 Meán
Fómhair 2009 agus 30 Meitheamh 2010. Samplaí
de na cineál imeachtaí: ceardaíocht,
drámaíocht, ealaíon, ceol, seanchas.
|
|
Spriocdháta
|
5 Meitheamh
|
|
Eolas
|
Seoladh: An Rannóg Oideachas,
Foras na Gaeilge, Teach an Gheata Thiar, 2-4 Sráid
na Banríona, Béal Feirste BT1 6ED.
Teileafón: 01 639 8400.
Ríomhphost:
oideachas@forasnagaeilge.ie
Suíomh Idirlín:
www.gaeilge.ie
|
Deiseanna
Eile
| Lámha Inspioráide
- Ag Lorg Ealaíontoirí agus Ceardaí
|
Tá Lamha inspioráide, gailearaí
ceardaíochta agus ealíne atá
lonnaithe i nGaeltacht Thír Chonaill, ag lorg
ealaíontoirí agus ceardaí atá
suim acu ceardlann a theagasc in ábhar ealaíona
ar bith, (ealaín súil, ceardeanna, litríocht,
drámaíocht no ceoil.)
Seol do CV agus eolas ar an ábhar ar mhaith
leat a theagase chuig lamhainspioraide@gmail.com
|
|
Spriocdháta
|
|
|
Eolas
|
Seoladh: Lámha Inspioráide,
f/ch Óstán na Cúirte, Gaoth Dóbhair,
Co. Dhún na nGall.
Teileafón: 074 9560091
|
| Scoláireacht Clandeboye
– Ranganna Maistireachta do Cheoltóirí.
|
Tugtar
deis do cheoltórí Éireannacha
a rugadh tar-éis 1 Márta 1983 páirt
a ghlacadh i ranganna máistireachta le healaíontóirí
cónaithe le linn Fhéile Cheoil Idirnáisiúnta
Clandeboye a bheidh ar siúl ón 17 -22
Lúnasa. Bronnfar 10 scoláireacht agus
beidh lóistín agus cothú san
áireamh. |
|
Spriocdháta
|
1
Meitheamh, 2009
|
|
Eolas
|
Ríomhphost:
masterclasses@camerata-ireland.com
Suíomh Idirlín: www.camerata-ireland.com/
|
| Ionad Dealbhóireachta
Liatroma & ‘Community Connections’:
Coimisiún faoin scéim, 'PEACE III' .
|
Tá
Ionad Dealbhóireachta Liatroma & ‘Community
Connections’ ag tairscint ceithre choimisiún
d’fhísealaíontóirí
Is tionscnamh físealaíne tras-teorainn
atá i gceist. Beidh an tionscnamh ag tosnú
i mí Iúil, 2009 agus ag leanacht ar
aghaidh go dtí mhí an Mheitheamh, 2010.
Lonnófar an tionscnamh i dtuaisceart chontae
Liatroma agus déanfar iniúchadh ar an
gceantar seo i gcomhthéasc an tionchar a bhír
ag an teorann ar stair, ar stair sóisialta
agus ar fhorbairt an cheantair.
|
|
Spriocdháta
|
2
Meitheamh 2009
|
|
Eolas
|
Ríomhphost: info@leitrimsculpturecentre.ie
Suíomh Idirlín: www.leitrimsculpturecentre.ie
|
| Gradam Ealaíne
RDS do Mhicléinn, 2009.
|
Is
é príomhsprioc an comórtas seo
ná aitheantas a thabhairt do mhicléinn
ealaíona a bhfuil ardchaighdeán ealaíne
agus ardchaighdeán cleachtais amach acu. Ní
mhór freisin go mbeadh ildánacht agus
dánacht a bhaint le saothar ealaíne
an iarratasóra. Tá an comórtas
oscailte do mhicléinn Éireannacha atá
ag freastal ar chúrsaí lán agus
páirt aimseartha. Tá duaischiste de
€22,400 curtha ar fáil, agus is é
an Taylor Arts Award an príomhchomórtas
le duaischiste de €10,000. Beidh tréimse
cónaithe in ionad Tyrone Guthrie mar dhuais
bhreise i mbliana chomh maith. Is é an 19 Meitheamh
an spriocdháta. Tá gach eolas le fáil
faoin gcomórtas ar an suíomh idirlín.
|
|
Spriocdháta
|
19
Meitheamh
|
|
Eolas
|
Ríomhphost: sara.ross@rds.ie
Teileafón: 01 2407255
Suíomh Idirlín:
www.rds.ie/studentart
|
| Dámhachtán
do Fhísealaíontóirí -
Artlink, Tír Chonaill.
|
Tabharfar
deis do cheathrar físealíontóir
taispeántas físealaíne, (ceann
an duine), a chur ar siúl i bhFort Dunree,
i mBun Cranncha, Dún an nGall. Is é
seo an gailearaí iomadúil a reachtálann
Artlink ar imeall an Atlantaigh. Tabharfar gach tacaíocht
phroifisiúnta do na healaíontóirí
a roghnófar agus iad i mbun a gcuid oibre,
agus cuirfear béim freisin ar fhorbairt ghairimúil
an ealaíontóra. Tá an comórtas
oscailte do mhicléinn agus d’ealaíontóirí
a bhain céim amach tar-éis 2004. Fáilteofar
roimh iarratas ó ealaíontóirí
atá ag cleachtadh i ngach réimse de
na físealaíona. I measc na moltóirí
don chomórtas, tá Mark Wallinger, iar-bhuaiteoir
an Turner Prize
|
|
Spriocdháta
|
Dé
Céadaoin 1 Iúil, 2009
|
|
Eolas
|
Seoladh: Artlink, Tullyarvan Mill,
Bun Cranncha, Co. Dhún na nGall
Teileafón. + 087 6680107
Suíomh Idirlín:
www.artlink.ie
Ríomhphost: info@artlink.ie
|
| VAI / Stiúideo
‘Picture This’ - Scéim Cónaithe,
2009
|
Cuireann
Visual Artists Ireland agus ‘Picture This’
fáilte roimh iarratais ó fhísealaíontóirí
na tíre seo do scéim cónaithe
i stiúideó Picture This i mBristol,
Sasana. Tabharfar tacaíocht agus oiliúnt
don fhísealaíontóir agus cuirfear
acmhainní an stiúideo ar fáil
chun scileanna fhíseán an ealaíontóra
a fhorbairt. Ina dteannta sin, tabharfar deis don
té a roghnófar iniúcadh a déanamh
ar híomhánna físiúil a
ghluaiseann, agus taithi a fháil ar an teicneolaíocht
a bhaineann le híomhánna gluaiseachta.
Bronnfar deontas taighde agus forbartha de €2,000
mar aon leis dámhachtán de €500
ar an té a roghnófar.
|
|
Spriocdháta
|
|
|
Eolas
|
Suíomh idirlín: www.picture-this.org.uk
Teileafón: 01 8722296
Ríomhphost: listings@visualartists.ie
nó info@visualartists.ie
|
| Dámhachtán
Físealaíne d’Ealaíontóirí
atá ag teacht chun cinn, 2009.
|
Is
comhpháirtíocht é an Dámhachtán
seo idir Ionad Ealaíne Loch Garmain agus Comhairle
Chontae Loch Garmain i gcomhar leis an gComhairle
Ealaíon. Bronnfar dámhachtán
de €5,000 ar fhísealaíontóir
ag teacht chun cinn agus a chur barrfheabhas ar a
cuid ceirde. Tugtar deis don ealaíontóir
taispeántas aonarach a chur ar siúl
in Ionad Ealaíne Loch Garmain chomh maith.
Tá tuilleadh eolais faoin gcriteár agus
na coinníollach le fáil ó Ionad
Ealaíne Loch Garmain. Is é an 12 Meitheamh
an spriocdháta. Fáilteofar roimh iarratas
ó ealaíontóirí atá
ag cleachtadh i ngach réimse de na físealaíona.
|
|
Spriocdháta
|
12
Meitheamh
|
|
Eolas
|
Ríomhphost: emergingvisualartistaward@gmail.com
Suíomh Idirlín:
www.wexfordartscentre.ie.
|
Oiliúint
|
Cúrsa i dTeagasc Amhránaíocht
agus Tobchumadh do Leanaí trí Ghaeilgele
hAisling Gheal. Ar siúl i Scoil Náisiúnta
Chuil-Aodha
|
Is cúrsa é seo a léireoidh do
mhúinteoirí ar conas amhráin
a mhúineadh do bhunranganna, do mheán
ranganna, do ard ranganna agus amhráin do mhúinteoirí.
Beidh Lúibíní agus agallamh beirte,
ceapóga agus iad a chumadh, amhráin
saothair agus iad a chuir i láthair. Beidh
tobchumadh agus iomainn oiriúnach le haghaidh
cóineartú agus céad chomaoinéadh
chomh maith le eolas faoi ríomhairí
maidir le tacaíocht san réimse seo.
Beidh stair, cúlra agus samplaí do saibhreas
amhránaíocht Mhúscraí
á phlé le linn an cúrsa chomh
maith. Beidh an cúrsa á reáchtáil
i Scoil Náisiúnta Chuil-Aodha agus is
iad Cathal O’ Riada, Sean O’ Muimheachain,
Eibhlís Ni Shúilleabháin agus
Maire Ní Cheilleachair a bheidh ag tabhairt
an cúrsa, tá cáil ortha ar fad
dá bharr a gcuid amhránaíocht
agus saothair ar fud na tíre. Beidh an cúrsa
á reachtáil ar ón 1 – 3
Iúil agus ar an 6 agus 7 Iúil.
|
|
Dáta
|
|
|
Eolas
|
Ríomhphost: seannos.ag@gmail.com
Teileafón: 023 56756
|
|
Ceardlann Aon Lae sa Teagasc Ceoil -
Óstán na Cúirte i nGaoth Dóbhair
|
Tá an cúrsa seo á reachtáíl
ag Ealaín na Gaeltachta i gcomhar le Coiste
Gairmoideachais Dhún na nGall agus Comhpháirtíocht
Oideachas Thír Chonaill. Is é an aidhm
atá ag an gcúrsa ná bunscileanna
agus modhanna theagasc ceoil (& amhránaíochta)
a mhúineadh do cheoltóirí &
amhránaithe Gaeltachta ionas go mbeidh sé
ar a gcumas an ceol a theagasc do dhaltaí ceoil
trí mheán na Gaeige. Is iad Mary Tisdall
Uí Shúilleabháin, Teresa Kavanagh,
(agus Maura Logue a bheidh ag teagasc. Beidh an cheardlann
ar siúl ar an 6 Meitheamh.
|
|
Dáta
|
6 Meitheamh
|
|
Eolas
|
Ríomhphost: m.macaoidh@udaras.ie
Teileafón: 074 9560100
Suíomh Idirlín:
www.ealain.ie
|
|
‘Scileanna praicticúla leis
foirmeacha iarratais ar mhaoiniú a líonadh
isteach’. – An NICVA - Béal Feirste.
|
Tugann an cúrsa léargas do na rainnpháirtithe
ar an bpróiseas iarratais a bhaineann le deontas
ealaíona. Tugtar leideanna agus comhairle phraicticiuil
ar an bhfoclaíocht, ar an stíl scríbhneoireachta
agus ar na sonraí a bhíonn ag teastáil
chun foirm iarratais a lionadh isteach mar is cóir.
Cuirfear béim ar phleanáil an tionscnaimh
féin agus an chaoi is fearr leis na buachphointí
a bhaineann le togra ealaíne a mhiniú
sa fhoirm iarratais. Pléfar na cúiseanna
nach eiríonn le hiarratais agus go leor moltaí
agus comhairle eile. Beidh an cúrsa ar siúl
ar an 16 Meitheamh 2009 ag an NICVA, 61 Duncairn Gardens,
Béal Feirste BT15 2GB. Táille: €50.
Is é James Laverty ón NICVA an teagascóir.
|
|
Dáta
|
Dé hAoine 30 Eanair,
2009.
|
|
Eolas
|
Suíomh Idirlín:
www.nicva.org
|
% Ealaíon
| Scoil Naomh Niochláis
agus Scoil Naomh Daimhnait, Maigh Eo - Coimisiún
% Ealaíona.
|
Mar chuid dá scéim % Ealaíon, tá an Roinn Oideachais
agus Eolaíocht ag tairscint coimisiúin
do phíosa ealaíon poiblí a bheidh
mar chuid de scoil nua atá á thógáil
i mBéal An Átha. Beidh Scoil Naomh Niochláis
agus Scoil Naomh Daimhnait, scoileanna do dhaoine
le riachtanais speisialta, ag roinnt an fhoirghnimh.
Freastalaíonn an dhá scoil ar dhaltaí
idir 4 agus 18 bliain d’aois. Tá ciste
€38,0000 curtha ar fáil don tionscnamh.
Beidh táillí an ealaíontóra,
dearadh, bunábhair, agus an costas déantúsaíochta
mar chuid den táille seo, CBL san áireamh.
Ní mhór don phíosa ealaíne
a roghnófar a bheith feiceálach agus
ní mhór dó a bheith buan. Tá
dhá chéim ag baint leis an bpróiseas
roghnúcháin. Is féidir gach eolas
faoin gcoimisiún a fháil ó Chatherine
Murray ag na sonraí teagmhála thíosluaite.
|
|
Spriocdháta
|
30 Meitheamh
|
|
Eolas
|
Teileafón: 086 3614248 or
094 9024553
Ríomhphost: cathmurray50@hotmail.com
|
Folúntais
|
Institiúid Amharchlainne na hÉireann
|
Taighdeoir Drámeolaíochta
Tá folúntas ag an Institiúid
do taighdeoir drámeolaíochta a fhostófar
ar chonradh fadthéarmach,(ach a bheidh ag obair
go páirtaimseartha). Tá an institiúid
ag cruthú cheartlann drámaíochta
a bheidh gach dráma Éireannach a fhoilsíodh
ó 1904 ar fáil. Ní mhór
go mbeadh scileanna ríomhaireachta, taithi
taighde agus tuiscint ar an drámaíocht
ag an té a cheapófar. Is buntáiste
í an Ghaeilge mar go mbeidh an institiúid
ag cruthú cartlainne de dhrámaí
Gaeilge.
|
|
Dáta
|
|
|
Eolas
|
Ríomhphost:
appointments@irishtheatreinstitute.ie
Irish Theatre Institute, 17 Sráid Eustace,
Barr an Teampaill, Baile Átha Cliath 2.
Teileafón: 01 670 4906/8
Suíomh Idirlín:
www.irishtheatreinstitute.ie nó www.irishplayography.com
|
|
Acadamh Ríoga Ulaidh
|
Áisitheoir Oideachais
Is
é an phríomhsprioc atá ag an
Acadamh ná na físealaíona traidisiúnta
agus comhaimseartha a chur chun cinn trí chlár
leathan oideachais agus taispeántais a chur
ar fáil. Tá folúntas ag an eagraíocht
d’Áisitheori Oideachas faoi láthair.
Is post sealadach é seo. Beidh taispeántas
bliantúil an Acadaimh ar siúl i mí
Dheireadh Fómhair. Is é seo an 128ú
bliain den thaispeántas agus beidh sé
mar dhualgas ag an Áisitheoir Oideachtais clár
cuimsitheach oideachas a cur ar siúl mar chuid
den taispeántas seo. Tá tuilleadh eolais
faoin bpost le fáil ar an suíomh idirlín.:
|
|
Dáta
|
|
|
Eolas
|
Seoladh: Royal Ulster Academy, 9
-13 Waring Street, Belfast BT1 2DX
Teileafón: 0044 (0)28 90320819
Ríomhphost: info@ruaonline.com
Suíomh idirlín: www.ruaonline.com
|
Imeachtaí
Taispeántas: Séan Ó Flaithearta
Scoilt leis an Cnámh
Cuireanna an t-ealaíontóir Gaeltachta Séan
Ó Flaithearta a shaothar ealaíne nua ar thaispeántas
sa Norman Villa Gallery i gcathair na Gaillimhe. Is as Árainn
do Sheán agus tá clú agus cáil
bainte amach mar ealaíontóir dúshánach,
turgnamhach thar na blianta. Tarraingníonn sé
cuid dá inspioráid as tobar an dúchais.
Beidh an taispeántas ar siúl go dtí
an 6 Meitheamh
Teileafón: 091 521131
Ríomhphost: info@nomanvillagallery.com
Suíomh Idirlín: www.normanvillagallery.com
‘Mairnéalaigh’ - Taispeántas
Ealaíne le Deirdre McKenna
Seo taispeántas speisialta de shaothar ealaíona
an ealaíontóra as Conamara a bheidh le feiscint
le linn an tSamhraidh i mBéal Feirste, Beidh an taispeánteas
ar siúl i Mí Lúanasa ag an Waterfront
Hall mar chuid de cheiliúradh
an “Tall Ships Atlantic Challenge”. Baineann
na píosaí seo le cúrsaí mara,
iad ag tarraingt ar an bhfarraige agus ar aistir farraige
. Léiríonn an taispeántas sean-thraidisiúin
na farraige i gcomhthéacs comhaimseartha. Beidh an
taispeántas ar siúl sa Seomra Cruinnithe,
Ionad an Marina sa Daingean ón 30ú Bealtaine
– 1 Meitheamh
An Cabaret Craicáilte
Gaoth Dóbhair – an 3ú Satharn de gach
mí.
Tugann an Caberat Craicáilte árdan do cheol
comhaimseartha i nGaeilge agus cothaíonn siad réimsí
nua ceoil agus siamsaíochta trí mheán
na Gaeilge. Bíonn ceoltóirí aitheanta
ag seinnt gach cineál ceol - rap, jazz, ceol domhanda,
reggae, ceol traidisiúnta, rock-ceoil agus go leor
eile. Uaireanta, bíonn cumasc idir na stíleanna
ceoil uilig! Bíonn greann, taibhsiú, filíocht
bheo agus go leor imeachtaí eile. Oíche chraicáílte
den scoth.
Ríomhphost: Ronan.MacAodhaBhui@rte.ie
Teileafón: 087 2785593 nó
097 81079
Suíomh Idirlín: www.craiceailte.com
Ceardlann Scríbhneoireachta Gaeilge –
Baile Bhuirne.
Le cúnamh ó Foras na Gaeilge, beidh ceardlann
scríbhneoireachta deireadh seachtaine ar siúl
ag na Scríbhneoirí Gaeilge in Óstán
Ghobnatan, Baile Bhuirne, Co Chorcaí ar na dátaí
seo a leanas: Dé hAoine, 12 Meitheamh, 4.30 pm-6pm.Dé
Sathairn, 13 Meitheamh, 10am-12am. Dé Domhnaigh,
14 Meitheamh, 11am-1pm. Chun gur féidir plé
níos fearr agus níos mine a dhéanamh
ar scríbhneoireacht na rannpháirtithe teorainneofar
a líon do naonúr. Is gá do rannpháirtithe
leaba agus bricfeasta a chur in áirithe dóibh
féin ag Óstán Ghobnatan, 026-45324.
Íocfar 100 euro i dtreo na gcostas le rannpháirtithe
ag deireadh na ceardlainne. Stiúrthóirí
ceardlainne: Pádraig Ó Snodaigh, file &
staraí, Mícheál Ó Ruairc, úrscéalaí
& Pádraig Mac Fhearghusa, eagarthóir FEASTA.
Tuilleadh Eolais:
Pádraig Mac Fhearghusa, 43 Na Cluainte, Trá
Lí.
43 Na Cluainte, Trá Li, Co Chiarraí.
Ríomhphost: feasta@eircom.net
Suíomh Idirlín: www.gaeilge.ie
‘Saothar Árainn Mhóir’
Taispeántas le James Fitzgearld - Ionad Cultúrtha
Reigiúnach, Leitir Ceanainn.
Is mórthaispeántas é seo atá
ceangal fíor láidir aige le Gaeltacht Thír
Chonaill. Ba é James Fitzgearld (1899 to 1971) ar
dhuine de na físealaíontóirí
is cáiliúla agus is tábhachtaí
i Meiriceá le linn a tsaoil. Chaith sé tréimshí
ag taisteal ar fud Ghaeltacht Thír Chonaill agus
tá mórchuid dá shaothar bunaithe ar
an am a chaith sé sa Ghaeltacht. Cuireann an tIonad
Cultúrtha Réígiúnach i gcomhar
leis An Plattsburgh State Art Museum, State University of
New York College at Plattsburgh, taispeántas de chuid
Fitzgerald, ‘Saothar Árainn Mhóir, i
láthair san ionad cultúrtha i Leitir Ceanainn.
Is píosaí físealaíne a chruthaigh
sé agus é in Árainn Mór sna
blianta idir 1965-71 atá le feiceáil sa taispeántas
agus léiríon siad an saol traidisiúnta
ar an oileán. Beidh an taispeántas ar siúl
go dtí an 20 Meitheamh.
Tuilleadh Eolais
Teileafón: 074 9129186
Ríomhphost:
rcc@donegalcoco.ie
Suíomh Idirlín:
www.donegalculture.com
'Crot'- Taispeántas Ealaíne le Domhnal
Ó Bric & Bríd Ní Luasaigh - Ionad
an Bhlascaoid Mhóir, Dún Chaoin.
Cuireadh tús le scéim nua ealaíne in
Ionad an Bhlascaoid Mhóir i nDún Chaoin, Iarthar
Duibhneach ar an Aoine, 1 Bealtaine, le ceapadh beirt ealaíontóir,
Domhnal Ó Bric & Bríd Ní Luasaigh,
ina n-ealaíontóirí cónaitheach
san Ionad do bhiaiste an Samhraidh. Is é aidhm an
togra ná deis a thabhairt do ealaíontóirí
óga a gcuid saothair a thaispeáint go poiblí
ina gceantar dúchas. 'Crot' atá mar theideal
ar thaispeántas na beirte. Saothar grianghrafadóireachta
bunaithe ar charraigeacha agus an crotal a bhíonn
ag fás orthu atá ag Bríd, agus líníochtaí
bunaithe ar thraidisiún amhránaíochta
Chorca Dhuibhne a bheidh ar taispeáint ag Domhnal.
Osclaíodh an taispeántas ar Lá Bealtaine
agus mairfidh sé ar feadh trí mhí.
Chuir Ealaín na Gaeltachta maoiniú ar fáil
don scéim seo.
Breis Eolais
Teileafón: (066) 9156444, 0879778871
Ríomhphost:
daithi.demordha@opw.ie.
Suíomh Idirlín: http://www.dunchaoin.com/Ionadanbhlascaoidmhoir/Imeachtai.htm
An Fál Carrach le Chéile –
An Gailearaí, An Fál Carrach, Co. Dhún
na nGall.
Is taispeántas é "An Fál Carrach
le Cheile" a thugann léargas ar stair an Fhál
Charraigh. Cuirtear sraith ghrianghrafanna i láthair
a thugann léargas dúinn ar stair sóisialta
an bhaile, ar na hathruithe a tháinig le himeacht
an ama agus ar an daoine a chónaí ann. Is
seanghrianghrafanna ealaíonta agus cumachta atá
iontu a bheidh mar díol spéise do mhuintir
an cheantair agus dóibh siúd atá spéis
acu sa ghrianghrafadóireacht. Mairfidh an taispeántas
go dtí 13 Meitheamh, 2009.
Tuilleadh Eolais
Suíomh Idirlín:
http://www.angailearai.com/AnTaispentaisLeTeacht.htm
Ríomhphost: ceardlann@eircom.net
Teileafón: 074 9165594
Taispeántas –‘Bealtaine’
- Ionad Ealaíne Iarthar Choraigh.
Is taispeántas é seo a chruthaíodh
mar chuid de scéim na n-aosach a reachtálann
an t-ionad. Is iad seo a leanas na téamaí
a roghnaíodh don taispeántas: na healaíona
agus an inchinn beo; Ceol agus an inchinn beo; na healaíona
agus cothú an tsláinte; Mise agus Oileán
Chléire:ag sníomh le chéile agus carnivale
na liopaí cainteacha! D’oibrigh na seandaoine
le ealaíontóirí gairimúla ar
nós Bernadette Cotter, Sarah Ruttle, Shelia Kellehera
agus go leor eile. Eagraíodh an taispeántas
seo mar chuid de fhéile ‘Bealtaine’.
Beidh an taispeántas ar siúl go dtí
an 6 Meitheamh.
Tuilleadh Eolais;
Susan Harrington,Publicity & Exhibitions Co-ordinator,
West Cork Arts Centre, Skibbereen, Co Chorcaigh
Teileafón: 028 22090
Ríomhphost:
susan@westcorkartscentre.com
Suíomh Idirlín: www.westcorkartscentre.com
Taispeántas - Blawnin Clancy agus Rayleen
Clancy, Ionad Acmhainne, Carraig-na-Siúire.
Is físealaíontóirí iad Blawnin
Clancy agus Rayleen Clancy atá lonnaithe i nGaeltacht
Phort Láirge. Cuireann siad a saothar úr ar
thaispéantas mar chuid de Fhéile Ealaíne
agus Cheoil ‘na Clancy Brothers’. Beidh sé
ar siúl san Ionad Acmhainne, i gCarraig-na-Siúire,
Co. Thiobhraid Árainn ón 11 – 15 Meitheamh.
Is íníonacha le Tom Clancy, (nach maireann),
iad beirt, agus ba é Tom duine de bhunadóirí
na Clancy Brothers.
Tuilleadh Eolais
Ríomhphost: enquiries@clancybrothersfestival.org
nó info@joanclancygallery.com
Joan Clancy GalleryMaoil a’ Chóirne, An Rinn,
Co Phort Láirge
Teileafón: (051) 645588
Suíomh Idirlín: www.joanclancygallery.com
nó www.clancymusicfestival.org
Glór - Taibhdhearc na Gaillimhe –
Amharclann Náisiúnta na Gaeilge
Séipéal Choláisteach San Nioclás,
Sráid na Lombardach, Gaillimh.
3 – 6 Meitheamh 2009 ag 8.00 i.n.
Oíche amhránaíochta agus cantóireachta
le Cantóirí na Taibhdheirce. Beidh ceol aoibheann,
álainn le cloisteáil i gceann de na séipeál
is deise agus is draíochtúil sa tír.
Beidh Ceol Cláirsí Traidisiúnta, Seoda
ón Opera agus Ceol Clasaiceach Gaelach ar stáitse
le linn an cheithre oíche.
Is í Pádraigín Ní Lileas an
Stiúrthóir Ceoil, Tom Cullivan an cóiritheoir
Ceoil agus is é an fear gealgháireach, Micheál
Ó hAinnín a bheidh mar chomhordaitheoir agus
mar Fhear an Tí. Ticéidí: €15
/ €10
Eolas & Áirithintí:
Oifig na Taibhdheirce, Lána an Chláir, Sráid
na gCeannaithe, Gaillimh.
Teileafón: (091) 563600
Ríomhphost: eolas@antaibhdhearc.com
Lámha Inspioráide, Gaoth Dobhair
– Taispeántas le Paul Rooney.
Saothar úr físealaíne le Paul Rooney,
físealaíontóir as Gaeltacht Thír
Chonaill, ar thaispeántas i ngailearaí agus
ionad ceardaíochta Lámha Inspioráide
i gcroílár na gcnoc, i nGaeltacht Thír
Chonaill. Mairfidh an taispeántas go dtí an
4 Meitheamh.
Teileafón: 074 9560091
Ríomhphost: lamhainspioraide@gmail.com
Féiltí
Féile
Scannáin Faisnéise Ghuth Gafa
Gort a Choirce, Thír Chonaill.
Féile idirnáisiúnta scannánaíochta
a díríonn ar scannáin fhaisnéise.
Eagraítear clár leathan de scannáin,
léachtaí agus seimineáir.
11 - 14 Meitheamh.
Suíomh Idirlín:http://www.guthgafa.com/
Féile Tine Ghuagán Barra
Féile ilghnéitheach ealaíne agus ceoil.
Eagraítear neart imeachtaí, idir cheol traidisiúnta,
drámaíocht, taispeántais ealaíne
agus eile. Tugtar aitheantas do na healaíona dúchasacha
i gceantar Ghuagán Barra.
19 – 21 Meitheamh.
Ríomhphost: gouganebarrahotel@eircom.net
Féile Immrama – Scríbhneoireacht
thaistil.
Beidh spéis ag lucht na Gaeltachta agus lucht na Gaeilge
i gcuid de na léachtaí a bheidh ar siul don
fhéile seo a bheidh ar siúl i bPóirt
Láirge ar an 12-14 Meitheamh. Beidh Áine Uí
Fhoghlu, a scríobh Aistear Aonair (1999) agus An Liú
sa Chuan (2007) ag reachtáil ceardlann filíochta,
agus beidh léachtaí leis na taistealaí
iomráití Manchán Magan agus Dermott Somers.
Teileafón: +353 58 54975
Ríomhphost:
lismoreheritage@eircom.net
Suíomh Idirlín:
lismoreimmrama.com
Nascanna
Tá
na suíomhanna idirlín seo a leanas úsáideach maidir le nuacht
agus deiseanna eagsúla.
http://www.creativecareers.ie
- Creative Careers
http://www.modelart.ie/newspaces.html- Model Arts & Niland
Gallery, Sligeach
http://www.eurocult.org - European Cultural Foundation
http://www.kildare.ie/crookedhouse/forum
http://www.artscouncil.ie/irish/index.htm
- An Chomhairle Ealaíon
www.artsmanagement.ie - Cúrsa
Bainsitíocht Ealaíon & Polasaí
Cultúrtha. Tá mórán eolais suimiúil
faoin saol ealaíon in Éirinn le feiscint ann.
http://www.musicnetwork.ie - Suíomh
acmhainneach maidir leis an gceol - deiseanna, camchuairteanna
agus eolas ghinearálta maidir le cúrsaí ceoil sa tír.
http://www.vaireland.org - Suíomh
acmhainneach maidir leis na healaíona
http://www.forumformusic.ie - Forum
don Cheol in Éirinn
http://www.visualartists.ie/ - Suíomh
acmhainneach maidir leis na dearcealaíona
http://www.poetryireland.ie
- Suíomh Éigse Éireann.
http://www.communityartsireland.com/
- Suíomh tacaíochta maidir le hEalaíon Pobal.
http://www.aoifeonline.com Suíomh
tacaíochta maidir le heagrú féilte
http://www.cultureireland.gov.ie.
Cur chun cinn na nealaíon thar lear agus comhpháirtíocht idirnáisúnta a
chothú. Fógraítear deontais ceithre huaire in aghaidh na bliana. An chéad
spriocdháta eile, 14 Lúnasa
http://www.business2arts.ie -
eolas agus cúrsaí úsáideach maidir leis na healaíona agus gnó.
http://ec.europa.eu/grants/index_en.htm#cult
suíomh achmhainneach maidir le deontais, cistí agus cláir an Aontais
Eorpaigh
Séanadh
Ní ghlacann Ealaín na Gaeltachta Teo., Údarás na
Gaeltachta ná an Chomhairle Ealaíon freagracht ar bith as
aon chaillteanas a d'fhéadfadh eascairt as a bheith ag brath
ar an eolas atá sa nuachtlitir seo.
|
|
