|
|
Nuacht
Fáilte chuig R-nuachtlitir na míosa seo.
D’fhógraigh Ealaín na Gaeltachta Scéim
na bPríomhréímsí an tseachtain
seo. Glacfar lle hiarratais ó dhaoine aonair agus
ó ghrúpaí leasmhara ar suim leo tionscadail
nó seirbhísí ealaíon a fhorbhairt
nó a sholáthar sa Ghaeltacht sna príomh
réimsí forbartha atá leagtha amach
ag an eagraíocht. The breis eolas sa nuachlitir nó
téigh i dteagmháil leis an áisitheoir
ealaíne i do cheantar.
Mar eolas, foilsíodh an céad r-leabhar
riamh i nGaeilge Nova Scotia ar an 19 Bealtaine.
“Sheena’s Garden” (An Gàradh aig
Sine) an teideal atá air, agus is féidir
eolas a fháil faoin leabhar ar shuíomh idirlín
‘Leabharlann Réigiúnach Pictou-Antigonish’,
ag: http://www.parl.ns.ca/ebooks/sheenas-garden-ebook.htm
Tá dhá thuarascáil foilsithe ag an
gComhairle Ealaíon mar chuid den scéim
Lucht Féachana na nEalaíon. Cuirfidh
eagraíochtaí nó ealaíontóirí
ar mhaith leo suíomh idirlín a fhorbairt nó
a athfhorbairt spéis i dtuarascáil a réitigh
Aoife Flynn mar chuid den scéim meantóireachta
a ghlac sí páirt ann le Gailearaí Teampaill
Barra. Tá an turascáil le fáil ar suíomh
idirlín Lucht Féachana na nEalaíon
ag:http://artsaudiences.ie/2010/05/developing-a-brief-for-a-website
. Bainfidh eagraíochtaí nó ealaíontóirí
a bhfuil spéis acu sna meáin shóisialta
an-thairbhe as an turascáil eile a fhoilsíodh.
Foilsíodh é mar chuid den tionscnamh meantóireachta
atá ar bun ag an rannóg foilsitheoireachta
in RTÉ i gcomhair le hEmmet Sheerin agus
Anne O’Gorman ó Chomhairle Náisúnta
na nÓg. Léiríonn an tuarascáil
an bealach le feachtas poiblíochta sna meáin
shóisialta a fhorbairt. Tá neart
eolais sa tuarascáil faoin mblagáil, faoin
líonra sóisialta agus faoi na háiseanna
boscaireachta ‘ar-líne’ atá ar
fáíl. Is féidir teacht ar an tuarascáil
ag: http://artsaudiences.ie/2010/05/re-evaluating-your-web-strategy-nyci-report-on-mentoring-from-rte-publishing/
Bíonn an eagrais Óige na Gaeltachta
i gconaí ag lorg daoine fásta chun obair leis
na daoine óga chun scil nó céird a
mhuineadh ina gclubanna nó campaí samhraidh.
Tá siad ag iarraidh bunachar sonraí
a chur le cheile go náisiúnta ins
na Gaeltachtaí do d’ealaíontóirí
agus d’áisitheoirí. Is gá dóibh
ach a bheith toilteanach obair le daoine óga agus
Gaeilge a bheith ar a dtoil acu. Tuilleadh eolais ó
Ultán Ó hAodha, Oifigeach Forbartha na Mumhan,
Óige na Gaeltachta, Baile Bhuirne , Maigh Chromtha,
Co. Chorcaí. Fón 026-65883. Rphost: ultan@onag.ie
Cuirfidh drámadóírí na Gaeilge
an-spéis in acmhainn úr atá ar an bhfód.
Sheol Tony Ó Dálaigh Playography na
Gaeilge in Institiúid Téatair
na hÉireann (ITÉ) i mBarra an Teampaill,
Baile Átha Cliath le déanaí. Bunachar
sonraí lánchuimsitheach atá in Playography
na Gaeilge atá ar fáil ar an idirlíon
agus teacht ann ar shonraí faoi gach dráma
Gaeilge ar tugadh an chéad léiriú
air idir an bhliain 1975 agus an bhliain 2009. Tá
256 dráma ar fad i gceist agus saothar le Eilís
Ní Dhuibhne, Liam Ó Muirthile, Alan Titley,
Antoine Ó Flatharta, Darach Ó Scolaí
agus Joe Steve Ó Neachtain ina measc. Tá rún
ag Institiúid Téatair na hÉireann tús
a chur anois leis an dara cuid den obair thaighde, chomh
fada siar leis an mbliain 1900, a thabhairt chun críche
agus cinnteofar go gcuirtear sonraí faoi gach dráma
nua Gaeilge leis an mbunachar de réir mar a thugtar
an chéad léiriú air. Tá Playography
na Gaeilge le breathnú anois arwww.irishplayography.com
Roghnaíodh an Ghaeltacht mar cheann de na háiteanna
a bheidh páirteach san Oíche Chultúir
i mbliana. Is mórfhéile náisiúnta
í an Óiche Chultúir ina cuirtear imeachtaí
cultúrtha ar siúl saor in aisce don phobail
in aon oíche amháin. Is mór an gradam
agus an t-aitheantas atá bainte amach ag an bhféile
go náisúnta. Tá Ealaín na Gaeltachta
ag déanamh co-ordnú ar an ócáid
sa Ghaeltacht i mbliana. Tá súil go gcuirfidh
gach eagraíocht agus grúpa cultúrtha
imeacht nó ócáid cultúrtha ar
siúl ar an oíche, is cuma cé chomh
beag nó mór is atá sé, (nó
is féidir imeacht a bhí le bheith ann a cheangailt
leis an ócáid). Má tá spéis
agat nó ag d’eagraíocht imeacht a eagrú,
ní mhór na sonraí a sheoadh chuig na
háisitheoirí ealaíne gan mhoill. Má
tá breis eolais uait, téigh i dteagmháil
leis an áisitheoir i do cheantar - Cúige
Chonnacht & Co. na Mí: Muireann Ní
Dhroighneáin. m.nidhroighneain@udaras.ie
091 503 220. Cúige Mumhan: Eibhlín
de Paor. e.depaor@udaras.ie
066 9150100 / 026 45366. Cúige Uladh:
Micheál Mac Aoidh m.macaoidh@udaras.ie
074 95 60100. Tá breis eolais faoin Oíche
Cultúir le fáil ag www.culturenight.ie
Agus an samhradh ag tarraingt orainn, ní haon údar
iontais é go bhfuil rogha mór de fhéiltí
ar siúl ag an am seo den bhliain. Thíos i
gCorcaigh, beidh Féile Tine Ghugán
Barra ar siúl ón 18 -21 Meitheamh.
Is ón tobar Ceilteach agus na deasghnátha
págantachta a tharraingníonn an fhéile
a chuid inspioráide. Cuirtear béím
ar an gceol agus ar an siamsaíocht agus bíonn
rogha leathan d’ imeachtaí ealaíne ar
siúl, na healaíona dúchasacha, ach
go háirithe. Is é an phríomhsprioc
atá ag ‘Ceol sa Ghleann’
ná an traidisiún saibhir ceoil agus na healaíona
traidisúnta a chaomhnú agus a chothú
i ndeisceart Thír Chonaill. Is í an fhéile
Scoil Samhraidh Ghleann Cholm Cille atá
ar siúl an mhí seo, ceann de na hócáidí
is mó a eagraíonn an eagraíocht. Eagraítear
ceolchoirmeacha, seisiún, ceardlanna agus ranganna
ceoil. Beidh an fhéile scannán fáisnéise,
Guth Gafa ar siúl i nGort a Choirce,
Thír Chonaill an mhí seo chomh maith. Féile
le blas idirnáisiúnta í a thugann árdán
do scannáin fháisnéise dúshlánacha
agus méinleacha. Bíonn scannánaí
as chuile carn den domhain i láthair agus tugtar
deis do scannánaí a gcuid saothair a phlé
agus a mheas. Tá neart féiltí eile
le blas Gaelach ar siúl ar fud na tíre, mar
aon leis neart imeachtaí ealaíona ilghéitheacha
agus ildánacha eile. Tá eolas futhu uilig
le fáil sa ríomhlitir.
Mar is iondúil, tá neart deiseanna deontas
agus deiseanna eile fógraithe. Ina measc tá
coimisiún, folúntais agus deiseanna oiliúna.
Déan teagmháil linn ag ealain@udaras.ie
má tá aon eolas breise i dtaobh scéimeanna
& r.l. de dhíth nó má tá
aon bhlúirín nuachta don gcéad r-nuachtlitir
eile.
Oiliúint
| Áras Inis
Gluaire, Béal a Mhuirthead, Co. Mhaigh Eo.
|
Teastas an dTaibh Ealaíon
Leibheál 5 FETAC – 8 Modúl. Cúrsa
i Léiriú Amharclainne: Cúrsa
Lan aimsireach 6 mhí ag tosnú i lár
mí Meitheamh 2010. Is iad seo leanas na hábhair:
Bainistiú Imeachtaí. Cumarsáid.
Taithí Oibre. Sláinte & Sábháilteacht.
Innealtóireacht Fuaime. Bainistiú /
Riarachán Stáitse. Táirgeadh
Clár Raidió. Tuilleadh eolais: Ian,
Áras Inis Gluaire.
|
|
Dáta
|
Beidh an
cúrsa ar siúl i mí an Mheithimh
|
|
Eolas
|
Teileafón: 097 81079
Ríomhphost: i.macaindriu@arasinisgluaire.ie
Suíomh idirlín: www.arasinisgluaire.ie
|
| Business to Arts
– Cúrsaí oiliúna
|
Is féidir le heagraíochtaí ealaíne
atá mar bhaill de Buisness to Arts lascaine
shuntasach a fháil ar na cúrsaí
oiliúna a eagraíonn an Irish Times agus
an comhlacht, Sureskills. Cuireann an Irish Times
agus Sureskills clár leathan de chúrsaí
gnó, margaíochta agus gairmiúla
ar fáil. Is cúrsaí iad seo a
bhainfeadh gniomhairí ealaíne an-thairbe
astu. Cuireann Business to Arts réimse leathan
de chúrsaí sainspeisialta ar fáil
d’eagraíochtaí ealaíne
chomh maith. Gach eolas le fáil ar an suíomh
idirlín. |
|
Dáta
|
Dátaí éagsúla.
|
|
Eolas
|
Seoladh: Rowena Neville, Director
of Marketing and PR, Business to Arts, 44 East Essex
St, Temple Bar, Dublin 2.
Teileafón:+ 353 1 672 5336
¦ Dir : + 353 1 635 0253
Ríomhphost: rowena@businesstoarts.ie
Suíomh idirlín: www.businesstoarts.ie
|
| Comhairle Náisiúnta
na nÓg – Cúrsaí Oiliúna
sna hEalaíona.
|
Cúrsaí Oiliúna sna hEalaíona
Cuireann
Comhairle Náisiúnta na nÓg réimse
leathan de chúrsaí ar fáil i
réimsí éagsúla de na healaíona,
le béim ar leith ar na healaíona don
aos óg. Is féidir liosta de na cúrsaí
agus gach eolas a fháil ar shuíomh idirlín
na heagraíochta. |
|
Dáta
|
Dátaí éagsúla
|
|
Eolas
|
Seoladh: 3 Sráid Mhontague,
Baile Átha Cliath 2.
Teileafón: 01 4784122
Ríomhphost: training@nyci.ie
Suíomh idirlín: www.youth.ie
|
| Cló Cheardlann
na gCnoc, Co. Dhún na nGall.
|
Cúrsaí Oilúna –
Samhradh 2010.
Tá Cló (Ceardlann amharcealaíne)
ag reáchtáil roinnt cúrsaí
sna míonna amach romhainn. Beidh Annie Silverman
as Somerville, Massachusetts ag teagasc ar an gcúrsa
priondáil “Woodblock” agus beidh
Seán Ó Dhubhchon as Machaire Rabhartaigh
ag teagasc ar an gcúrsa ealaíon do phaistí.
(Beidh Annie Silverman ina ealaíontóir
cónaithe ag Cló le linn mhí Meitheamh
2010). Beidh na cúrsaí agus na ceardlanna
ar siúl sa bharrionad físealaíne
atá ag an eagraíocht i nGaeltacht Thír
Chonaill. Is é seo a leanas an t-amchlár:
26ú – 27ú Meitheamh 2010:
Cúrsa í priontáil le Annie Silverman.
28ú Meitheamh – 2ú Iúil
2010: Cúrsa ealaíon do phaistí
le John Doohan.
10ú – 11ú Iúil 2010:
Cúrsa eitseáil le dath (le Aoife Mc
Garrigle.
17ú – 18ú Iúil 2010:
Cúrsa Photo Eitseáil; “exploring
polymer and photec etching” le Aoife Mc Garrigle.
16ú – 20ú Lúnasa 2010:
Cúrsa í péinteáil radharc
tíre le Heidi Nguyen. (10 – 4)
|
|
Dáta
|
Dátaí éagsúla.
|
|
Eolas
|
Seoladh: Cló Ceardlann na
gCnoc, Mín an Leá, Gort a Choirce, Co.
Dhún na nGall.
Teileafón: 353 (0) 7491 -
62800
Ríomhphost: cloceardlann@eircom.net
Suíomh idirlín: www.clo.ie
|
| Comhairle Cheardaíochta
na hÉireann (CCOI)
|
Scéim Meantóireachta agus
Scéim Forbairt Ghairmiúil do cheardaithe.
Tá dhá scéim fógraithe
ag an CCOI. Díríonn an Scéim
Meantóireachta ar ghnóanna ceardaíochta.
Cuirtear meantóir ar fáil le cabhair
agus tacaíocht a thabhairt do ghnóanna
ceardaíochta ionas go mbeidh siad ábalta
fás agus fhorbairt. Díríonn an
‘Scéim: Forbairt Ghairimiúil’
ar cheardaithe atá ag iarraidh forbairt a dhéanamh
ar a gcuid scileanna ceardaíochta. Cuirtear
ciste de €500 ar fáil do gach ceardaí
a éiríonn leo sa scéim áirithe
seo. Mar aon leis sin, eagraíonn an CCOI ranganna
agus ceardlanna ar bhun rialta chomh maith. Lena chois
sin, reachtálann siad cúrsaí
oiliúna, léachtaí agus imeachtaí.
Tugann an CCOI comhairle agus cabhair d’ealaíontóirí
ceardaíochta agus tá roinnt deiseanna
eile a chuireann siad ar fáil. Tá gach
eolas le fáil ar shuíomh idirlín
na heagraíochta. |
|
Dáta
|
Dátaí éagsúla
|
|
Eolas
|
Seoladh: Crafts Council of Ireland,
Castle Yard, Kilkenny, Ireland
Teileafón: 353 (0)56 7761804
Ríomhphost: info@ccoi.ie
Suíomh idirlín: www.ccoi.ie
|
| Oideas Gael
|
Ranganna Ealaíne, Ceoil & Ceardaíochta
Tá Oideas Gael ag eagrú sraith de cheardlanna
agus cúrsaí san Ealaíon, sa Cheol
agus sa Cheardaíochta sna míonna amach
romhainn.
Scoil Samhraidh Péintéireachta Mara
agus Tírdhreach: Is iad tírdhreach
agus imeallbhord cósta an limistéir
is suíomh do na cúrsaí phéintéireachta
atá a dtairiscint do thosaitheoirí agus
don dream a bhfuil feabhas uathu.
Fí Táipéise. Beidh an
cúrsa seo a thairiscint i mbliana le deis a
thabhairt do rannpháirtithe a bheith ag foghlaim
ó bheirt de na h-ealaíontóirí
a bhí mar chuid de Táipéis Gael
ó 1993 ar aghaidh.
Cláirseach: Beidh an cúrsa
seo dírithe ar fhoghlaimeoirí agus ar
fheabhsóirí a bhfuil suim acu bunscileanna
ceol an chláirsigh a fhoghlaim ó theagascóir
agus múinteoir proifisiúnta.
An Fheadóg:Tá an cúrsa
ceoil seo dírithe ar mhúinteoirí
agus daoine gur spéis leo na gnéithe
éagsúla de cheol na hÉireann
a fhiosrú agus a fhoghlam. Is í Maureen
Mc Grattan, ceoltóir den scoth, a bhéas
mar theagascóir.
Gach eolas faoi na cúrsaí le fáil
ar shuíomh idirlín Oideas Gael
|
|
Dáta
|
Dátaí éagsúla.
|
|
Eolas
|
Seoladh:Oideas Gael, Gleann Cholm
Cille, Co. Dhún na nGall
Teileafón: +353 (0)74 973
0248
Ríomhphost: eolas@oideas-gael.com
Suíomh idirlín: www.Oideas-Gael.com
|
| Físealaíontóirí
na hÉireann (Visual Artists Irleand)
|
Reachtálann Físealaíontóirí
na hÉireann deiseannna oiliúna, sraith
cheardlanna, srl do fhísealaíontóirí
go rialta. Is deis é d’fhísealaíontóirí
agus do ghrúpaí físealaíne
cur lena gcuid scileanna gairimiúla agus gnó.
Is mór an méid ábhar a chuirtear
ar fáil: Peer critique, Cúrsaí
airgeadais don fhísealaíontóir,
an chaoi le do saothar a chur os comhair an phobail,
srl. Is féidir an t-amchlár agus na
sonraí uilig a fháil ar shuíomh
idirlín na heagraíochta. |
|
Dáta
|
Dátaí éagsúla.
|
|
Eolas
|
Seoladh :Kate Mc Loughlin, Education
Assistant, at:
Visual Artists Ireland, 37 Nth Great Georges Street,
Dublin 1
Teileafón: 00353 (0)1 8722296
Ríomhphost: kate@visualartists.ie
Suíomh idirlín: www.visualartists.ie
|
Deiseanna
Deontais
| Ealaín na
Gaeltactha
|
Scéim na bPríomhréimsí
Mar chuid de straitéis Forbairt na nEalaíon
sa Ghaeltacht beidh Ealaíon na Gaeltachta Teo.
ag . glacadh le hiarratais ó dhaoine aonair
agus ó ghrúpaí leasmhara ar suim
leo tionscadail nó seirbhísí
ealaíon a fhorbhairt nó a sholáthar
sa Ghaeltacht sna príomh réimsí
seo a leanas.
· Forbairt / Cothú sraith imeachtaí
ealaíon do lucht spéise na nEalaíon.
· Na healaíona a eascraíonn
as Traidisiún Béil na Gaeltachta.
· Litríocht na Gaeilge.
· Ealaíon don Aosach.
· Drámaíocht na Gaeilge.
Fáilteofar roimh iarratas i rith Dé
hAoine 11ú Meitheamh ach réamh phlé
a bheith déanta leis an Áisitheoir Ealaíon
i do cheantar roimh ré. Sonraí teagmhála
le fáil ag www.ealaín.ie
|
|
Spriocdháta
|
11 Meitheamh, 2010.
|
|
Eolas
|
Teileafón:
091 503 100
Ríomhphost: ealain@udaras.ie
Suíomh idirlín: www.ealaín.ie
|
| An Chomhairle Ealaíona
|
An scéim chomhpháirteachais
Áitiúil
Tá an Chomhairle Ealaíon anois ag lorg
moltaí ó Oifigí Ealaíon
na nÚdarás Áitiúil i gcomhair
tionscadal a thosóidh in 2010 a chothóidh
coincheap an chomhpháirteachais ar bhealach
gníomhach. Faoin Scéim Comhpháirtíochta
Áitiúla in 2010, is féidir maoiniú
le haghaidh tionscadail, acmhainní nó
seirbhísí ealaíon comhpháirteacha
a lorg i leith ceachtar de dhá chéim
de thionscadal: 1. Céim taighde agus forbartha,
suas le huasmhéid de €10,000 agus 2. Céim
chur i bhfeidhm an tionscadail, suas le huasmhéid
de €20,000
|
|
Spriocdháta
|
3 Meitheamh, 2010.
|
|
Eolas
|
Seoladh: The Arts Council, 70 Merrion
Square, Dublin 2
Ríomhphost: regina.oshea@artscouncil.ie
Suíomh idirlín:
www.artscouncil.ie
Teileafón: 01 6180200
|
| An Chomhairle Ealaíon
/ Create
|
Scéim na nEalaíontóirí
sa phobal
(Arna feidhmiú ag Create, an ghníomhaireacht
forbartha i gcomhair na n-ealaíon comhpháirteach).
Déanann an Chomhairle Ealaíon cómhaoiniú
ar an scéim seo ach is Create a riarann í.
Is í aidhm na scéime ná dian-chomhoibriú
a spreagadh idir an pobal agus ealaíontóirí,
áit a mbíonn saothar ealaíne
nó tionscadal mar thoradh na hoibre. Tá
Scéim na nEalaíontóirí
sa Phobal á bainistiú ag Create, an
ghníomhaireacht forbartha pobail, ag cur seirbhísí
ar fáil i gcomhair forbartha ealaíon
agus cleachtas ealaíne comhpháirteach
in Éirinn. Gach eolais le fáil ar shuíomh
idirlín na comhairle.
|
|
Spriocdháta
|
25 Meitheamh 2010
|
|
Eolas
|
Teagmhálaí:
Katherine Atkinson
Seoladh:Create, Project Support and Professional
Development, 10/11 Sráid an Iarla Theas , Baile
Átha Cliath 8
Teileafón: +353 1 473 6600
Facs: +353 1 473 6599
Ríomhphost: support@create-ireland.ie
Suíomh idirlín: www.create-ireland.ie
|
| An Chomhairle
Ealaíon
|
Deis
Tá sé mar aidhm ag Deis lucht na n-ealaíon
traidisiúnta a spreagadh chun maoiniú
tionscadail a lorg ón gComhairle Ealaíon
le haghaidh réimse tionscadal nach n-oireann
a gcuid tograí go rómhaith do na cláir
mhaoinithe eile atá á dtairiscint ag
an gComhairle Ealaíon. Glactar le tograí
ó gach réimse de na healaíona
traidisiúnta (ceol, amhránaíocht
agus rince traidisiúnta agus na healaíona
béil, cosúil leis an scéalaíocht
agus an t-agallamh beirte). Is í cuspóir
na scéime Deis tacaíocht a chur ar fáil
do thionscadail ealaíon traidisiúnta
nó do thionscadail ina mbeidh lucht na n-ealaíon
traidisiúnta ag saothrú i gcomhar le
lucht foirmeacha eile ealaíne, atá ag
teacht le beartas na Comhairle Ealaíon i leith
na n-ealaíon traidisiúnta. Is do thionscadail
aonuaire nó ghearrthéarmacha amháin
a thugann Deis tacaíocht, agus ní chuirfear
bunchistiú ar fáil faoin scéim
seo. Tabharfar tús áite do thionscadail
a léiríonn: aird ar chaighdeán,
ealaíonta nuálaíocht agus tairbhe
shuntasach do phobal na n-ealaíon traidisiúnta.
Is scéim leanúnach í Deis.
|
|
Spriocdháta
|
Scéim leanúnach
|
|
Eolas
|
Seoladh: An Chomhairle Ealaíon,70
Cearnóg Mhuirfean, Baile Átha Cliath
2
Teileafón: +353 1 618 0200
Callsave: 1850 392 492
Ríomhphost: traditionalarts@artscouncil.ie
Suíomh idirlín: www.artscouncil.ie
|
| An Chomhairle Ealaíon
|
Dámhachtain taistil & oiliúna
Is cuspóir na Dámhachtana Taistil agus Oiliúna ná
tacú le daoine aonair ar mian leo leas a bhaint
as oiliúnt agus as deiseanna forbartha gairmiula
eile thar lear, agus beifear ag diriú ar fhorbairt
chleachtas ealaíne an duine féin. Is
cuspóir eile na scéime ná tacaíocht
a thabhairt do dhaoine aonair nó d’éagraíochtaí
ar mian leo cuireadh a thabhairt do shaineolaithe
ó thar lear oiliúnt nó meantóireacht
ar léibheál ard a chur ar fáil
i gcomhair forbairt ghairmiúil ealaíontóirí
agus daoine eile atá ag obair ar bhonn gairmiúil
i gcúrsaí ealaíon in Éirinn.
Tá criteár na scéíme agus
gach eolais le fáil ag na sonraí teagmhála
thíos.
|
|
Spriocdháta
|
Scéim leanúnach.
|
|
Eolas
|
Seoladh: An Chomhairle Ealaíon,70
Cearnóg Mhuirfean, Baile Átha Cliath
2
Teileafón: +353 1 618 0200
Callsave: 1850 392 492
Ríomhphost: travelandtraining@artscouncil.ie
Suíomh idirlín: www.artscouncil.ie
nó http://onlineservices.artscouncil.ie
|
| An Gréasán
Ceoil
|
Dámhachtán Ceoil do Dhaoine
Óga: deis do cheoltóir Jazz.
Tá an dámhachtán seo oscailte
d’ensemble jazz de gach cineál. Ní
mhór nach mbeadh níos mó ná
5 bhall sa ghrúpa. Cuirtear an dámhactán
ar fáil do cheoltóirí óga
atá ag tosnú amach sa shaol mar cheoltóirí
gairimiula. Tá gach eolais faoin scéim
le fáil ag na sonraí teagmhála
thíosluaite.
|
|
Spriocdháta
|
5 Iúil 2010
|
|
Eolas
|
Teileafón: (01) 671 9429
Suíomh Idirlín: www.musicnetwork.ie
|
Deiseanna
Eile
| An Clachán.
|
Spás stiúideó le fáil
ar cíos.
Tá spás stiúideó ar fáil
i ngailearaí agus ceardlann ‘An Clachán’.
Tá an gailearí lonnaithe i gcroí
lár Ghaeltacht Thír Chonaill. Spás
mór atá ann agus feilfeadh sé
do bheirt ealaíontóir. Tá neart
áiseanna agus acmhainní san ionad. Tá
siopa ceardaíochta agus ealaíne san
ionad, mar sin, bíonn deis ag an ealaíontóir
a c(h)uid saothair a dhíol. Breis eolais le
fáil ag na sonraí teagmhála thíos.
|
|
Spriocdháta
|
Níl spriocdháta
i gceist
|
|
Eolas
|
Seoladh:
Anna McLaughlin, An Clachán,
An Chúirt, Gweedore, Donegal.
Teileafón: +353 (0)74 9560091
Ríomhphost: eolas@anclachan.ie
Suíomh Idirlín: www.anclachan.ie
|
| Stiúideó
‘Tulla Stables’
|
Spás
stiúideó le fáil ar cíos.
Is barrionad físealaíne é na
Tulla Stables atá mar chrann taca d’fhísealaíontóirí
i gContae an Chláir. Tá sé stiúideó
san ionad le háiseanna agus le hacmhainní
den chéad scoth ar fáil do na healaíontóirí.
Tá stiúideó amháin saor
san ionad faoi láthair. Is féidir an
t-eolas uilig a fháíl ón ionad.
|
|
Spriocdháta
|
Níl
spriocdháta i gceist.
|
|
Eolas
|
Seoladh:
Tulla Stables Application, Arts Office, County Library,
Mill Road, Ennis, Co.Clare
Teileafón:
065-6899091 nó 065-6899091.
Ríomhphost: arts@clarelibrary.ie
|
| An Bord Gáis
|
Ciste
Fuinnimh an Chomhphobail
Fáiltíonn Bord Gáis Energy roimh
iarratas ó eagraíochtaí neamhbhrabúis
/deonacha (eagraíochtaí ealaíne
agus cultúrtha san áireamh) ar an gCiste
Fuinnimh atá curtha ar fáil le fuinneamh
a sholáthrú saor in aisce (gáis
nó leictreachas) d’eagraíochtaí
neambhrabúis/deonacha. Is fiú €100,000
ina iomlán an ciste. Cuirfear deontas amháin
ar fiú 25,000 ar fáil, chomh maith le
cúig dheontais ar fiú €10,000 an
ceann iad, mar aon leis 10 ndeontas ar fiú
€2,500 an ceann iad. Tá na foirm iarratais,
críteár na scéime agus leabhrán
eolais ar fáil sna leabharlainn phoibli nó
is féidir iad a íosloadáil ag
www.bordgaisenergy.ie.
|
|
Spriocdháta
|
16
Meitheamh, 2010
|
|
Eolas
|
Teagmhálaí:Kate Candon,
Fleishman-Hillard
Teileafón: 01 6188472 / 086 8654904
Suíomh Idirlín: www.bordgaisenergy.ie
Ríomhphost:
kate.candon@fleishmaneurope.com
|
| Ionad Dealbhóireachta
Chontae Liatroma
|
Fáiltíonn
an t-Ionad Dealbhóireachta Chontae Liatroma
roimh iarratais ó fhísealaíontóirí
do chlár cónaithe atá á
eagrú acu. Tá cúig scéim
cónaithe ar fáil ina iomlán agus
bronnfar trí cheann acu sin ar fhísealaíontóir
atá ina chónaí taobh amuigh den
chontae. Is fiú €4,500 na tréimhse
cónaithe seo. Beidh an t-ealaíontóirí
a roghnófar lonnaithe in ionad na heagraíochta
i gContae Liatroma. Gach eolas le fáil ón
ionad. |
|
Spriocdháta
|
18
Meitheamh, 2010.
|
|
Eolas
|
Suíomh Idirlín: www.leitrimsculpturecentre.ie
Ríomhphost:
info@leitrimsculpturecentre.ie
|
% Ealaíona / Ealaíon Poiblí
|
Coiste Comóradh Hugh O’Flaherty
– Coimisiún.
|
Coimisiún
– Ealaíon Poiblí
Bunaíodh an coiste le ceiliúradh a dhéanamh
ar shaol Hugh O’Flaherty, an sagart a rinne
gaiscí daonnúla le linn an dara cogadh
domhanda. Cuireann an coiste fáile roimh iarratais
ó ealaíontóirí le dealbh
a chruthú i gcomóradh ar an bhFlaithearteach.
Tá ciste le huasmhéad €70,00 curtha
ar fáil don tionscnamh. Tá gach eolais
faoin gcoimisiún agus an próiseas iarratais
le fáil ag an sonraí teagmhála
thíos.
|
|
Spriocdháta
|
11
Meitheamh, 2010
|
|
Eolas
|
Seoladh:
An Cathaoirleach, Hugh O’Flaherty Memorial
Committee, c/o Killarney Chamber of Tourism &
Commerce, Tourist Information Office, Beech Road,
Killarney, Co. Kerry, Ireland.
Teileafón: 353 (0)64 6637928
Ríomhphost:
jerry@killarney.ie (Jerry O'Grady)
Suíomh idirlín: www.killarney.ie
|
|
Scoil Phobail Gallen, Uibh Fáille
|
Coimisiún
– Ealaíon Poiblí
Cuireann Bord Bainistíochta Scoil Phobail Gallen
fáilte roimh iarratais ó ealaíontóirí
chun dealbh buan a chruthú i gclós na
scoile. Is fiú €58,000 an coimisiún.
Is iad an Roinn Oideachas atá ag maoiniú
an tionscnaimh faoin scéim % Ealaíon.
Gach eolas le fáil óna sonraí
teagmhála thíos
|
|
Spriocdháta
|
11
Meitheamh, 2010.
|
|
Eolas
|
Seoladh: Mrs .Ursula
Finnegan, Per Cent for Art Commission, Gallen Community
School, Ferbane, Co. Offaly.
Ríomhphost: fccdpr@eircom.net
Suíomh idirlín: www.gallencs.com
|
|
Feidhmeannacht Na Seirbhíse Sláinte
|
Coimisiún
– Ealaíon Poiblí
Fáiltíonn an FSS roimh aighneachtaí
faoin scéim ‘Public Art – Per Cent
for Art Scheme’ i gcóir oibreacha ealaíne
don Aonad Altranais Pobail i dTrá Lí.
Is féidir aon disciplín, dearadh nó
meán a úsáid agus an obair /
na h-oibreacha ealaíne a chur ar fáil.
Is é an buiséad iomláin ná
circa €39,700 chun na costais go léir
a bhaineann leis an obair / na h-oibreacha ealaína
a ghlanadh. Beidh dhá chéim sa chomórtas
a bhaineann leis an obair / na h-oibreacha ealaína.
Ag Céim 1 beidh tairiscintí ar imlíne
choincheapa ag teastáil. Ag céim 2 beidh
tairiscintí mionsonraithe ag teastáil
ó na healaíontóirí a dhéanfar
gearrliosta dóibh.Is féidir sonraí
breise agus faisnéis tionscadail a fháil
ón suíomh idirlíne um sholáthar
don earnáil phoiblí ag Rialtas na hÉireann
nó ón duine ainmnithe thíos.
|
|
Spriocdháta
|
23
Iúil, 2010.
|
|
Eolas
|
Seoladh: Mrs .Ursula
Finnegan, Per Cent for Art Commission, Gallen Community
School, Ferbane, Co. Offaly.
Teileafón:
086 787 1457
Ríomhphost: fiona.geary2@hse.ie
Suíomh idirlín: www.etenders.gov.ie
|
|
Clár Ealaíon Poilblí
Chontae Uibh Fháillí
|
Deis
a bheith ar pháineál na healaíne
poiblí
Fáiltíonn na húdaráis
áitiúla i gcontae Uibh Fháillí
(Comhairle Chontae Uibh Fháillí, agus
na comhairlí áitiúila sa Tulach
Mór, i mBiorra agus Eadán Doire) roimh
iarratas ó ealaíontóirí
(gach réimse ealaíon san áireamh)
le bheith ar phaineál na n-ealaíontóirí
ó 2010 – 2012. Is ón bpaineál
seo a roghnófar na healaíontóirí
do na coimisiúin phoiblí ealaíon
a bheidh na húdaráis a tairiscint sna
blianta beaga amach romhainn. Gach eolas le fáil
óna sonraí teagmhála thíos
|
|
Spriocdháta
|
11
Meitheamh, 2010.
|
|
Eolas
|
Seoladh:Public Art Panel,
Offaly County Council, Arts Office, Charleville Road,
Tullamore, Co. Offaly
Teileafón:
057 9357400
|
Comhdháil
|
Ionad an Cheoil Comhaimseartha
|
'Toghchaí
an Cheoil sa Shaol Digiteach
The Coach House, Baile Átha Cliath
Comhdháil idirnáisiúnta le hiniúchadh
a dhéanamh ar an tionchar atá ag an
gcultúr digiteach ar an gceol, ar an gcumadóir
agus an ceoltóir, agus ag breathnú ar
na himpleachtaí a chothaíonn an íosloadáil
ón idirlín.
I measc na gcainteoirí beidh: Mary Hanafin
TD an tAire Turasóireachta, Cultúir
agus Spóirt, Andrew Dubber, Ollscoil Birmingham;
Gerd Leonhard, Saineolaí i meán na todhchaí
agus scríbheoir,; Mícheál Ó
Súilleabháin agus Bill Whelan.
|
|
Spriocdháta
|
11
Meitheamh, 2010
|
|
Eolas
|
Teileafón:
+353-1-673 1922
Ríomhphost:
conference@cmc.ie
|
Folúntas
|
Féile Drámaíochta
Bhaile Átha Cliath, i gcomhar le Bainc Uladh
(Ulster Bank Dublin Theatre Festival)
|
Fáiltíonn
Féile Drámaíochta Bhaile Átha
Cliath le hiarratais ar na postanna seo a leanas:
• Eagarthóir ar Chlár na n-Imeachtaí.
• Dearthóir ‘inhouse’
• Rúnaí Airgeadais
• Rúnaí oifige
• Giolla Léiriúcháín
• Bainisteor ar Oifig na dTicéidí
• Saoiste in Oifig na dTicéidí
• Giolla in Oifig na dTicéidí.
Is poist shéasúrach ar ghearrchonraithe
iad seo. Tá gach eolais le fáil ag na
sonraí teagmhála thíos.
|
|
Spriocdháta
|
4
Meitheamh, 2010
|
|
Eolas
|
Teileafón:
+ 353 1 677 8439
Teileafón:
+ 353 1 679 7709
Ríomhphost: info@dublintheatrefestival.com
Suíomh idirlín: http://www.dublintheatrefestival.com/
|
|
Pobal
|
Co-ordaitheoir
na nEalaíon Gaeilge
Tá Pobal – scátheagra Phobal
na Gaeilge, ar lorg co-ordaitheoir na nEalaíon
Gaeilge. Conradh bliana, ar dtús le síneadh
ag brath ar mhaoiniú.
Turastal: 19,817, NHC Grád 22. Téann
pinsin leis an phost seo. Tuilleadh eolais agus cur
síos poist le fáil ach teaghmháil
a dhénamh
|
|
Spriocdháta
|
11
Meitheamh, 2010
|
|
Eolas
|
Seoladh:
Pobal, Cultúrlann MacAdam Ó FIach,
216 Bóthar na bhFál, Béal Féirste,
BT 12 6AH
Teileafón:
028 90 438132
Ríomhphost:
eolas@pobal.org
|
|
Cultúr Éireann –
Coimisinéir na hÉireann ag an Art Biennale
i Venice, 2011.
|
Ceannasaí
ar iarratas na hÉireann ag an Art Biennale
Tá folúntas ag Cultúr Éireann
do phost mar cheannasaí ar iarratas na hÉireann
ag an Art Biennale i Venice sa bhliain 2011. Déanfaidh
an té a roghnófar bainistíocht
ar an gclár agus ar an saothar a roghnófar
don thaispeántas. Is ceann de na ócáidí
is tábhachtaí i saol na n-ealaíon
í an Biennale agus is deis iontach í
árdán idirnáisiúnta a
thabhairt do chultúr agus d’ealaín
na tíre. Ní mhór go mbeadh taithi
leathan bainistíochta, eagraíochta agus
bainistíocht tionscnamh ag an iarratasóir
mar aon leis scileanna maithe cumarsáide agus
tuiscint mhaith ar saol na n-ealaíon. Tá
gach eolas faoin bpost agus faoin bpróiseas
iarratais le fáil ag na sonraí teagmhála
thíosluaite.
|
|
Spriocdháta
|
1
Meitheamh, 2010
|
|
Eolas
|
Ríomhphost:
christinesisk@cultureireland.gov.ie
Suíomh
idirlín: www.cultureireland.gov.ie
|
Imeachtaí
Ionad Cultúrtha, Baile Mhúirne,
Co Chorcaí
Is é aidhm Ionad Cultúrtha Baile Mhúirne
ná na healaiona d'árd chaighdeán a
chur chun chinn agus suim sna h-ealaíon a mhúscailt
i measc an phobail. Chuige san, tá clár dushlánach
leagtha amach ag an ionad - idir ranganna, cheardlanna,
cheolchoirmeacha, thaispeántaisí rince comh-aimseartha
agus thaispeántaisí ealaíona - a chuireann
an ionad ealaíona seo i gceart lár saol ealáiona
Ghaeltacht Mhúscraí. Is é trí
mheán na Gaeilge a reachtáiltear na himeachtaí
go léir san Ionad.
Tuilleadh Eolais
Seoladh: Ionad Cultúrtha, Baile
Mhúirne, Co Chorcaí
Teileafón: 00 353 (0)26 45733
Suíomh
Idirlín: www.ionadculturtha.ie
Ríomhphost:ionadculturtha@eircom.net
Arás Éanna, Inis
Oirr
28- 30 Meitheamh: Féile an Phlassy:
Comóradh 50 mbliana i gcuimhneachán ar an
bPlassy an bád a caitheadh i dtír in Inis
Oírr, ar an 8 Márta 1960. I measc na n-imeachtaí
beidh: Oscailt Oifigiúil agus taispeántas
pictiúir an Phlassy; Scannán TG4 faoin bPlassy;
Imeachtaí le Garda Cósta na hÉireann;
Comórtas Amhrán faoin bPlassy; Ceol le Doimnic
Mac Ghiolla Bhríde & Griogair Labhruidh; Ceardlann
Ící Pící – Amhráin
agus rannta le Doimnic MacGiolla Bhríde; Imeachtaí
do pháistí i rith an lae.
5 Meitheamh. 8.30i.n.: Oscailt oifigiúil ar an
Taispeántas Ealaíne le Breandán Ó
Súilleabháin. Is é Liam Ó
Maolaodha an t-aoí speisialta
12- 13 Meitheamh Féile Phatrún Inis Oírr.
Féile naofa, ársa an oileáin. Rásaí
Báid Mhóra Céilí sa Halla le
Fóidín Meara; Ceoltóirí an Acadaimh
An Cheathrú Rua agus go leor eile.
21-25 Meitheamh: Féile Idirnáisiúnta
na mBodhrán “Craiceann” le Liam
Ó Maonlaí. Ranganna agus ceolchoirmeach; Ceolchoirm
le Téada; Ceolchoirm/Concert le Éalú.
Breis eolas ag: 099 75067 nó www.craiceann.com
I rith mí Iúil: Taispeántas le hAnita
Murphy, “I’ll live ‘til I die”,
Seó cuimhneacháin faoin amhránaí
iomráiteach as Maigh Eo, Delia Murphy.
9-11 Iúil: Deireadh seachtaine Dráma
agus Jazz. I measc na n-imeactaí beidh an
dráma, The Tailor and Ansty, le Eric Cross a bheidh
curtha ar stáiste ag an Call Back Theatre. Dráma
grinn ar ardchaighdeán; Ceoltóirí Ollscoile
as Meiriceá / Berkley Jazz Quartet
Dé Sathairn 17 Iúil Ceolchoirm le/
Lumiere. Amhránaithe den scoth, Pauline
Scanlan agus Eilis Ní Chinnéide.
Dé Sathairn 24 Iúil: Ceolchoirm le
Caladh Nua, ón Rinn, i bPort Láirge
Dé Domhnaigh 25 Iúil/Sunday 25th July: Head
of Red O.Brien. Drama leis an True West Theatre
Company
Dé Sathairn, 31 Iúil/Saturday 31st July. The
Tinker.s Curse. Dráma nua chumtha scríofa
agus curtha i láthair ag Michael Harding.
Tuilleadh Eolais
Teagmháil: Mairéad Ní
Ghallchóir:
Ríomhphost: araseanna@eircom.net
Teileafón: +353 99 751 50
Facs: +353 99 75152
Seoladh: Áras Éanna, Ionad
Ealaíona agus Pobal, Inis Oírr, Árann,
Co Na Gaillimhe.
Gailearaí Joan Clancy,
An Rinn, Co. Phort Láirge.
Bunaíodh Gailearaí Joan Clancy in 1999 sa
Rinn i nGaeltacht Phort Láirge, 10 chiliméadar
ó Dhún Garbhán. Tá stádas
á bhaint amach aige de réir a chéile
mar láthair ina mbíonn an fhísealaíon
comhaimseartha Éireannach is deise ar thaispeáint.
30ú Iúil – 15ú Lunasa.
The Clancy Brothers & Tommy Makem – Ómós
dá nOidhreacht Chultúrtha.
Deireadh
ré ba ea bás Liam Clancy, i Mí na Nollag
09 agus is taispeántas é a dhéanann
ceiliúradh ar oidhreacht chultúrtha na Clancy’s
agus Tommy Makem. I measc na bpíosaí a chuirfear
i láthair le linn an Taispeántas Ómósach,
beidh saothar de chuid na bhfísealaíontóirí
Orla Clancy iníon le Paddy agus Mary, Blawnin agus
Rayleen Clancy iníonacha Tom agus Joan, Arthur Maderson,
Bernadette Kiely, Una Sealy, Tom Climent, Katarzyna Gajewska,
Dave West, Mary Clancy (ná fuil gaolta), Paul Flynn,
Andrea Jameson, John Cullinan, Laura Fitzgerald agus eile.
Iúil 8 – 25 Taispeántas le hAnn
Dunphy.
30ú Iúil – 15ú Lunasa. Taispeántas
Grúpa.
Taispeántas leis na healaíontóirí:
Arthur Maderson, Tom Climent, Mary Clancy, Bernadette Kiely,
Blawnin Clancy, Una Sealy, Rayleen Clancy, Katarzyna Gajewska,
Orla Clancy, Paul Flynn, Andrea Jameson, Dave West, John
Cullinan, Laura Fitzgerald.
Tuilleadh Eolas
Ríomhphost: info@joanclancygallery.com
Teileafón: (058) 46205 nó
086 8134597
Seoladh
: Gailearaí Joan Clancy Maoil
a Choirne, An Rinn, Dún Garbhán, Co. Phort
Láirge
Suíomh
Idirlín:
www.joanclancygallery.com
Léamh Filíochta
agus seoladh leabhair le hAifric Mac Aodha
3 Meitheamh,, 6.30 i.n: Seolfaidh Éigse Éireann
i gcomhar leis An Sagart an leabhar úr, Gabháil
Syrinx le Aifric Mac Aodha san Unitarian Church, 112 Fáiche
Naomh Stiofáin Thiar, Baile Átha Cliath 2.
Tuilleadh Eolas
Ríomhphost: info@poetryireland.ie
Teileafón: 01 4789974
Suíomh
Idirlín:www.poetryireland.ie
Léamh Filíochta
le Nuala Ní Dhomhnaill, Béal an Átha,
Co. Mhaigh Eo
3 Meitheamh, 1.15 in: Cuireann Comhairle Chontae Mhaigh
Eo i láthair, léamh filíochta leis
an mbanfhile, Nuala Ní Dhómhnaill. Beidh an
léamh ar siúl i Leabharlann Bhéal an
Átha, Sráid an Phiarsaigh, Béal an
Átha.
Tuilleadh eolais
Suíomh Idirlín: www.mayococo.ie
Teileafón: 094-9024444 Ext 7558
| 7471
Ríomhphost:mayoarts@mayococo.ie
Taispeántas Físealaíne
le Patricia Conlin. An Clachán, Co. Dhún na
nGall.
Is ionad físealaíne agus ceardaíochta
é an Clachán. Cuirtear imeachtaí agus
taispeántais ar siúl ar bun rialta. Faoi láthair,
tá taispeántas leis an bhfísealaíontóir
as Árd Mhaca, Patricia Conlin. Tá tionchar
mór ag an tírdhreách Ceilteach agus
ar fhiantas na timpeallachta ar shaothar Patricia, tionchar
an tsolais, ach go háirithe. Beidh an taispeántas
ar siúl go dtí an 7 Meitheamh.
Tuilleadh Eolais
Seoladh: An Clachán – Dánlann
ealaíne, An Chúirt, Gaoth Dóbhair,
Co. Dhún na nGall
Teileafón: 00 353 (0) 74 9560091
Ríomhphost:
eolas@anclachan.ie
Suíomh
Idirlín:
www.anclachan.ie
Ceardlann Scríbhneoireachta le Pádraigh
Ó Fiannachta – an Daingean.
Tá slí do bheirt nó triúr
eile i i gceardlann scríbhneoireachta cruthaithi
sa Díseart,
Sr. an Doirín sa Daingean, @6.30 go 8.30pm gach Máirt.
Pádraig Ó Fiannachta féin
atá á stiurú i mbliana. Tá Mil
na Ceardlainne agus Criathar Meala foilsithe de thoradh
cheardlann 2008 agus 2009.
Imeachtaí ceol - Tionscnamh Lugh, Gaoth
Dobhair, Co. Dhún na nGall.
De Máirt 6 Iúil - Trad Tráthnóna
Tráthnóna de cheol agus amhránaíocht
traidisiúnta. Ionad Cois Locha, Dun Luiche, 8-30
i.n. Tráthnóna de cheol agus amhránaíocht
traidisiúnta le meascán de bhuaiteoirí
Oireachtais 2009 ina measc Doimnic Mac Giolla Bhríde
buaiteoir Chorn Uí Riada. Beidh se i mbun ceoil i
gcuideachta roinnt de bhuaiteoirí eile an Oireachtais
ó cheantar Ghaoth Dobhair, Cloich Cheann Fhaola agus
na Rosa. Cuirtear ar fáil ceardlann ealaíona
don aos óg ar an oíche.
9 Meitheamh, 2010. 9 .30 i.n: Ceol Amhrán
– Ciorcal Amhránaíochta le
Tionscnamh Lugh. An Chúirt, Gaoth Dóbhair,
Gaoth Dobhair. Ciorcal Amhránaíochta curtha
i láthair ag Tionscnamh Lugh. Deis d’amhránaithe
ón Iar-dheisceart le teacht le chéile go neamhfhoirmeálta
le hamhráin a cheol agus comhrá agus craic
a bheith acu. Fáilte roimh chách agus fáilte
ar leith roimh amhránaithe as gach aon thraidisiún.
Tuilleadh eolais
Suíomh
Idirlín:http://www.tlugh.com
Ríomhphost:
info@tlugh.com
Leabharlann Chorcaigh – Imeachtaí
Gaeilge i mí an Mheitheamh
High Germany Dráma as Gaeilge, le
Gerry MotherwaySúil siar ar Corn Eorpach 1988 le
lucht leanta na hÉireann. Meitheamh 11, 7.30in sa
leabharlann lárnach:
Seanad na Léitheoirí. Mise,
Seán Ó Riordáin le Dr Neil Buttimer.
Céiliuradh filíochta Sheáin Uí
Ríordáin, curtha i láithair ag an Dr
Neil Buttimer. 23 Meitheamh 7.00in i leabharlann an Tory
Top
Tuilleadh Eolas
Teileafón: 4924900 - Fax: 4275684
Ríomhphost:libraries@corkcity.ie
Suíomh
Idirlín: http://www.corkcitylibraries.ie/resourcesservices/cultureimagination
An Cabaret Craicáilte, Gaoth Dobhair,
Gaoth Dóbhair – an 3ú Satharn de gach
mí, de gnáth.
Tugann an Cabaret Craicáilte árdan do cheol
comhaimseartha i nGaeilge agus cothaíonn siad réimsí
nua ceoil agus siamsaíochta trí mheán
na Gaeilge. Bíonn ceoltóirí aitheanta
ag seinnt gach cineál ceol - rap, jazz, ceol domhanda,
reggae, ceol traidisiúnta, rock-ceoil agus go leor
eile. Bíonn greann, taibhléiriú, filíocht
bheo agus go leor imeachtaí eile. Oíche chraicáílte
den scoth.
Tuilleadh eolais.
Teileafón: 087 2785593 nó
097 81079
Ríomhphost:Ronan.MacAodhaBhui@rte.ie
Suíomh
Idirlín:www.craiceailte.com
Ionad an Bhlascaoid, Dún Chaoin, Co. Chiarraí
Reachtálann an tIonad imeachtaí ealaíona
agus cultúrtha ó ham go chéile, mar
aon leis imeachtaí oidhreachta. Breis eolais ag na
sonraí teagmhála thíosluaite.
Tuilleadh eolais.
Teileafón: (066) 9151082 (066) 9156444
Ríomhphost:BLASCAOD@OPW.IE
Suíomh
Idirlín:http://www.heritageireland.ie
nó www.ceiliuradh.com
Aras Inis Ghluaire: Béal an Mhuirthead,
Co Mhaigh Eo
Reachtálann Áras Inis Ghluaire imeachtaí
ealaíona agus cultúrtha ó ham go chéile,
mar aon leis imeachtaí oidhreachta. Is féidir
gach eolas a fháíl ar imeachtaí an
ionaid ag na sonraí teagmhála thíosluaite.
Tuilleadh Eolais
Suíomh
Idirlín:http://www.arasinisgluaire.ie/
An Gailearaí /Ceardlann na gCroisbhealach
An Fál Carrach, Co. Dhún na nGall
Taispeántas Ealaíne: Cuisle Ag Ardú.
Go dtí an 19 Meitheamh 2010.
Taispeántas fisealaíne faoin teideal ‘Cuilse
ag Árdú’ le ceithre ealaíontóir
atá ina gcónaí agus ag obair ar chósta
thiar na hÉireann. Nochtann an seó comhoibrithe
seo ‘cuisle’ láidir rathúil a
bhaineann leis an dearcléiriú comhaimseatha
atá i dtreis faoi chladaí an Iarthair. Is
iad Tomasz Madajczak as an Fál Carrach, Séan
Ó Flaithearta as Inis Mór, Maggie Morrison
as Oileán Acla agus Úna Ní Shéa
as Chorca Duibhne na healaíontóirí
a bheidh páirteach sa taispeántas.
Tuilleadh eolais.
Seoladh : An Gailearaí, Gailearaí
na gCroisbhealach, An Fál Carrach.
Teileafón: 074 9165594
Ríomhphost:
ceardlann@eircom.net
Suíomh
Idirlín:
http://www.angailearai.com
Leabharlann Chorcaigh - Scannáin na Gaeilge,
Corcaigh
Sraith scannáin le linn am loin, ag tosnú
ag 1.15in, ar Luan-Aoine, 8-12 Meitheamh. Ina measc tá
scannáin faoi scríbhneoirí, agus scéalta
athchóirithe mar scannáin, chomh maith leis
Na Duganna, scannán a gcuireadh an seaman i gcuimhne
duit. 8 – 12 Meitheamh.
Amhairghin [28 mins], Nuala Ní Dhomhnaill –
Taibhsí i mbéal na Gaoithe [52 mins] Kings
[87 mins], Poitín [65 mins], Na Duganna[30 mins]
Tuilleadh Eolas
Teileafón: 4924900 - Fax: 4275684
Ríomhphost:libraries@corkcity.ie
Suíomh
Idirlín: http://www.corkcitylibraries.ie/resourcesservices/cultureimagination
Mná Céadfacha Dhún na nGall
/ Donegal Elemental Women
Camchuairt físealaíne sna tíortha Ceilteacha
Grúpa ealaíontóirí is ea Donegal
Elemental Women (DEW) atá bunaithe sna Rossan i nGaeltacht
Thír Chonaill. Tá an tionscnamh fílealaíne
‘Ceiliúradh ar Chultúr an Chósta
Ceiltigh’ faoi lánsheol faoi láthair.
Meascán de phéintéireacht, seodóireacht,
dearadh cultacha, ceirmeacht, ceardaíocht agus go
leor réimsí físealaíne eile
atá i gceist sa thaispeántas. Cuirfear an
taispeántas ar siúl ar Oileán Mull,
Uist agus Oban san Alban, in Anglesey agus Llyn sa Bhreatain
Bheag, agus i nGaeltacht na hÉireann, dar ndóigh.
Beidh aoí-ealaíontóirí agus
ceoltóírí áitiúla páirteach
i ngach ceantair.
Tuilleadh Eolais
Teileafón: 00353 877662624
Ríomhphost:liz-doyle@live.com
Suíomh
Idirlín:
www.donegaldew.com/
.
Imeachtaí Cultúrtha ar Oileán
Thoraigh
Is iad seo a leanas na himeachtaí atá eagraithe
ag Coiste Sóisialta agus Cultúrtha Thoraigh
i mí an Mheithimh.
4 -6 Meitheamh: Féile na mBoscaí le Johnny
Connolly agus an Cabaret Craicáilte.
11 Meitheamh: Josie Cannon
18 Meitheamh: DJ Vilar
3 - 18 Iúil: imeachtaí ar an oileán
mar chuid de Fhéile an Earagail. Ina measc, tá
Duke Special, céilithe agus go leor eile eagraithe.
Tuilleadh Eolas
Teileafón: Daniel ag 086 8763754
nó Majella ag 086 2620154
Léacht - Michael Davitt & glúin
INNTI - Leabharlann Chorcaigh
Léacht dhá-theangach faoi Michael Davitt agus
filí eile ó ré na hirise INNTI, ó
Theo Dorgan, file den ghlún chéanna. Chomh
maith le sin, léifidh Dairena Ní Chinnéide,
file óg ó Chorca Dhuibhne.
Dé hAoine, 19 Meitheamh, ag 7.30in san Lárleabharlann
Beidh an taispeántas ‘Filí INNTI agus
Michael Davitt’ le feiscint ar feadh an mhí
ar fad san Lárleabharlan.
Tuilleadh Eolas
Teileafón: 4924900 - Fax: 4275684
Ríomhphost:libraries@corkcity.ie
Suíomh
Idirlín: http://www.corkcitylibraries.ie/resourcesservices/cultureimagination
Teach na bhFilí ag The Yard – Ceardlann
Scríbhneoireachta. An Fál Carrach, Co. Thír
Chonaill.
29 Bealtaine – 27 Meitheamh. The Yard, An Fál
Carrach, Co. Dhún na nGall.
Ceardlanna scríbhneoireachta a reachtálfar
i rith na deireadh seachtainí. Is iad na scríbhneoirí
iomráiteacha le Janice Fitzpatrick Simmons agus Greagóir
Ó Dúill a bheidh i gceannas ar na ceardlanna.
Beidh siad ar siúl san Yard ar an bhFál Carrach.
Díreofar ar an bhfilíócht i mBéarla
agus i nGaeilge. Ní mhór clárú
roimh deireadh mí Aibreáín.
Tuilleadh Eolas
Teileafón: 074 9180728
Ríomhphost:poetshouse@eircom.net
Seoladh:
The Poets House, Clonbarra, Falcarragh, Co. Donegal.
Coiste Forbartha Mhín an Aoire - Féile
Cuimhneacháin Mick, Micheal agus Padraig Mac Giolla
Chearra
4– 5 Meitheamh, 2010.
Beair Uí Dhomhnaill, Min an Aoire, Co. Dhun na nGall
Mick,Micheal and Pat Carr Memorial
Féíle i gcuimhne ar na sár cheoltóirí
as Mhín an Aoire, Micheál, Mick agus Pádraig
Mac Giolla Chearra. Aoíanna speisialta: Tom Byrne
agus Martin Mc Ginely agus fáile ar leith roimh Mhártín
Donoghue. Ceolchoirmeacha, seisiún, ranganna ceoil,
ceardlanna agus go leor eile.
Tuilleadh Eolas
Teileafón: (074) 9739297
Seoladh:
Meenaneary, Carrick, Co. Donegal
Féiltí
Féile
Tine Ghuagán Barra
Gugán Barra, Co. Chorcaí.
Dé hAoine 18 – Dé Domhnaigh 21 Meitheamh
Féile ilghnéitheach ealaíne agus ceoil.
Eagraítear neart imeachtaí, idir cheol traidisiúnta,
dhrámaíocht, thaispeántais ealaíne
agus eile. Tugtar aitheantas do na healaíona dúchasacha.
Breis eolais
Ríomhphost: gouganebarrahotel@eircom.net
Teileafón:
026-47069
Féile Scannáin Faisnéise Ghuth
Gafa
Gort a Choirce, Thír Chonaill.
Dé hAoine 11 – Dé Domhnaigh 13 Meitheamh
Féile idirnáisiúnta scannánaíochta
a dhíríonn ar scannáin faisnéise.
Eagraítear clár leathan de scannáin,
léachtaí agus de sheimineáir agus taispeántar
cuid de na scánáinn fáisnéise
idirnáisiúnta is fearr a bhfuil.
Breis eolais
Teileafón: 074 9180730
Ríomhphost: info@guthgafa.com
Suíomh Idirlín: http://www.guthgafa.com/
Féíle na Scríbhneoirí,
Lios Tuathail. Writers' Week Listowel
2 – 6 Meitheamh. Cuirtear roinnt imeachtaí
liteartha i nGaeilge ar siúl le linn na féile
seo. Is féile liteartha í a thugann áit
lárnach do scríbhneoirí trí
chomórtais agus ceardlanna a eagrú, agus deiseanna
a thabhairt do scríbhneoirí lena saothar a
chur os comhair an phobail.
Breis eolais
Seoladh: Ms. Marie Logue, 24 An Faiche,
Lios Tuathail, Co. Chiarraí.
Teileafón: 068 21074
Ríomhphost: info@writersweek.ie
Suíomh Idirlín: http://www.writersweek.ie
Colmcille sa Ghleann
Gleann Cholm Ccille, Co. Dhún na nGall
4-7 Meitheamh
Féile d’imeachtaí ag ceiliúradh
Colmcille i nGleann Cholm Cille.
Dé hAoine 4 Meitheamh, 8pm: Oscailt le Maolcholaim
Scott (Colmcille) agus léacht ón Dr. Seosamh
Watson. I measc na n- imeachtaí a bheidh ar siúil
don chuid eile den deireadh seachtaine, beidh: Ranganna
i nGaeilge na hAlbain do lucht Gaeilge na hÉireann,
gur tosaitheoirí iad;Ceardlanna damhsa ar an tsean-nós
le Joe McGuiggan;Ceolchoirm le Doiminic Mac Giolla Bhríde
& Greagóir Labhraidh; Céilí Mór
le Clement Ó Gallchóir agus a cheoltóirí;
agus go leor eile.
Cuireann Oideas Gael cúrsaí Gaeilge agus laethe
saoire cultúrtha ar siúl fosta. Breis eolais
ag na sonraí teagmhála thíos.
Breis eolais
Teileafón: 074 97 30248
Suíomh Idirlín: www.Oideas-Gael.com
nó http://www.gleanncholmcille.com/colmcille.htm
Scoil Samhraidh Fidléireachta Ghleann Cholm
Cille
Gleann Cholm Cille, Co Dhún na nGall
Iúil 25 – 30, 2010.
Scoil cheoil agus féile cheoil thraidisiúnta
a bhfuil oidhreacht shaibhir ceoil dheisceart Thír
Chonaill mar fhoinse inspioráide aige. Ceolchoirmeacha,
ranganna, ceardlanna agus seisiúin cheoil. Eagraíonn
Ceol sa Ghleann an fhéile.
Breis eolais
Teileafón: 087 2873576.
Ríomhphost: info@ceolsaghleann.com
Suíomh Idirlín: www.ceolsaghleann.com
Féile na Gréine
Ciarraí Theas.
20 – 22 Meitheamh: Féile ilghnéitheach,
ildána. Na réimsí uilig ealaíne
le healaíontóirí áítiúla
agus náisiúnta. Clár leathan, spéisiúl
agus cruthaitheach.
Breis eolais
Seoladh: Fíona de Buis, An Coireán.
Teileafón: 066 94 78956
Ríomhphost: fdebuis@eircom.net
Suíomh Idirlín: www.feilenagreine.com
Féile na mBoscaí – Oileán
Thoraigh
OIleán Thoraigh, Co. Dhún na nGall.
4 -6 Meitheamh
Féile a déanann ceiliúradh ar an mbosca
ceoil- uirlis ceoil atá comhcheangailte le ceoltóirí
Thoraigh. Beidh scoth de na boscadóirí ceoil
ag freastal ar an oileán, ina measc beidh Johnny
Connolly. Beidh an Cabaret Craicáilte ar siúl
mar chuid den fhéile fosta.
Breis eolais
Teileafón: Daniel ag 086 8763754
nó Majella ag 086 2620154
Nascanna
Tá
na suíomhanna idirlín seo a leanas úsáideach maidir le nuacht
agus deiseanna eagsúla.
http://www.creativecareers.ie
- Creative Careers
http://www.eurocult.org
- European Cultural Foundation
http://www.kildare.ie/crookedhouse/forum
http://www.artscouncil.ie/irish/index.htm
- An Chomhairle Ealaíon
http://www.artsmanagement.ie
- Cúrsa Bainsitíocht Ealaíon &
Polasaí Cultúrtha. Tá mórán
eolais suimiúil faoin saol ealaíon in Éirinn
le feiscint ann.
http://www.musicnetwork.ie
- Suíomh acmhainneach maidir leis an gceol - deiseanna,
camchuairteanna agus eolas ghinearálta maidir le cúrsaí
ceoil sa tír.
http://www.forumformusic.ie - Forum
don Cheol in Éirinn
http://www.visualartists.ie/ - Suíomh
acmhainneach maidir leis na dearcealaíona
http://www.poetryireland.ie
- Suíomh Éigse Éireann.
http://www.communityartsireland.com/
- Suíomh tacaíochta maidir le hEalaíon Pobal.
http://www.aoifeonline.com Suíomh
tacaíochta maidir le heagrú féilte
http://www.cultureireland.gov.ie.
Cur chun cinn na nealaíon thar lear agus comhpháirtíocht idirnáisúnta a
chothú. Fógraítear deontais ceithre huaire in aghaidh na bliana. An chéad
spriocdháta eile, 14 Lúnasa
http://www.business2arts.ie -
eolas agus cúrsaí úsáideach maidir leis na healaíona agus gnó.
http://ec.europa.eu/grants/index_en.htm#cult
suíomh achmhainneach maidir le deontais, cistí agus cláir an Aontais
Eorpaigh
Séanadh
Ní ghlacann Ealaín na Gaeltachta Teo., Údarás na Gaeltachta
ná an Chomhairle Ealaíon freagracht ar bith as aon chaillteanas
a d'fhéadfadh eascairt as a bheith ag brath ar an eolas atá
sa nuachtlitir seo. |
|
