-

Nuacht

-

Deiseanna / Deontais

Imeachtaí Ealaíon

-

Cuir leis an liosta

-

Bain den liosta

-

Seol chuig cara

-

Teagmháil

-

Séanadh

Nuacht

Fáilte go nuachtlitir Ealaín na Gaeltachta

Tá acmhainn poiblíochta nua á chur ar fáil ag An Chomhairle Ealaion. Beidh seirbhís nua d’arb teideal Culturefox ar fáil saor in aisce d’eagraíochtaí ealaíne. Is suíomh idirlín agus “app” é Culturefox a fheidhmíonn ar ríomhairí agus ar fhóin phócaí. Áis is ea í a bhainfidh turasóirí agus an pobal i gcoiteann úsáid as chun eolas a fháil ar na himeachtaí ealaíona atá ar siúl ar fud na tíre. Beidh an pobal ábalta teacht ar an eolas seo go gasta agus go héasca. Foinse eolais údarásach a bheidh ann agus tá sé beartaithe go mbeidh Culturefox mar an bpríomhfhoinse eolais ar imeachtaí cultúrtha sa tír. Is féidir le heagraíochtaí cultúrtha agus ealaíontóirí an tseirbhís a úsáid saor in aisce agus tá sé an-éasca eolas a chur ar an suíomh. Is féidir tuilleadh eolais a fháil ag: http://prelaunch.culturefox.ie/ nó ar an suíomh fón póca: http://prelaunch.culturefox.ie/mobile/ Seolfar an suíomh go hoifigiúil ar an 1 Meitheamh. Glacfar le haischothú ag admin@culturefox.ie
Chomhfhiontar idir an Chomhairle Ealaíona, Fáílte Ireland agus an Roinn Ealaíon, Oidhreachta agus Gaeltachta is ea Culturefox.

Beidh an Seachtain Oidreachta Náisiúnta ar siúl ón 21-18 Lúnasa,2011. Is féile bliaintiúil í seo a eagraíonn an Chomhairle Oidhreachta. Bíonn imeachtaí oidreachta de gach cineál ar siúil le linn na seachtaine agus is é cuspóir na féile ná ceiliúradh a dhéanamh ar oidhreacht shaibhir na tíre. Má tá spéis ag d’eagraíocht imeacht nó ócáid a eagarú, ní mhór é a clárú leis an gComhairle Oidhreachta ar an suíomh idirlín www.heritageweek.ie no is féidir dul I dteagmháil leis an gComhairle ag: heritageweek@heritagecouncil.ie

Tá rogha leathan d’ imeachtaí agus de fheiltí ar siúl ar fud na Gaeltachta i rith mí na Mheithimh. Tugann na himeachtaí agus na féíltí árdán d’oidhreacht shaibhir na Gaeltachta. Tá neart féiltí le blas Gaelach ar siúl ar fud na tíre chomh maiht, mar aon leis neart imeachtaí ealaíona ilghéitheacha agus ildánacha eile. Tá tuilleadh eolais fúthu uilig ar fáil sa ríomhlitir. Lena hais sin, tá eolas faoina deiseanna éagsúla atá ar fáil d’ealaíontóirí agus d’eagraíochtaí ealaíne.

Déan teagmháil linn ag ealain@udaras.ie má tá aon eolas breise i dtaobh scéimeanna & r.l. de dhíth nó má tá aon bhlúirín nuachta don gcéad r-nuachtlitir eile.

Oiliúint

Ionad Cultúrtha, Baile Mhúirne, Co Chorcaí
Is é aidhm Ionad Cultúrtha Baile Mhúirne ná na healaíona d'árd chaighdeán a chur chun chinn agus suim sna h-ealaíon a mhúscailt i measc an phobail. Chuige san, tá clár dúshlánach leagtha amach ag an ionad - idir ranganna, cheardlanna, cheolchoirmeacha, thaispeántaisí rince comh-aimseartha agus thaispeántaisí ealaíona - a chuireann an ionad ealaíona seo i gceart lár saol ealaíona Ghaeltacht Mhúscraí. Is é trí mheán na Gaeilge a reáchtáiltear na himeachtaí go léir san Ionad.

Is féidir gach eolais ar imeachaí an ionaid a fhaíl ag www.ionadculturtha.ie

Tuilleadh Eolais
Seoladh: Ionad Cultúrtha, Baile Mhúirne, Co Chorcaí
Teileafón: 00 353 (0)26 45733
Suíomh Idirlín: www.ionadculturtha.ie
Ríomhphost:ionadculturtha@eircom.net

Arás Éanna, Inis Oirr
Ionad Ealaíne in Inis Oirr is ea Áras Éanna. Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thiosluaite.

Scailpeacha le Hardy Langer
Bhí Hardy Langer ina “EalaíontóirCónaitheach” in Inis Oírr i rith na bliana 2010.(Ina chuid saothair) Bíonn an t-ábhar turasóireachtafaoi scáthchulaith bhalla cloiche aige ionas gombíonn doiléire de chineál sa ...
03 Meitheamh 11 19:30 to 30 Jun 11 21:00 –

CEOLCHOIRM/CONCERT: “PADDY KEENAN & JAMES RILEY”
Ceolchoirm le Paddy Keenan agus James Riley Is é Paddy Keenan an píobaire is fearr i meascphíobairí uillinn an domhain. Beidh tionlacan aigesa cheolchoirm seo in Áras Éanna ón máistir ar anngiotár, James ...
04 Meitheamh 11 19:30 to 04 Jun 11 21:00 –

CEOLCHOIRM/CONCERT: “MICHELLE BURKE & ALAN KELLY”
Ceolchoirm le Michelle Burke & Alan Kelly. Tá fáilte in Áras Éanna roimh an amhránaí iontachMichelle Burke (a bhíodh le Cherish the Ladies)agus an boscadóir as Ros Comáin, Alan Kelly, átionlacan ar an gcairdín ...
05 Meitheamh 11 19:30 to 05 Jun 11 21:00 -
RÍONACH UÍ ÓGÁIN, BÉALOIDEAS UCD “INIS OÍRR TORADH NA HOIBRE”
Seo Léacht ar ábhar a bailíodh in Inis Oírratá anois i gCnuasach Bhéaloideas Éireannsa gColáiste Ollscoile, Baile Átha Cliath –grianghraif, ábhar fuaime agus scríbhinní.Bhí Leo Corduff agus Ciarán Bairéad ar ...
10 Meitheamh 11 19:30 to 10 Jun 11 21:00

FÉILE AN PHATRÚIN – PATRON FESTIVAL
Féile an Phátrún – Huicéirí Chonamara istigh – 11/12 Meitheamh Is í Féile an Phátrúin, in onóir Naomh Caomhán, pátrún an oileáin, an fhéile isseanbhunaithe in Inis Oírr.
11 Jun 11 19:00 to 12 Jun 11 21:00 -

“GALWAY GIRL” DRÁMA LE TRUE WEST & CORA FENTON
“Galway Girl” dráma le True West & Cora Fenton Scríbhneoir / Written by: Geraldine AronAisteoir / Starring: Cora Fenton.Léitheoireacht
18 Meitheamh 11 19:30 to 18 Jun 11 21:00

CEOLCHOIRM/CONCERT: “TYRRELL /GLACKIN/BROWNE”
Ceolchoirm le Seán Tyrell, K Glackin, Rónán Browne. Beidh seoladh faoin triúr cumasach spreagúil seo,TyrrellGlackinBrowne, leis an seó speisialta trínadtugtar le chéile na hamhráin a chum Tyrell féin.
19 Meitheamh 11 19:30 to 19 Jun 11 21:00

FÉILE NA MBODHRÁN – “CRAICEANN”
Féile na mBodhrán – “Craiceann” Coinnigh istigh na gabhair! Coinnigh istighan chlann iníon!Is cúis áthais d’Ionad Ealaíne ÁrasÉanna bheith ceangailte leis an bhféilebodhránaíochta “Craiceann” a ...
20 Meitheamh 11 19:00 to 24 Jun 11 21:00

CEOLCHOIRM/CONCERT: “BEOGA”
Ceolchoirm le Beoga Scanróidís thú, aclaíocht don chluais, nímóide go bhfuil sé sábháilte.Tá Beoga chun tosaigh ar an stíl nuaÉireannach. “Simply thrilling, an auditory high-wire actwithout a ...
21 Meitheamh 11 19:30 to 21 Jun 11 21:00 -

CEOLCHOIRM/CONCERT: “FIDIL”
Ceolchoirm le Fidil Ceol Dhún na nGall ar an bhfidil a bhíonnag “Fidil”. Tá beirt a bhuaigh gradam ceoildo cheoltóirí óga, Aidan O’Donnell agusCiarán Ó Maonaigh,
22 Meitheamh 11 19:30 to 22 Jun 11 21:00 -

CEOL/MUSIC: “DJ’S ALLE FARBEN & WISEACRE”
Seo é an chéad uair ag Alle Farben, as Berlin, agusDJ Wiseacre as L.A. ag casadh in Ionad Ealaíne ÁrasÉanna. Ticéid teoranta, cuir do thicéad in áirithe goluath ag www.araseanna.ie.
At Áras Éanna from 24 Jun 11 19:30 to 24 Jun 11 21:00 - Ceol / Music - Details
Gareth Kennedy-Fórsheomra-Front room Áras Éanna Suiteála Ealaíne
01 Iúil 11 08:00 to 31 Jul 11 21:00

“Aran of the Saints” Fuaimrian Beo / Live Sountrack
Féile Scannánaíochta Árainn – 1/3 IúilSUPER8 SHOTS ÁRANN: FÉILE SCANNÁN ÁRANN 8MM Ceoltóirí / Musicians:Micheál Ó hAlmhain • Caitríona Ní Almhain • Dara Ó Conaola •Deirdre Ní ChonghaileIs.
01 Iúil 11 19:00 to 07 Jul 11 21:00

SEÓ SAMHRAIDH INIS OÍRR
“Aran of the Saints” le ceol beo ar stáitse. SEÓ SAMHRAIDH INIS OÍRR“Slánú Inis Oírr” Scéal greannmhar faoi “Shlánú” Inis Oírr.
01 Iúil 11 19:30 to 31 Aug 11 21:00

SUPER8 SHOTS ÁRANN: FÉILE SCANNÁN ÁRANN 8MM
Féile Super8 Árainn Bí chugainn don chéad taispeáint phoiblí ar lón scannánaíochta8mm as Árainn agus Iarthar na hÉireann. Beidh saotharcomhaimseartha ann leis na ealaíontóir Gareth Kennedy.
02 Iúil 11 08:00 to 03 Jul 11 21:00

Seanstíl Éadaigh Inis Oírr
Oscailt Oifigiúl ar Taispeántas Tír & Taispeántas Éadaigh Thraidisiúnta Thugadh cuairteoirí ar Oileáin Árann suntas don bhealach a mbíodh na daoine gléasta.
08 Iúil 11 19:30 to 31 Aug 11 21:00

“LOVE & FURY - THE PASSION OF JONATHAN SWIFT” le David Heap.
Dráma “Hope and Passion” le David Heap. Oirfideach / Performer: David HeapSoprano: Michelle WagsjoCeoltóir /Musician: Mal WhyteDearthóir / Designer: Jeni RoddyLéiritheoir / Producer: Paul HayesSoilse / ...
09 Iúil 11 19:30 to 09 Jul 11 21:00

TÍR
Oscailt Oifigiúl ar Taispeántas “Tír” in Amharclann Halla na Cathrach Tógadh seisear físealaíontóirí tríd an togra seoóna bpobal dúchais féin – sa Ghaeltacht, snahOileáin Thiar in Albain agus i gceantracha eile ceilteacha.
15 Iúil 11 17:00 to 31 Aug 11 21:00

Tuilleadh Eolais
Teagmháil: Mairéad Ní Ghallchóir:
Ríomhphost :araseanna@eircom.net
Teileafón: +353 99 751 50
Facs: +353 99 75152
Seoladh: Áras Éanna, Ionad Ealaíona agus Pobal, Inis Oírr, Árann, Co Na Gaillimhe.

Gailearaí Joan Clancy, An Rinn, Co. Phort Láirge.
Bunaíodh Gailearaí Joan Clancy in 1999 sa Rinn i nGaeltacht Phort Láirge, 10 chiliméadar ó Dhún Garbhán. Tá stádas á bhaint amach aige de réir a chéile mar láthair ina mbíonn an fhísealaíon comhaimseartha Éireannach is deise ar thaispeáint. Tá Gailearaí Joan Clancy lonnaithe sa Rinn i nGaeltacht Phort Láirge



Tá bailiúchán iontach sa Gailearaí, ina measc saothair úrnua ó Arthur Maderson, Katarzyna Gajewska, Blawnin Clancy, Dave West, Andrea Jameson, Rayleen Clancy, John Cullinan, Mary Clancy agus ó bhuaiteoir IFTA Ross Stewart, a bhí mar Stiúrthóir Ealaíne ar an scannán ‘The Secret of Kells’, a ainmníodh I gcomhair Academy Award. Ní féidir na praghasanna a shárú agus is am iontach anois é chun saothar ealaíne a cheannach.“Is fiú go mór turas a thabhairt ar Thaispeántas na Cásca i Joan Clancy Gallery” arsa Con Power san Irish Arts Review.

Tá Joan Clancy Gallery lonnaithe sa Rinn in aice le Coláiste na Rinne.

Tuilleadh Eolas
Ríomhphost: info@joanclancygallery.com
Suíomh Idirlín:www.joanclancygallery.com
Teileafón: (058) 46205 nó 086 8134597
Seoladh : Gailearaí Joan Clancy Maoil a Choirne, An Rinn, Dún Garbhán, Co. Phort Láirge

An Cabaret Craicáilte, Gaoth Dobhair.

Gaoth Dóbhair – an 3ú Satharn de gach mí, de gnáth.


Tugann an Cabaret Craicáilte árdan do cheol comhaimseartha i nGaeilge agus cothaíonn siad réimsí nua ceoil agus siamsaíochta trí mheán na Gaeilge. Bíonn ceoltóirí aitheanta ag seinnt gach cineál ceol ann - rap, snagcheol, ceol domhanda, reggae, ceol traidisiúnta, rock-ceoil agus go leor eile. Bíonn greann, taibhléiriú, filíocht bheo agus go leor imeachtaí eile ar an gclár fosta Oíche chraiceáilte den scoth.

Tuilleadh Eolais
Teileafón: 087 2785593 nó 097 81079
Ríomhphost: Ronan.MacAodhaBhui@rte.ie
Suíomh Idirlín: www.craiceailte.com

Aos Cró -Oíche filíochta le Colm Breathnach

Domhnach 5ú Meitheamh @ 8.30in
Músaem Chorca Dhuibhne, Baile an Fheirtéaraigh, Co. Chiarraí.

An file Colm Breathnach curtha i láthair ag Aos Cró.

Cuirtear fáilte roimh baill den lucht éisteachta gur mhaith leo rud ar bith – prós nó filíocht, a saothar féinig nó saothar duine eile – a léamh i gcomhluadar cáirdiúil neamhfhoirméalta. Saorchead isteach agus braon fíona nó caife saor in aisce. Bí linn!

Ionad an Bhlascaoid, Dún Chaoin, Co. Chiarraí
Reáchtálann an tIonad imeachtaí ealaíona agus cultúrtha ó ham go chéile, mar aon leis imeachtaí oidhreachta. Téigh i dteagmháil leis an ionad chun eolas a fháil ar na himeachtaí atá ar siúl faoi láthair.

Tuilleadh Eolas
Teileafón: (066) 9151082 (066) 9156444
Ríomhphost:BLASCAOD@OPW.IE
Suíomh Idirlín: http://www.heritageireland.ie nó www.ceiliuradh.com

Aras Inis Ghluaire: Béal an Mhuirthead, Co Mhaigh Eo


Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fháil ag na sonraí teagmhála thíos.

10 Meitheamh, 8.00 i.n. Frankie Gavin agus De Danann

15 -24 Iúil: Féile Iorrais.
Féile a dhéanann ceiliúradh ar thraidisiún ceoil agus cultúir na tíre.

24 Iúil: Don’t dress for Dinner
Dráma spleodrach, grinn leis an Beezneez Theatre Company.

Tuilleadh Eolais
Teileafón: 097 – 81079
Seoladh: Áislann Bhéal an Mhuirthead , Belmullet, Co. Mayo.
Suíomh Idirlín: http://www.arasinisgluaire.ie/

Tráthnónta siamsaíochta san Ardchathair – Gael Linn

An aidhm atá leis na tráthnónta seo ná deis a thabhairt do lucht na Gaeilge san Ardchathair teacht le chéile tar éis lá oibre nó lá siopadóireachta, scaoileadh leis an trácht, deoch a ól, greim beag a bheith acu le n-ithe agus sult a bhaint as ceol den scoth!

Is in Amharclann Bewley’s, sa chaifé stairiúil ar Shráid Ghrafton, a bhíonn an chraic ar oícheanta Mháirt go míosúil ó 6p.m. go 8p.m. I measc na n-oirfideach a bhí linn go dtí seo bhí Jimmy Crowley, Cormac, Fionán agus Éamonn de Barra, Mac Dara Ó Conaola agus a chairde, Mick O’ Brien,Mark Kelly agus Niamh de Búrca, Tadhg Mac Dhonnagáin, Feargal Ó Murchú agus Conal Early ón seó Ragús, Seán Ó hÉanaigh agus baill den ghrúpa ‘Téada’, Oisín Mac Diarmada, Paul Finn agus Tristan Rosenstock.

Tá blaisíní bia deá-mhéine san áireamh sa táille iontrála €15 agus tá fáil ar tae, caifé agus deochanna ag an mbeár.

Le fáil amach cé hiad na ceoltóirí a bheidh linn an chéad mhí eile cliceáil ar Nuacht ar an leathanach baile, nó is féidir gach eolas a fháil ag an uimhir thíos.

Tuilleadh Eolais
Teileafón: 087-2547574
Ríomhphost: niamh@gael-linn.ie

Cló Ceardlann na gCnoc – Cúrsaí agus imeachtaí

Tionscnamh Samkura
Aibreán 2011-Mi na Nollaig 2012
Tionscnamh nua idir-náisiúnta do Ealeantóirí on Gaeltacht, an Gréig, Armenia, an t-Seoirsí agus an Phortaingéil ata ag tosnú i mi Aibreáin. Beidh se ag dhul ar aghaidh go dtí mi na Nollaig 2012. Is malartú idir-náisiúnta cónaithe atá ann agus beidh taispeántas mhór ar siúl tríd Samkura. Is é seo an chead togra mar seo in Éireann go deo. Le breis eolas dul go www.samkura.net

Taispeántas Ceardlainne - Togra Malartú
Iúil 2011
Thug an malartú nuálaíocht deis agus am do na healaíontóirí modhanna úra ealaíne a iniúchadh agus a fhiosrú agus is as a tháinig na saothair chumasacha agus spreagúla a fheictear romhainn. Beidh se an chead taispeántas sa ionad úr i Min an Lea. Ta an taispeántas seo ag ceiliúradh an chlár buan ealaíne agus cultúrtha idir Albain agus Eire sna blianta atá le teacht. Dátaí le teacht.

Cumann Eitseála
Gach De Céadaoin 2011
Ta cumann eitseáil ag dul ar aghaidh gach de Céadaoin do ealaíontóirí on gceantar. Ta fáilte ríomh daoine nua i gcónaí.

Tuilleadh Eolais
Teileafón: 074 9162800
Suíomh Idirlín: www.clo.ie

Saol na Gaeilge- le fáil beo ar an idirlíon anois.

Beidh athruithe suntasacha ar Saol na Gaeilge as seo amach. Níos mó idirghníomhaíochta agus páirt níos mó ag ár léitheoirí i gceist. Chuige sin léireofar deiseanna breise díbhse bheith i gcomhar linn i bplé, i dtuairimíocht agus i soláthar ábhar. Táimid ag dúil le heolas cuimsitheach a sholáthar faoi gach a bhaineann le saol na Gaeilge ‘ar an dtalamh’. Leithéidí ranganna, cúrsaí, ciorcail comhrá, grúpaí cuideachta agus cainte, imeachtaí éagsúla, idir chultúrtha agus shóisialta na Gaeilge, in Éirinn agus i gcéin. Fáilteofar, dá bhrí sin, le heolas uaibhse ag nuacht@saolnagaeilge.com

Beidh comórtais éagsúla i dteannta le buanduais de €200 le buachaint. Ach beidh na sheanchomrádaithe fós libh, Leathanach na bhFoghlaimeoirí, an crosfhocal, na hagallaimh, Aerscéalta, Léirithe Lárnacha, Saol na Gaeilge léirithe, thall agus abhus, le neart grianghraf. Beidh Saol na Gaeilge beo bríomhar agus i gcomharníos mó libhse - ár léitheoirí
Bígí linn agus Cláraigh ag www.gaeilge.ie/saol

Tuilleadh Eolais
Ríomhphost: eolas@saolnagaeilge.com
Suíomh Idirlín:www.gaeilge.ie/saol

Lab na Mainistreach, Sráid Eoin, An Daingean

An Lab, Sráid Eoin, An Daingean
Ionad Ealaíona na Gaeilge sa Daingean is ea An Lab atá lonnaithe in iar-lab eolaíochta sa Mhainistir, Sr. Eoin, An Daingean. Tá amharclann dea-chóirithe ann le seachtó suíocháin, seomraí le haghaidh taispeántaisí, insealbhaithe agus cruinnithe, chomh maith le spás le haghaidh cleachtaithe agus ceardlanna. Tá sé ar fáil le haghaidh imeachtaí cultúrtha a chuirtear i láthair tré mheán na gaeilge.
‘Sé an comhlucht cónaithe amharclannaíochta ann ná AnnÓg Ar Aghaidh, a léiríonn drámaí gaeilge agus a chuireann traenáil i scileanna amharclannaíochta ar fáil do dhaoine óga.

Tuilleadh Eolais
Teileafón: Áine ag 087/8546572
Ríomhphost: ainemoy@eircom.net
Suíomh idirlíon: www.anlab.ie . Bí linn ar Facebook – AnnÓg/An Lab

Culturlann Uí Channáín, Doire - Imeachtaí

Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thios.

8-12ú Meitheamh 2011: Scoil Samhraidh Cholm Cille

08 Meitheamh - 8pm Sheila Stewart, Lorcán Mac Mathúna, Daire Bracken & Kitty Seán Cunningham: £5.00

09 Meitheamh - 7pm Jake Bowers: "Romanipen"

10 Meitheamh - 8pm Pictiúrlann na Cultúrlainne (Eagrán Dúbailte): £5.00

11 Meitheamh - 8pm Seisiún Ceoil

Tuilleadh Eolais
Ríomhphost: eolas@culturlann-doire.ie
Teileafón: 02871264132
Suíomh Idirlín: www.culturlann-doire.ie
Seoladh: Cultúrlann Uí Chanáin, 37 Mórshráid Shéamais, Doire, BT48 7DF

Cumadóireacht chruthaitheach na Gaeilge le Pádraig Ó Ciobáin.

Ceiliúrtar cumadóireacht chruthaitheach na Gaeilge gach Máirt i Seanscoil Shailearna, Cois Fharraige, ar a leathuair tar éis a seacht istoíche. Tagann Scríbhneoirí Shailearna le chéile d'fhonn buille eile a chur innti .i. in iomramh curaigh i litríocht na comhaimsire. Fáilte roimh chách, mar nach neart go cur le chéile. Pádraig Ó Cíobháin an t-áisitheoir.

Tá teacht air ag: padraig.ociobhain@upcmail.ie

Comhdháil na bhFilí, Dhroim Ceatt

Radisson Hotel, Leim an Mhadaidh
12 Meitheamh, 2011. 7.30pm-9.30pm

Fiosróidh Comhdháil na bhFilí 2011 leagáid Cholmcille agus conas a d’fhabhraigh filíocht ársa, amhráin agus ceol sa traidisiún Gaelach. Bí páirteach sa cheiliúradh seo de scoth ealaín agus chultúr na gCeilteach ina mbeidh príomhfhilí, taibheoirí, ceoltóirí agus amhránaithe.

Gabhann ócáid na bliana seo spiorad na linne le filíocht, seanchas, ceol agus amhránaíocht ó Alba agus ó Éireann. Eagna fhiáin na seandaoine – scéalaíocht, finscéalaíocht agus filíocht arna spreagadh ag an Chailleach, taibhithe ag Aisteoir agus Seanchaí Nuala Hayes agus cláirseoir agus an cumadóir Anne-Marie O Farrell.

Oideas Gael, Gleann Cholm Cille

Cuireann Oideas Gael réimse leathan de chúrsaí cultúrtha agus teanga ar fáíl i rith an tsamhraidh. Siúl Sléibhe Péintéireacht Fharraige, ranganna ceoil (bodhrán, fliúit, cláirseach, srl), amhránaíocht & damhsa ar an sean-nós, grianghrafadóireacht dhigiteach, seandálaíocht agus go leor eile. Is féidir bróisiúir na bliana seo a íoslóadáíl ag http://www.oideas-gael.com/Oideas-Gael-2011-brochure.pdf

Tuilleadh Eolais
Teileafón: 074 97 30248
Suíomh Idirlín: www.oideas-gael.com
Ríomhphost: oideasgael@eircom.net

Scéalta ón Sagart
D’ainneoin gan a lán sna deontais anois, tá An Sagart beagán níos torthúla ná riamh. Sheolamar dhá leabhar le déanaí sa Díseart sa Daingean, ‘Anois Tacht an Eala: Filí Chorcaí Innti…,’ agus ‘Léachtaí Cholm Cille XLI Filí Innti go hIontach.’ Bhí Léachtaí Cholm Cille XLI seolta roimhe sin i Maigh Nuad agus bígí ag faire amach do sheoladh ‘Anois Tacht an Eala’ in Ollscoil na hÉireann Corcaigh sula fada. Tá an dá leabhar sin ar fáil sna siopaí maithe leabhar cheana féin. Is maith sin mar tá leabhar eile fós curtha ar fáil ag An Sagart, ach gan é seolta go hoifigiúil fós—Irisleabhar Mhá Nuad 2011. Tugann eagarthóir an Irisleabhair seo an comhfhreagras a bhí aige féin le michael davitt agus le Conchúr Ó Drisceoil maidir le cúpla dán dá chuid a bhí le foilsiú agus a foilsíodh in Innti, lena sheoladh sin sa West County Hotel agus leis an Aifreann ceiliúrtha i Séipéal Honan lárna mhárach. Tá an t-ádh le Corca Dhuibhne go léir mar go bhfuil ár scéal féin le foilsiú agus le léamh againn sa choicíseán slachtmhar saor ‘Corca Dhuibhne Beo’ atá á chur amach go rialta ag Lorcán agus Mossy le seoladh Westkerrynews@gmail.com. Tá 92 mac léinn ó Mheiriceá ag déanamh cúrsaí sa Díseart faoi láthair. Is mór an chomaoin atá á cur acu ar an mbaile agus ar an dúiche faoi láthair.


Tuilleadh Eolais
Ríomhphost: pof@diseart.ie

Ceili, Damhsa dhá lámh agus Damhsa Seite

Le Clement Gallagher

Gach Déardaoin @ 8.30
Halla Paróiste Chill Chartha

Bia agus deoch ar fáil
Fáilte roimh gach duine!

Tuilleadh eolais:
Ríomhphost: kilcar.fleadh@gmail.com
Suíomh Idirlín: http:/www.kilcaronline.com

Futa Fata - Nuacht

Lógó Nua Futa Fata
Tá Futa Fata an-bhrodúil as ár lógó nua a chruthaigh an t-ealaíontóir Steve Simpson dúinn. Sé Steve a rinne a maisiú ar leabhar Bhridget Bhreathnach “Lúlú agus an Oíche Ghlórach” agus tá sé gnóthach faoi láthair le “Cácá don Rí” leabhar nua ó Ailbhe Nic Giolla Bhrighde, leabhar a bheidh á fhoilsiú go luath ag Futa Fata. Leis an lógo a fheiceáil téigh go: www.futafata.com nó www.stevesimpson.com

Uachtar Reoite HB agus Siondróm Down
Tá an Samhradh buailte linn agus aimsir an uachtar reoite tagtha leis. Le cúpla blian anuas tá feachtas eagraithe ag Siondróm Down na hÉireann le tacaíocht ó HB Hazelbrook Farm chun airgead a bhailiú don charthanacht. Cóisirí atá i gceist le neart uachtar reoite agus go leor spraoi! Is féidir le daoine a gceann féin a eagrú le linn Mí an Mheitheamh, nó coinnigí súil amach do cheann a bhéas ar siúl i do cheantar fhéin. Le tuilleadh eolais féach an suíomh idirlín www.downsyndrome.ie. Má teastaíonn uait Siondróm Down a mhíniú do do pháiste, tá leabhar álainn foilsithe ag Futa Fata “Tá Siondróm Down ar Lára”. Pléann sé na ceisteanna ar fad a bhíonn ag páistí óga faoi daoine leis an Siondróm. Tá trí chóip don leabhar le tabhairt amach againn, níl uait ach ríomhphost a chur chugainn faoin ábhar “Siondróm Down” chuig eolas@futafata.com. Gheobhfaidh an chéad triúr iarrthóir cóip don leabhar álainn seo. Ná dean dearmad d’ainm agus do seoladh a thabhairt dúinn!

Beo Fest 2011
An mhí seo chaite thuirling na sluaite ar an gCeathrú Rua i gConamara don fhéile Beo Fest 2011. Seo é an dárna bhlian don fhéile a bheith ar siúl, le hairgead a bhailiú do Ospís na Gaillimhe agus Cancer Care West. Ghlac Futa Fata páirt sa bhFéile, ag cur siamsaíocht ar fáil do lucht féachána óg le leagan bríomhar den seó '' Gugalaí Gug Beofest''. Cé go bhfuil siad fós ag comhaireamh, measann Tony Óg Mitchell, a d’eagraigh Beo Fest i gcuimhne ar a thuismitheoirí Tony agus Agatha, go bhfuil €30,000 bailithe acu don dhá carthanach an-tábhachtach seo. www.beofest.ie / www.cancercarewest.ie

Tuilleadh Eolais
Seoladh: Futa Fata, An Spidéal, Co.na Gaillimhe
Teileafón: 091-504612
Ríomhphost: eolas@futafata.com
Suíomh Idirlín: www.futafata.com

Ranganna seite agus damhsa ar an sean-nós

Áras Chrónáin, Cluain Dolcáin.
Gach Aoine. 7.45 i.n.

Bíonn ranganna seite agus damhsa ar an sean-nós ar siúl gach oíche Aoine in Áras Chrónáin i mBaile Átha Cliath. Deis do muintir na cathrach cúpla steip a fhoghlaim! Is é Jim Monaghan an teagascóir.

Tuilleadh eolais:
Seoladh: Áras Crónáín, Ionad Cúlturtha, Bóthar na Goirte, Cluain Dolcáin, BÁC 22.
Teileafón: +353 (0) 1 4574847
Ríomhphost: idirlin@araschronain.com

Tionscnamh Lugh – Trad Tráthnóna agus ceolchoirmeacha

Ionad Cois Locha, Dún Luiche, Co Dhún na nGall

Cuireadh Tionscnamh Lugh ar bun in 1993 leis an cheol tradisiúnta a chur chun cinn sa Ghaeltacht. Bíonn clár iomlán ceoil a reachtáil ag Tionscnamh Lugh idir Trad Tráthnóna agus ceolchoirmeacha.

Tá clár ‘Trad Tráthnóna 2011’ fógraithe. Beidh na himeachtaí uilig ar siúl in Ionad Cois Locha, Dún Luiche, Co Dhún na nGall ag 8.30 i.n.

5 Iúil: Trad Tráthnóna - Crannóg
12 Iúil: Trad Tráthnóna - Aoife Ní Fhearraigh
19 Iúil: Trad Tráthnóna - Dermot Mc Laughlin/ Ciaran Tourish
26 Iúil: Trad Tráthnóna - Martin Hayes/ Denis Cahill
2 Lúnasa: Trad Tráthnóna - Emma Sweeney / Matt Griffin
9 Lúnasa: Trad Tráthnóna- Domnic Mac Giolla Bhríde
16 August: Trad Tráthnóna Le socrú
23 August: Trad Tráthnóna - Tríona Ní Dhomhnaill
30 August: Trad Tráthnóna- Mairtin O Connor/ Donal Lunny/Roisin Elsafty
Coirmceoil Concerts
12 Lúnasa: Donal Lunny/ Paddy Glackin

Tuilleadh eolais:
Teileafón: 086 6050110
Suíomh Idirlín: http://www.tlugh.com
Seoladh ; Tionscnamh Lugh, Tra an Chéidigh, Ailt an Chorrain, Co. Dhún na nGall, Ireland.

Coiscéím – Seoladh an leabhair ‘Uisce faoi Thalamh’ le Áine Ní Fhoghlú.

Caisleán an Leasa Mhóir, Lios Mór, Co. Phort Láirge

Déardaoin, 9ú Meitheamh, ar 8.00in.
Seolfaidh Máire Seosaimhín Breathnach, Oifigeach na Gaeilge, Comhairle Contae Phort Láirge An leabhar nua-fhoilsithe ‘Uisce Faoi Thalamh’ le Áine Ní Fhoghlú. Seo an dara úrscéilín ag an údar agus bhuaigh sé an chéad duais i gComórtas Litríochta an Oireachtais 2010 'Úrscéal don Fhoghlaimeoir Fásta'. Beidh an seoladh mar chuid de oscailt oifigiúil

Baineann an t-úrscéilín le hiriseoir óg as Loch Garman dárb ainm Ailí atá ar an mbád chun na Breataine Bige agus í ag dul chun freastal ar shochraid a carad. Agus iad amach ó Ros Láir, tagann uafás uirthi nuair a léimeann fear sa bhfarraige. Cailleann sé a fhón póca agus é ag léimt. Piocann Ailí suas an fón agus tosaíonn nádúr an iriseora ag obair inti nó go nochtann sí caimiléireacht agus uisce faoi thalamh ar scála mór.......ach tá duine éigin eile ag faire ar Ailí....!

Tuilleadh Eolais
Suíomh Idirlín: www.coisceim.ie

Féile Ceoil Ghaoth Dobhair

26 – 29 Lúnasa 2011.

Tá Féile Ceoil Ghaoth Dobhair a eagrú arís i mbliana le ceiliúir a dhéanamh ar an oidhreacht ceoil ollmhór atá i gceantar Ghaoth Dobhair. Tá clár de imeachtaí éagsúla a shocrú againn idir seisiún ceol traidisiúnta, bannaí máirseála, comórtas buscála, damhsa set srl., chomh maith le imeachtaí teaghlaigh agus ceardlainne ceoil do pháistí. Tá ceolchoirm fosta le Donal Lunny & Paddy Glackin chomh maith le seiminéir faoi dhúchas ceoil an cheantar le carlannaí ceol RTE Ian Lee .Tá có-oibriú mhór a thabhairt ag úinéirí óstain agus tithe tábhairne agus beidh ceol ar fail iontu uilig chun freastail ar gach blas ceoil. Is deis atá ann seo le aird a tharraingt ar an tallann mhór, agus an oidhreacht ceoil atá againn, chomh maith le turasóirí a mhealladh chun an cheantair.

Tuilleadh eolais:
Ríomhphost: loinneog@yahoo.ie

Léamh Litríochta. Dairena Ní Chinnéide agus Peadar Ó hUallaigh i gcomhluadar Rónán Ó Snodaigh

Bialinn Over the Brick, Beanntraí, Co. Chorcaí.

4 Iuil, 2011. 6.30 i.n
Oíche liteartha agus cheoil leis an mbanfhile as Corca Dhuibhne, Dairena Ní Chinnéide. Léifidh sí as a cnuasach filíochta agus curirfidh an ceoltóir iomráití, Rónán Ó Snodaigh ceol leis na bhfocail. Beidh léamh freisin leis an scribhneoir Peadar Ó hUallaigh. Léifidh sé óna shaothar Tír Tairngre. Bhuaidh an leabhar seo an 2010 Rupert and Eithne Strong Award. Is ceoltóir cumasach é Peadar agus seinnfidh sé an fliúit ag an ócáid.

Saor in aisce


Tuilleadh eolais:
Suíomh Idirlín: www.westcorkliteraryfestival.ie
Teileafón: 027 55987 / 52788

Féiltí

Féile Scannáin Faisnéise Ghuth Gafa

10 – 14 Meitheamh. Gort a Choirce, Thír Chonaill.

Féile idirnáisiúnta scannánaíochta a dhíríonn ar scannáin faisnéise. Eagraítear clár leathan de scannáin, léachtaí agus de sheimineáir agus taispeántar cuid de na scánáinn fáisnéise idirnáisiúnta is fearr atá ann.

Tá Clár na féile ar faíl ar PDF ag http://guthgafa.com/uploads/File/guthgafa2011_daybydayprogramme.pdf

Breis eolais
Ríomhphost: info@guthgafa.com
Teileafón: 074 9180730
Suíomh Idirlín: http://www.guthgafa.com/

Féile Iorrais

15 – 24 Iúil. Béal an Mhuirthead, Co Mhaigh Eo.

Féile idirnáisiúnta sna hEalaíona Tuaithe. Réimse leathan d’imeachtaí ealaíne agus ceoil. Grúpaí idirnáisiúnta, ceoltóirí áitiúla, dearc-ealaíon agus neart

Breis eolais
Ríomhphost: feileiorras@eircom.net
Suíomh Idirlín: http://www.feileiorras.org
Teileafón: 097-81079

Féile Ealaíne an Earagail

9 – 24 Iúil. Dún na nGall.

Féile ealaíne spleodrach, ilghnéitheach le gradam idirnáisiúnta atá ag fás gach bliain. Bíonn imeachtaí ealaíne de gach cineál eagraithe ar fud chontae Dhún na nGall, idir cheol, dhrámaíocht, thaispeántais físealaíne, shiamsaíocht agus go leor eile. Bíonn réimse leathan d’imeachtaí i nGaeilge ar siúl in ionaid éagsúla ar fud na Gaeltacha.

Breis eolais

Teileafón: 074 916 8800
Ríomhphost: info@eaf.ie
Suíomh Idirlín: www.eaf.ie

Seisiúin Thír Chonaill

An Clochán Liath, Co. Dhún na nGall

3ú – 5ú Meitheamh, 2011
Is Ceiliúradh í an fhéile seo ar an traidisiún a chothaigh ceoltóirí ar nós Neillidh Boyle, Danny o Donnell, Alex Murphy agus go leor eile.

I measc na n-imeachtaí, beidh: seisiún ceoil; comórtais ceoil; barbeque sráide ar an bpríomhshráid sa Chlochán Liath le ceoil agus craic; seisiún leis ‘The Perfect Mix; taispeántas lá iomlan na n-ealaíon agus ceardaíochta; ceochoirm sráide le Ceoltóirí Dhún na nGall (tá 25 ball sa ghrúpa seo); ceolchoirm le Ragús; Ceoil ar an bpríomhshraid leis na Henry Girls; agus go leor imeachtaí eile.

Ceardlanna le Rona Mc Laughlin – Concertina / bosca ceoil; Stephen Doherty – Fliúit; David Doocey – Fidil; Emma O’Sullivan damhsa ar an Sean nós

Breis eolais
Facebook:www.facebook.com/pages/Seisiun-Thir-Chonaill

Scoil Samhraidh Fidléireachta James Byrne

17 -23 Iúil. Gleann Cholm Cille, Co Dhún na nGall

Scoil cheoil agus féile cheoil thraidisiúnta a bhfuil oidhreacht shaibhir ceoil dheisceart Thír Chonaill mar fhoinse inspioráide aige. Ceolchoirmeacha, ranganna, ceardlanna agus seisiúin cheoil. Eagraíonn Ceol sa Ghleann an fhéile.

Breis eolais
Ríomhphost: info@ceolsaghleann.com
Suíomh Idirlín: www.ceolsaghleann.com
Teilefón: 087 2873576

Féile Litríochta Immrama i Lios Mór, Co. Phort Láirge.

9 -12 Meitheamh 2011.

Tá roinnt imeachtaí Gaeilge ar siúil mar chuid de fhéile litríochta Immrama.

Beidh an scríbhneoir agus ceoltóir cáiliúil Maidhc Dainín Ó Sé ar dhuine de na haoichainteoirí a bheidh ag teacht go dtí an Lios Mór, Co Phort Láirge i mbliana. Beidh seisiún 'Caint agus Comhrá' i gcomhluadar Mhaidhc Dainín idir a 11.00r.n. agus 2.00i.n.ar an Satharn, 14 Meitheamh 2007 - saorchead isteach agus fáilte roimh chách.
Ar an Aoine 10 Meitheamh, beidh ceardlanna filíochta dátheangacha leis an scríbhneoir Áine Ní Fhoghlú.ar bun agam do pháistí bunscoile sa Leabharlann Poiblí, An Lios Mór.

Breis eolais
Suíomh Idirlín: http://www.lismoreimmrama.com/
Teileafón: +353 58 54975
Faics: +353 58 53009
Ríomhphost: lismoreheritage@eircom.net

Scoil Samhraidh Cholm Cille

Cultúrlann Uí Channáín, Doire Cholmcille

8-12ú Meitheamh 2011

I measc na n-imeachtaí, tá:
• Scéalaíonaíocht leis na daoine deireanacha i líne fhada de bhéaloideas saibhir -Sheila Stewart agus Kitty Sean Cunningham agus iad i gcomhluadar na ceoltóirí Lorcan MacMathuna agus Daire Bracken;
• Léacht: le Jake Bowers (Romanipen);
• Scannáin - Ceol na bhfánaithe, in ómós do Pecker Dunne, Gypsy Caravan;
• Oíche shóisialta le ceol, amhránaíocht agus damhsa; filíocht, seanchas, ceol agus amhránaíocht ó Alba agus ó Éireann leis Nuala Hayes, Anne-Marie O'Farrell, Síle Denvir agus Griogair Labhruidh;
• Turas Bliantúil go Droimceatt agus Comhdháil na bhFilí
Agus go leor eile.

Breis eolais
Seoladh: Cultúrlann Uí Chanáin, 37 Mórshráid Shéamais, Doire, BT48 7DF
Teileafón: 02871264132
Ríomhphost: eolas@culturlann-doire.ie
Suíomh Idirlín: www.culturlann-doire.ie

Nascanna

Tá na suíomhanna idirlín seo a leanas úsáideach maidir le nuacht agus deiseanna eagsúla.

http://www.creativecareers.ie - Creative Careers

http://www.eurocult.org - European Cultural Foundation

http://www.kildare.ie/crookedhouse/forum

http://www.artscouncil.ie/irish/index.htm - An Chomhairle Ealaíon

http://www.artsmanagement.ie - Cúrsa Bainsitíocht Ealaíon & Polasaí Cultúrtha. Tá mórán eolais suimiúil faoin saol ealaíon in Éirinn le feiscint ann.

http://www.musicnetwork.ie - Suíomh acmhainneach maidir leis an gceol - deiseanna, camchuairteanna agus eolas ghinearálta maidir le cúrsaí ceoil sa tír.

http://www.forumformusic.ie - Forum don Cheol in Éirinn

http://www.visualartists.ie/ - Suíomh acmhainneach maidir leis na dearcealaíona

http://www.poetryireland.ie - Suíomh Éigse Éireann.

http://www.communityartsireland.com/ - Suíomh tacaíochta maidir le hEalaíon Pobal.

http://www.aoifeonline.com Suíomh tacaíochta maidir le heagrú féilte

http://www.cultureireland.gov.ie. Cur chun cinn na nealaíon thar lear agus comhpháirtíocht idirnáisúnta a chothú. Fógraítear deontais ceithre huaire in aghaidh na bliana. An chéad spriocdháta eile, 14 Lúnasa

http://www.business2arts.ie - eolas agus cúrsaí úsáideach maidir leis na healaíona agus gnó.

http://ec.europa.eu/grants/index_en.htm#cult suíomh achmhainneach maidir le deontais, cistí agus cláir an Aontais Eorpaigh