-

Nuacht

-

Deiseanna / Deontais

Imeachtaí Ealaíon

-

Cuir leis an liosta

-

Bain den liosta

-

Seol chuig cara

-

Teagmháil

-

Séanadh

Nuacht

Fáilte go nuachtlitir Ealaín na Gaeltachta

D’fhógair Ealaín na Gaeltachta Teo an Scéim Sparánachta sna healaíona, 2011/2012 le gairid. Tá iarratais á lorg don scéim seo atá dírithe ar thacaíocht a chur ar fáil d’ealaíontóirí bhforbairt a gceird. Is é an spriocdháta ná, Dé hAoine 11 Samhain 2011. Tuilleadh eolais maidir le foirm iarratais, critéar srl. ar fáil ó na hÁisitheoirí Ealaíon ag na seoltaí thíos:

Na Forbacha, Co. na Gaillimhe (091) 503 100 m.nidhroighneain@udaras.ie
An Daingean, Co. Chiarraí (066) 9150100 / (026) 45366 e.depaor@udaras.ie
Doirí Beaga, Co. Dhún na nGall (074)9560100 m.macaoidh@udaras.ie

Tá réimse leathan d’ imeachtaí agus de fheiltí ar siúl ar fud na Gaeltachta i rith mí Dheireadh Fómhair. Tá tuilleadh eolais fúthu uile ar fáil sa ríomhlitir. Lena hais sin, tá eolas faoina deiseanna éagsúla atá ar fáil d’ealaíontóirí agus d’eagraíochtaí ealaíne, idir dheontas, oiliúint, fholúntais agus eile.

Déan teagmháil linn ag ealain@udaras.ie má tá aon eolas breise i dtaobh scéimeanna & r.l. de dhíth nó má tá aon bhlúirín nuachta don gcéad r-nuachtlitir eile.

Ealaín na Gaeltachta	Scéim Sparánachta sna healaíona. Cuirtear fáilte roimh ealaíontóirí iarratas a dhéanamh ar Sparánacht sna healaíona 2011. Tá sé i gceist trín scéim seo deis a chur ar fáil don ealaíontóir, am a chur ar leataobh le forbairt ealaíona a bhaint amach. Cé go mbeidh deis ann obair nua a bheith cruthaithe níl sé seo mar choinníoll scéime. Bronnfar dámhachtain bunaithe ar an gcaighdeán ealaíona atá léirithe agus ar an luach cultúrtha a bhaineann leis, seachas ar aon chúis eile. Scéim atá dírithe ar thacaíocht a chur ar fáil d’ealaíontóirí bhforbairt a gceird Tuilleadh eolais maidir le foirm iarratais, critéar srl. ar fáil ó na hÁisitheoirí Ealaíon sna réigiúin. Na Forbacha, Co. na Gaillimhe (091) 503 100 m.nidhroighneain@udaras.ie An Daingean, Co. Chiarraí (066) 9150100 / (026) 45366 e.depaor@udaras.ie Doirí Beaga, Co. Dhún na nGall (074)9560100 m.macaoidh@udaras.ie
Spriocdháta	11 Samhain, 2011.
Eolas	Suíomh Idirlín: www.ealain.ie

Seimineáir

Oiliúint

Ionad Cultúrtha, Baile Mhúirne, Co Chorcaí
Is é aidhm Ionad Cultúrtha Baile Mhúirne ná na healaíona d'árd chaighdeán a chur chun chinn agus suim sna h-ealaíon a mhúscailt i measc an phobail. Chuige san, tá clár dúshlánach leagtha amach ag an ionad - idir ranganna, cheardlanna, cheolchoirmeacha, thaispeántaisí rince comh-aimseartha agus thaispeántaisí ealaíona - a chuireann an ionad ealaíona seo i gceart lár saol ealaíona Ghaeltacht Mhúscraí. Is é trí mheán na Gaeilge a reáchtáiltear na himeachtaí go léir san Ionad.

Is féidir gach eolais ar imeachaí an ionaid a fhaíl ag www.ionadculturtha.ie


11.11.11
Ceolchoirm Traidisiúnta - Danny O’Mahony le Cyril O’Donoghue, Patsy Broderick agus Johnny Ringo Mac Donagh.

25.11.11 - Ceiliúradh Oireachtas na Samhna 2011

09.12.11
Ceolchoirm Traidisiúnta - Máirtín O’Connor, Cathal Hayden agus Seamie O’Dowd.

17.12.11 & 18.12.11
Ceadal Piano - Daltaí Ailín Ní Fhlannagáin

20.12.11
Ceolchoirm Deireadh na Bliana
Daltaí na múinteoirí ceoil, rince agus amhránaíochta. Ceolchoirm seo ar siúl i Halla Chúil 17.9.11 - 17.10.11

1.12.11 – 19.12.11
Loinnir
Taispeántas le Ealaíontóirí Mhúscraí

Tuilleadh Eolais
Seoladh: Ionad Cultúrtha, Baile Mhúirne, Co Chorcaí
Teileafón: 00 353 (0)26 45733
Suíomh Idirlín: www.ionadculturtha.ie
Ríomhphost:ionadculturtha@eircom.net

Arás Éanna, Inis Oirr
Ionad Ealaíne in Inis Oirr is ea Áras Éanna. Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thiosluaite.

Tuilleadh Eolais
Teagmháil: Mairéad Ní Ghallchóir:
Ríomhphost :araseanna@eircom.net
Teileafón: +353 99 751 50
Facs: +353 99 75152
Seoladh: Áras Éanna, Ionad Ealaíona agus Pobal, Inis Oírr, Árann, Co Na Gaillimhe.

Gailearaí Joan Clancy, An Rinn, Co. Phort Láirge.
Bunaíodh Gailearaí Joan Clancy in 1999 sa Rinn i nGaeltacht Phort Láirge, 10 chiliméadar ó Dhún Garbhán. Tá stádas á bhaint amach aige de réir a chéile mar láthair ina mbíonn an fhísealaíon comhaimseartha Éireannach is deise ar thaispeáint. Tá Gailearaí Joan Clancy lonnaithe sa Rinn i nGaeltacht Phort Láirge.

Tuilleadh Eolas
Ríomhphost: info@joanclancygallery.com
Suíomh Idirlín:www.joanclancygallery.com
Teileafón: (058) 46205 nó 086 8134597
Seoladh : Gailearaí Joan Clancy Maoil a Choirne, An Rinn, Dún Garbhán, Co. Phort Láirge

An Cabaret Craicáilte, Gaoth Dobhair.

Gaoth Dóbhair – an 3ú Satharn de gach mí, de gnáth.
Tugann an Cabaret Craicáilte árdan do cheol comhaimseartha i nGaeilge agus cothaíonn siad réimsí nua ceoil agus siamsaíochta trí mheán na Gaeilge. Bíonn ceoltóirí aitheanta ag seinnt gach cineál ceol ann - rap, snagcheol, ceol domhanda, reggae, ceol traidisiúnta, rock-ceoil agus go leor eile. Bíonn greann, taibhléiriú, filíocht bheo agus go leor imeachtaí eile ar an gclár fosta Oíche chraiceáilte den scoth.

Tuilleadh Eolais
Teileafón: 087 2785593 nó 097 81079
Ríomhphost: Ronan.MacAodhaBhui@rte.ie
Suíomh Idirlín: www.craiceailte.com

Gigeanna Ceoil le Breandán Ó hEaghra.

Roinnt ceolchoirmeacha leis an albam nua le Breandán a chur in aithne!

Dé hAoine 11ú Samhain, Club Chonradh Bhaile Átha Cliath
Dé Sathairn 26ú Samhain, Tigh Hiúdaí Beag, Club Craiceáilte.

Tuilleadh Eolais
Ríomhphost: breandan.oheaghra@galwaycity.ie

Ceardlanna do scríbhneoirí Gaeilge á n-eagrú ag Cló Iar-Chonnacht

Beidh na ceardlanna seo dírithe den chuid is mó ar scríbhneoirí óga/nua nach bhfuil aon leabhar foilsithe fós acu ach a léiríonn cumas scríbhneoireachta. Tabharfar áit ar na ceardlanna freisin áfach do dhornán scríbhneoirí aitheanta, rud a rachaidh chun leasa na scríbhneoirí óga agus na scríbhneoirí aitheanta araon. Tugtar cuireadh do scríbhneoirí ar mhaith leo a bheith páirteach i gceann de na ceardlanna sampla dá saothar: gearrscéal, cúig nó sé de dhánta nó mír ghearr as úrscéal (úrscéalta do dhéagóirí san áireamh) a sheoladh chuig Eagarthóir Cúnta CIC, Áine Ní Cholchúin ag an seoladh thíos roimh na spriocdhátaí atá luaite leis na hionaid éagsúla.

Roghnófar na saothair is feiliúnaí agus déanfar iad a phlé agus a mheas ag na ceardlanna. Seolfar saothar gach scríbhneora chuig gach iarrthóir (a bheidh ag freastal ar an gceardlann áirithe) roimh ré ionas go mbeidh deis acu iad a léamh. Tríd an modh oibre seo beidh na hiarrthóirí ar fad in ann páirt ghníomhach a ghlacadh sna ceardlanna, agus foghlaim ó laigí agus ó bhuanna shaothar a chéile. Beidh áit do dheichniúr ar gach ceardlann. Níl aon táille i gceist do na ceardlanna seo ach beidh iarrthóirí freagrach as a gcuid costas taistil féin agus lóistín sa chás go mbeadh a leithéid i gceist.

Ceardlann na Gaillimhe

Á heagrú i gcomhar le Comhaltas na Mac Léinn, OÉ Gaillimh
Ionad: Coláiste na hOllscoile, Gaillimh
Dáta: Dé hAoine, 11 Samhain, 2011
Stiúrthóirí na Ceardlainne: Micheál Ó Conghaile agus Pádraig Ó Cíobháin
Spriocdháta d’iarratais: 28 Deireadh Fómhair, 2011

Ceardlann Bhéal Feirste

Ionad: Ollscoil na Banríona, Béal Feirste.
Dáta: Dé Sathairn, 19 Samhain, 2011
Stiúrthóirí na Ceardlainne: Micheál Ó Conghaile agus Gearóid Mac Lochlainn
Spriocdháta d’iarratais: 4 Samhain, 2011

Tuilleadh Eolais
Teileafón: (091) 593307
Facs: (091) 593362
Seoladh: Áine Ní Cholchúin nó Micheál Ó Conghaile
Cló Iar-Chonnacht, Indreabhán, Conamara, Co. na Gaillimhe
Ríomhphost: aine@cic.ie

Ionad an Bhlascaoid, Dún Chaoin, Co. Chiarraí
Reáchtálann an tIonad imeachtaí ealaíona agus cultúrtha ó ham go chéile, mar aon leis imeachtaí oidhreachta. Téigh i dteagmháil leis an ionad chun eolas a fháil ar na himeachtaí atá ar siúl faoi láthair.

Tuilleadh Eolas
Teileafón: (066) 9151082 (066) 9156444
Ríomhphost:BLASCAOD@OPW.IE
Suíomh Idirlín: http://www.heritageireland.ie nó www.ceiliuradh.com

Aras Inis Ghluaire: Béal an Mhuirthead, Co Mhaigh Eo


Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fháil ag na sonraí teagmhála thíos.

Taispeántas
Seolfar taispeántas le Kristian Olsen aaju dár teideal ‘IIulissat Marluk Akornanni’ (Between Two Icebergs) in Áras Inis Gluaire ar an Aoine 3 Samhain ag 8.00pm. Ó 1973, nuair a sheoladh an chéad taispeántas aonréid leis, tá an iliomad taispeántas curtha ar siúl ag Aaju - sa Ghraonlainn, sa Danmhairg san Iorua, sa tSualainn, sa Ghearmháin agus i dtíortha nach iad. Seo é an chéad taispeántas dá chuid in Éirinn. Tá an taispeántas a chur i láthair i gcomhchaidreamh le Kalaalit Nunaannut Atassuteqaat (The Greenland Connection). Fáilte roimh chách.

Ranganna Ceoil Gheimhridh

Beidh ranganna ceoil ar siúl gach Céadaoin i rith an geimhridh. Beidh teagasc den scoth le fáil sa giotár, méarchlár, fidil, feadóg agus sa cairdín. Beidh na ranganna ar siúl ó 7pm – 8pm do thosaitheoirí agus ó 8pm – 9pm do iar-dhaltaí. Beidh ranganna canadh tradisiúnta ar siúl freisin, ó 7pm- 8.

Cineclub na n-óg

Beidh Cineclub ar siúl ar an Satharn 5 Samhain ag 1.00 p.m. Club scannán sóisearach do pháistí idir 5 agus 12 bliain d’aois is ea Cineclub na nÓg. Sé an aidhm atá ag an gclub seo ná léirthuiscint do scannáin a chothú i measc páistí óga i slí atá spraíúil agus oideachasúil. Beidh siad in ann taitneamh a bhaint as scannáin san amharclann úrscothach, Áras Inis Gluaire agus tar éis sin beidh caint agus comhrá dhátheangach ar siúl, le héascaitheoir, i dtaobh an scannáin agus beidh seans ag na paistí pictiúir a tharraingt agus dathú a dhéanamh. Beidh na páistí faoi stiúir an t-am ar fad. Deis iontach é seo do ghasúir óga a gcuid tuairimí a nochtadh as Gaeilge agus as Béarla taobh amuigh don scoil i slí neamhfhoirmiúil sultmhar. Caithfear páisti a bhailliú ag 3.30 p.m. Cead isteach €10 gach páiste ach tá lascaine clainne de 15% ar fáil. Ta sé tábhachtach go mbeadh páistí cláraithe linn roimh an Deardaoin, 3 Samhain. Ríomhphoist Lisa ag l.padden@arasinisgluaire.ie nó glaoigh ar 097 81079.

Club Scannán Iorrais

Tá Club Scannán Iorrais faoi shiúl anois! Tar éis tinreamh iontach ag an gcéad agus dara scannán beidh an chéad ceann eile ar siúl Dé Máirt 1 Samhain is ea Jigs and Reels. Beidh sólaistí ar fáil agus beidh fáilte roimh chách agus a dtuairimí. Na déan dearmad! Dé Mairt 1 Samhain, 7.00pm

Scoil Damhsa Redmond

Tá Scoil Damhsa Ghaelaigh Redmond ar ais linn arís i mbliana, agus beidh sé ar siúl gach Máirt ó 3.00 pm – 5.00 pm.

Yoga le Lucy

Tá ranganna yoga ar siúl in Áras Inis Gluaire, Béal an Mhuirthead, gach Deardaoin ó 7.30 p.m. go dtí 9.15 p.m. €10 gach rang. Tá ranganna bunleibhéil ar siúl freisin gach Máirt ó 7.30 p.m go dtí 8.45 p.m. Deonuithe ar fáil. Tabhair mata leat. Tuilleadh eolais 097 81205 nó logáil isteach ar www.looseyoga.com

Áras Inis Gluaire – Tionscnamh Pobail do Fhir

Do fhir os cionn 55 : Ag tosú ar an Déardaoin 27 Deireadh Fómhair ó 2.00pm go 4.00pm táimid ag tairiscint cumaisc “Swim agus Gym” in Ionad Fóillíochta Éalú in Ostán an Broadhaven Bay. Beidh teagasc snámha ar fáil ar feadh uair a’ chloig agus tar éis sin beidh aclaíocht sa gym faoi stiúradh feitheóra ar feadh uair a ’chloig eile. €10 an costas ata ar seisiún nó €70 don cúrsa ina iomlán. Is gá áit a chur in áirithe. Tuilleadh eolais ó Lorraine 097 81079.

“Siar an Bóthar”

Táthar fós ag lorg saorálaithe don clár “Siar an Bóthar” atá ar siúl go rialta ar Iorras FM. Seo clár a bhíonn ag dearcadh siar ar stair na háite agus ag trácht ar an am atá thart. Mas maith leat bheith páirteach sa chlár seo cuir glaoch ar Tony nó Lorraine 097 81079


Tuilleadh Eolais
Teileafón: 097 – 81079
Seoladh: Áislann Bhéal an Mhuirthead , Belmullet, Co. Mayo.
Suíomh Idirlín: http://www.arasinisgluaire.ie/
Facebook: www.facebook.com/ArasInisGluaire

Cuisle, Tír Chonaill – Deis cuairt a thabhairt ar ealaíontóirí agus ceardaithe agus iad i mbun oibre.

Beidh na healaíontóir agus ceardaithe ón grúpa Cuisle ag obair ina gcuid stiúideonna agus ceardlann i gcaitheamh na míosa. Is féidir cuairt a thabhairt orthu agus foghlaim faoina gcuid ceirde agus na próiseas oibre.

Tuilleadh Eolais
Teileafón: Nora ag 087 939 2494
Suíomh Idirlín: http://www.cuisle.net

Ranganna damhsa ar an sean nós

Ionad: Campbell’s Tavern,
Cloughanover, Áth Cinn, Gaillimh

Gasúir: 7.45 - 8.30
Daoine fásta: 8.45 - 9.45

Costas: gasúir €30 / Daoine Fásta: €50

Data tosaigh: 21ú Mean Fómhair, 2011 ar feadh 6 seachtaine


Tuilleadh Eolais
Teileafón: Marian ag 086 8533397

Le Grá – Stiúideo agus Gailearaí, Baile an Chláir, Co na Gaillimhe.

Ionad Siopadóireachta Bhaile an Chláir.

Saothar le healaíontóirí, dearthóirí agus ceardaithe as Contae na Gaillimhe. Cuirtear ceardlanna ar fáil don phobal chomh maith leis ranganna ealaíona. Grianghrafadóireacht, ceirmeach teicstíle, adhmadóireacht, priontáil, ealaíon gloine, gallúnach, seodóireacht agus go leor ceirdeanna eile ar díol san ionad.
Tá an Gailearaí agus an Siopa ar oscailt ón Luain go hAoine 10.00 go 15.00.


Tuilleadh Eolais
Teileafón: Ester Kiely ag 087 6193870
Suíomh Idirlín: www.legracraftstudioandgallery.blogspot.com

Cló Ceardlann na gCnoc – Cúrsaí agus imeachtaí

Tionscnamh Samkura
Go Mi na Nollaig 2012
Tionscnamh nua idir-náisiúnta do Ealeantóirí on Gaeltacht, an Gréig, Armenia, an t-Seoirsí agus an Phortaingéil ata ag tosnú i mi Aibreáin. Beidh se ag dhul ar aghaidh go dtí mi na Nollaig 2012. Is malartú idir-náisiúnta cónaithe atá ann agus beidh taispeántas mhór ar siúl tríd Samkura. Is é seo an chead togra mar seo in Éireann go deo. Le breis eolas dul go www.samkura.net

Cumann Eitseála
Gach De Céadaoin 2011
Ta cumann eitseáil ag dul ar aghaidh gach de Céadaoin do ealaíontóirí on gceantar. Ta fáilte ríomh daoine nua i gcónaí.

Tuilleadh Eolais
Teileafón: 074 9162800
Suíomh Idirlín: www.clo.ie

Lab na Mainistreach, Sráid Eoin, An Daingean

An Lab, Sráid Eoin, An Daingean

Ionad Ealaíona na Gaeilge sa Daingean is ea An Lab. Tá amharclann dea-chóirithe ann le seachtó suíocháin, seomraí le haghaidh taispeántaisí, insealbhaithe agus cruinnithe, chomh maith le spás le haghaidh cleachtaithe agus ceardlanna. Tá sé ar fáil le haghaidh imeachtaí cultúrtha a chuirtear i láthair tré mheán na Gaeilge.‘Sé an comhlacht cónaithe amharclannaíochta ann ná AnnÓg Ar Aghaidh, a léiríonn drámaí Gaeilge agus a chuireann traenáil i scileanna amharclannaíochta ar fáil do dhaoine óga.

Is féidir eolas a fháil ar chlár na n-imeachtaí ar an suíomh idirlín.

Tuilleadh Eolais
Teileafón: Áine ag 087/8546572
Ríomhphost: ainemoy@eircom.net
Suíomh idirlíon: www.anlab.ie . Bí linn ar Facebook – AnnÓg/An Lab

Culturlann Uí Channáín, Doire - Imeachtaí

Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thios.

Féile na Samhna
31 Deireadh Fómhair An Lá go léir.
Bí páirteach i spiorad na Samhna ag Cultúrlann Uí Chanáin le seanchaithe ag reacaireacht scéalta, miotais agus finscéalta. Beidh péintéireacht aghaidhe ar fáil do na páistí agus beidh fáilte roimh bréigéidí. Cead isteach £2

Rua Mac Millan Trio, Damien O'Kane, Gerard Thompson & John Joe Kelly,
25 Samhna. 8.00 i.n.
Ligean: £10.00

Tuilleadh Eolais
Ríomhphost: eolas@culturlann-doire.ie
Teileafón: 02871264132
Suíomh Idirlín: www.culturlann-doire.ie
Seoladh: Cultúrlann Uí Chanáin, 37 Mórshráid Shéamais, Doire, BT48 7DF

Oideas Gael, Gleann Cholm Cille

Cuireann Oideas Gael réimse leathan de chúrsaí cultúrtha agus teanga ar fáil i rith an tsamhraidh. Siúl Sléibhe Péintéireacht Fharraige, ranganna ceoil (bodhrán, fliúit, cláirseach, srl), amhránaíocht & damhsa ar an sean-nós, grianghrafadóireacht dhigiteach, seandálaíocht agus go leor eile.

Imeachtaí san ionad le fáil ag www.oideas-gael.com

Tuilleadh Eolais
Teileafón 074 97 30248
Suíomh Idirlín: www.oideas-gael.com
Ríomhphost: oideasgael@eircom.net

Le Chéile” - Taispeántas Ealaíne.

Tá taispeántas tábhachtach den tionscnamh “Le Chéile” ar siúl in Oriel Yns Mon, Llangefni, Anglesey, i dtuaisceart na Breataine Bige go dtí an Domhnach, 6ú Samhain.

Is comhoibriú leanúnach é “Le Chéile” a thugann déantóirí priontaí ó Stiúideo Déanamh Priontaí Laighean, (L.P.S. www.leinsterprintstudio.com) Claonadh, Contae Chill Dara agus ón Ionad Réigiúnach Priontála, Coláiste Yale, Wrecsam, le chéile. Tá na healaíontóirí, ag freagairt ar bhealach comhoibritheach do na héagsúlachtaí agus do na cónaisc idir an Bhreatain Bheag agus Éirinn. Nuair a thosaigh an tionscnamh i 2006 tháinig téamaí ar nós talamh, teanga agus dúchas chun cinn mar thús-phointí. Malartaíodh an obair, agus malartaítear fós í tríd an bpost nó trí ríomhphost, i leabhair nótaí nó mar chéad profaí, nó i gcásanna áirithe, trí na bunphlátaí a mhalartú. Cruthaíodh móiminteam atá mall ach seasmhach. Léiríonn an taispeántas in Oriel Ynys Mon, a osclaíodh ar an Satharn 24ú Meán Fómhair ag 12.00 meán lae, an obair go dtí seo.

Tá tacaíocht airgeadais faighte ag an LPS ó Chultúr Éireann chun an taispeántas a thabhairt go dtí an Bhreatain Bheag.

Tá suíomh tiomnaithe ag Le Chéile a thugann cuntas ar amlíne an tionscnaimh agus ar na healaíontóirí atá bainteach leis: : www.lecheileprintproject.blogspot.com



Tuilleadh Eolais
Teileafón: 0876616863
Ríomhphost: pameladebri@gmail.com
Suíomh idirlín: www.lecheileprintproject.blogspot.com

Séasúr nua Scannán sa Seanscoil, Indreabhán

Le linn an Fhómhair beidh séasúr scannán idirnáisiúnta den scoth i dteangacha éagsúla á thaispeáint ag Club Scannán Sailearna sa Seanscoil in Indreabhán. Chomh maith le scannáin nua déanta ón Fhrainc, ón Spáin, ón Ailgéir agus ón tSualann taispeánfar an scannán iontach clasaiceach, Padre Padrone (1977).

Tosnaíonn an séasúr nua scannán ar an gcéad Chéadaoin de Dheire Fómhair (5ú lá) i Seanscoil Sailearna ag 8.15pm, leis an scannán Francach "My Afternoons with Marguerite" ina bhfuil an aisteoir cáiliúl Gérard Depardieu sa phríomh páirt. Céadaoin ina dhiaidh (12ú lá) taispeánfar “The Girl who Kicked the Hornets' Nest”, scannán ón tSualann, bunaithe ar an tríú leabhar de chuid Stieg Larsson den ainm chéanna.

Seo leanas an clár iomlán don séasúr:

09 Samhain: “Biutiful” (An Spáinn);
16 Samhain: “Outside the Law” (Ailgéir);
23 Samhain: “Padre Padrone” (An Iodáil);
30 Samhain: “Little White Lies” (An Fhrainc).

Sé Club Scannán Sailearna, atá cláraithe leis an eagraíocht náisiúnta Access Cinema, a eagraíonn an séasúr scannán. Le ceithre bhliain anuas tá an club scannán ag cur scoth scannán ó thíortha éagsúla ar fud ar domhain ar fail do lucht féachana i gceantar Chois Fharraige i nGaeltacht Chonamara.

Is féidir le daoine ballraíocht sa chlub scannán a thógáil amach don séasúr
ar €25 (€20), a thugann cead isteach do gach scannán ar an gclár, nó is féidir €7 (€6) a íoc ag an doras ar an oíche.

Tá níos mó eolais faoina scannáin le fáil ar an suíomh www.clubscannan.ie nó is féidir cóip den bróiséar a fháil ón nasc seo a leanas:
http://www.clubscannan.ie/priontailte/ClubScannan-SeasurAnFhomhair2011-isealtaifigh.pdf

Ar an gCarraig / Ócáidí teanga – Éigse Éireann agus The Market Café
Cuireann The Market Café, i gcomhpháirtíocht le hÉigse Éireann, sraith nua de oícheanta filíochta ar siúl sa chaife i rith an Fhómhair. Cuirfear béile blasta, filíocht agus ceol i láthair. €15 an táille.


Dé hAoine 25 Samhain, 7:30pm: an file, Micheál Ó hUanacháin & an fidléir Máire Bhreathnach

Dé hAoine 16 Nollaig, 7:30pm: an file Declan Collinge & Aoife O'Connor ar an gconcertín.

Tuilleadh eolais:
Teileafón: 086 3151786
Ríomhphost: blackrockmarketcafe@gmail.com

Ceolchoirm leis An Raw Bar Collective – Dún Garbháin, Co. Phort Láirge.

Halla Cúil na Sméar sna Comaraigh gar do Dún Garbháin Co Phort Láirge
5ú Samhain 8.30pm

Ceolchoirm leis An Raw Bar Collective -Conal Ó Gráda fliút, Benny Mc Carthy bosca, Dave Sheridan veidhlín Colm Murphy bodhrán.

Céilí agus Damhsa dhá lámh.

Halla Paróiste Chill Chartha
Gach Déardaoin @ 8.30 Meán Fómhair 2011 - Márta 2012
Fear an tí: Clement Gallagher

Fáilte roimh gach duine!

Tuilleadh eolais:
Suíomh Idirlín: www.cill-chartha-kilcar.com
Ríomhphost: kilcar.fleadh@gmail.com

Tionscnamh Lugh – Trad Tráthnóna agus ceolchoirmeacha

Ionad Cois Locha, Dún Luiche, Co Dhún na nGall

Cuireadh Tionscnamh Lugh ar bun in 1993 leis an cheol tradisiúnta a chur chun cinn sa Ghaeltacht. Bíonn clár iomlán ceoil a reachtáil ag Tionscnamh Lugh idir Trad Tráthnóna agus ceolchoirmeacha.

Dermot Byrne agus aoíanna speisialta.
De Aoine/11 Samhain

Ceol Amhrán @ Singers Club. Deireadh Fómhair/ Samhain

Brian [Danny Minnie] O Domhnaill, Sean Nós, & Eugene Ginty, Opera /Classical .Lillis O Leary Sean Nós, & Miranda Rosenberg, Blues/Soul

Tuilleadh eolais:
Teileafón: 086 6050110
Suíomh Idirlín: http://www.tlugh.com
Seoladh ; Tionscnamh Lugh, Tra an Chéidigh, Ailt an Chorrain, Co. Dhún na nGall, Ireland.

Club na Gaeilge, Dún Dealgan

Club ar siúl uair sa mhí i nDún Dealgan. Bíonn imeachtaí ar nós ceardlann ealaíne, ceol,damhsa,cocaireachta,againn.(ag díriú ar phaistí). Chomh maith leis sin bíonn ócáidí sóisialta le babhláil, siúlóidí, sléibhteoireacht, cóisirí le haghaidh na Nollag, Oíche Shamhna srl.

Ar an 18u la den mhí seo beidh an grúpa ag dul ag sléibhteoireacht i bpáirc Kilbroney i gCo. an Dúin. Buailfidh an grúpa lena cheile ar a 11.30 in aice leis an ait súgartha, ait a mbeadh deis ag na paistí spraoi a bheith acu agus nuair a bheidh gach clann ann rachaimid ar an siúlóid. Tar eis sin beidh picnic againn. Fáilte roimh cách.

Ardán: Ócáid cheoil agus shiamsaíochta sa Tobar sa Spidéal

Sraith oícheanta comhluadair agus ceoil áit a dtabharfar tús áite don chruthaitheacht ó thaobh amhrán, ceoil agus cainte de atá i gceist le Ardán.

Beidh sé ar siúl ar an tríú Aoine den mhí ar feadh an gheimhridh. Leagan amach club le béim ar an éisteacht a bheas ann, áit a dtabharfar deis don phobal casadh agus éisteacht le haos ceoil agus cumadóireachta an cheantair.

Beidh maidhc oscailte mar chuid lárnach den oíche chomh maith agus tabharfar cuireadh don lucht éisteachta deis a thapú le amhráin, ceol, filíocht, agallaimh beirte, damhsa agus rl. a chur i láthair. Seo ardán do dhaoine nach bhfuil ábhar foilsithe acu fós saothar a chur i láthair lucht éisteachta, agus is ardán é dóibh siúd atá ar an mbóthar le scaitheamh ábhar nua a thriail agus a sheoladh.

Ní ghearrfar aon táille ar an doras. Cuirfear tús le himeachtaí ag 8.30 i.n.

Tuilleadh eolais:
Teileafón: Tadhg Mac Dhonnagáin 087-9037779 nó Deirdre Nic Chonaonaigh: 091-553124

Cosán – taispeántas ilmheáin le Ceaití Ní Bheildiúin

City Arts, Baile Átha Cliath
Taispeántas ilmheáin leis an bhfile, Ceaití Ní Bheildiúin’s. Ag baint úsáide as clocha mar mheafar, déantar iniúchadh ar an gcaoi a spreagann an tírdhreach agus an dúlra an duine.

Suíomh Idirlín: www.cityarts.ie

Oidhreacht Chorca Dhuibhne

Togra cultúir is oidhreachta is ea Oidhreacht Chorca Dhuibhne atá lonnaithe i mBaile an Fheirtéaraigh, i gceartlár Ghaeltacht Chorca Dhuibhne, in Iardheisceart Cho. Chiarraí. Tá an Oidhreacht ann ó 1980 agus é ar cheann d’fho-chomhlachtaí Chomharchumann Forbartha Chorca Dhuibhne.
Imeachtaí an fhómhair

Oíche Airneáin Óstán Benner An tSráid Mhór 8.00pm
Abair amhrán, seinn port, léigh dán, … abair! Do rogha!
Dé Céadaoin 9 Samhain
Dé Céadaoin 30 Samhain

Ionad Buail Isteach
Caint Cuideachta is Cupa Tae
Turas ar an Oireachtas an Aoine 4 Samhain
18 Samhain 11.30-2.00pm
9 Nollaig 11.30 - 2.00pm

Tuileadh Eolais
Teileafón: 066 9156348
Suíomh Idirlín: http://oidhreacht.ie
Ríomhphost: eolas@cfcd.ie

Léamh liteartha le Micheál Ó Conghaile, Jackie MacDonncha, Joe Steve Ó Neachtáin.

Léamh Peregrine le Mícheál Ó Conghaile, Joe Steve Ó Neachtáin agus Jackie Mac Donncha (Mícheál Ó Ruairc - Fear an Tí )
Dé Máirt 22 Samhain, 7.30pm
Áras na Scríbhneoirí, 19 Cearnóg Pharnell, Baile Átha Cliath

Tuileadh Eolais
Teileafón: 01 8721302
Suíomh Idirlín: http://www.writerscentre.ie
Ríomhphost: info@writerscentre.ie

Na Comharsain Cheilteacha: Tír – Taispeántas Ealaíne, Doire

The Void, Cathair Doire, ón 4 Samhain.

Trína gclár d'Ealaíontóirí Cónaithe bhí an Tionscnamh um Mhalartú d'Ealaíontóirí TIR dírithe ar chur chun cinn obair na n-amharc-ealaíontóirí a labhraíonn nó atá eolasach ar theanga dhúchais Cheilteach. Le linn dóibh bheith mar ealaíontóirí cónaithe chuir na healaíontóirí a roghnaíodh comhbheart oibre le chéile.
Sa bhliain 2010, cuireadh taispeántas d'obair na n-ealaíontóirí ar siúl sna gailearaithe/hionaid ealaíon inár oibrigh siad sna tíortha Ceilteachta éagsúla. Osclóidh an taispeántas seo i nDoire ar an 4 Samhain, 2011. Beidh saothar le Catrin Williams, Ben Stammers agus Tess Urbanska (an Bhreatain Bhig) le feiceáil; saothar le, Jonathan MacLeod agus Sandra Kennedy ón Alban, agus le Dan O'Flatharta as Gaeltacht Chonamara

Tuileadh Eolais
Teileafón: +44(0)28 7130 8080
Suíomh Idirlín: http://www.derryvoid.ie
Seoladh : Patrick Street, Derry BT48 7EL

Féiltí

Oireachtas na Samhna

Cill Áirne, Co. Chiarraí,
1-6 Samhna, 2011

Eagraíonn Oireachtas na Gaeilge raon leathan imeachtaí chun na healaíona dúchasacha, trí mheán na Gaeilge, a cheiliúradh. Dírítear ar gach aon ealaín thraidisiúnta - amhránaíocht, ceol, rince, scéalaíocht, lúibíní, agallaimh beirte agus drámaíocht ag Oireachtas na Samhna.


Breis eolais
Ríomhphost: eolas@antoireachtas.ie
Teileafón: 01 475 3857
Suíomh Idirlín: www.antoireachtas.ie

Féile Bheag Fhilíochta

Baile an Fheirtéaraigh, Co. Chiarraí.
11-13 Mí na Samhna

Ceardlann filíochta trí Ghaeilge. Irish festival of poetry. Le Peadar Ó hUallaigh, Nuala Ní Dhomhnaill, An Dr Pádraig Ó hÉalaí, Máire Begley, Louis de Paor, Domhnall Mac Síthigh agus go leor eile.

Tá an clár iomlán na féile le fáil ar PDF ag:
http://www.feilebheagfiliochta.com/downloads/Féile%20Bheag%20Filíochta%20clár%202011.pdf

Breis eolais
Seoladh: Mairín Feirtéar, Féile Bheag Filíochta, Baile 'n Fheirtéaraigh, Trá Lí, Co. Chiarraí.
Teileafón: 0871309800
Suíomh Idirlín: www.feilebheagfiliochta.com

Féile na Mí 2011 – Rath Cairn, Co na Mí.

Aoine 11ú Samhain 2011: Oscailt Oifigiúil i mBaile Átha Buí san Inn Moderation ag 8in
Ceol, Amhráin agus Damhsa. Greim le n-ithe. Bronnadh Fáinní
Déardaoin 17 Samhain. Dinnéar na Féile i Dunderry Lodge 8in / Bronnfar Gradam Uí Ghramhnaigh agus Gradam Chultúrtha na Gaeltachta ann. Seisiúin Cheoil

I measc na n-imeachtaí, tá:
• Comórtas Amhránaíochta do Dhaoine Óga i Ráth Chairn - Corm Mhaggie Tim
• Comórtas Damhsa do Dhaoine Óga- Corn Mhicí Sheanín
• Comórtas Damhsa do Dhaoine Fásta. -Corn Stiofán Seoighe
• Comórtas Amhránaíochta do Dhaoine Fásta - Corn Choil Neaine Pháidín
• Comórtas Bodhrán do Dhaoine ós Cionn Sé Bliana Déag. Corn i gcuimhne Martin Kerrane

Breis eolais
Ríomhphost: rathcairn@eircom.net
Teileafón: 046 9432381
Suíomh Idirlín: http://www.rathchairn.net/events.html

Nascanna

Tá na suíomhanna idirlín seo a leanas úsáideach maidir le nuacht agus deiseanna eagsúla.

http://www.creativecareers.ie - Creative Careers

http://www.eurocult.org - European Cultural Foundation

http://www.kildare.ie/crookedhouse/forum

http://www.artscouncil.ie/irish/index.htm - An Chomhairle Ealaíon

http://www.artsmanagement.ie - Cúrsa Bainsitíocht Ealaíon & Polasaí Cultúrtha. Tá mórán eolais suimiúil faoin saol ealaíon in Éirinn le feiscint ann.

http://www.musicnetwork.ie - Suíomh acmhainneach maidir leis an gceol - deiseanna, camchuairteanna agus eolas ghinearálta maidir le cúrsaí ceoil sa tír.

http://www.forumformusic.ie - Forum don Cheol in Éirinn

http://www.visualartists.ie/ - Suíomh acmhainneach maidir leis na dearcealaíona

http://www.poetryireland.ie - Suíomh Éigse Éireann.

http://www.communityartsireland.com/ - Suíomh tacaíochta maidir le hEalaíon Pobal.

http://www.aoifeonline.com Suíomh tacaíochta maidir le heagrú féilte

http://www.cultureireland.gov.ie. Cur chun cinn na nealaíon thar lear agus comhpháirtíocht idirnáisúnta a chothú. Fógraítear deontais ceithre huaire in aghaidh na bliana. An chéad spriocdháta eile, 14 Lúnasa

http://www.business2arts.ie - eolas agus cúrsaí úsáideach maidir leis na healaíona agus gnó.

http://ec.europa.eu/grants/index_en.htm#cult suíomh achmhainneach maidir le deontais, cistí agus cláir an Aontais Eorpaigh