-

Nuacht

-

Deiseanna / Deontais

Imeachtaí Ealaíon

-

Cuir leis an liosta

-

Bain den liosta

-

Seol chuig cara

-

Teagmháil

-

Séanadh

Nuacht

Bliain nua faoi shéan is faoi mhaise daoibh go léir.

Mar is gnáth sa ríomhlitir, tá eolas ar na deiseanna atá ar fáil d’eagraíochtaí ealaíona agus d’ealaíontóirí. Tá réimse leathan d’ imeachtaí agus de fheiltí ar siúl ar fud na Gaeltachta i rith mí Fheabhra.

Déan teagmháil linn ag ealain@udaras.ie má tá aon eolas breise i dtaobh scéimeanna & r.l. de dhíth nó má tá aon bhlúirín nuachta don gcéad r-nuachtlitir eile.

An Chomhairle Ealaíon i gcomhar le CREATE	Scéim na n-ealaíontóirí sa phobal Tugann Scéim na nEalaíontóirí sa Phobal maoiniú chun tacaíocht a thabhairt d’ealaíontóirí agus pobail atá ag obair lena chéile le tionscadal agus/nó ócáid ealaíonta a bhaint amach. Ba cheart go léireofar comhoibriú dílis idir an ealaíontóir agus an pobal ag na tionscadail atá roghnaithe. Is féidir go mbeadh pobail mar áiteanna agus/nó leas. Go dtí seo, bhíodh iarratais ann ó shaothar le daoine de gach aois, cumas agus eitneacht, agus i gcomhthéacsanna cosúil le pobail uirbeacha/tuaithe, timpeallacht chúram sláinte, príosúin, clubanna nó i dtimpeallacht na hoibre. Suim a dámhadh: €10000 Tá dhá chéim sa scéim seo: An chéim taighde agus forbartha atá i gCéim a hAon. Tá Céim a hAon oscailte d’ealaíontóirí gur mian leo taighde agus forbairt a dhéanamh ar thionscadal i gcomhthéacs pobail. An chéim sheachadadh atá i gCéim a Dó. Tá sé ar oscailt do phobail/áiteanna leasmhara agus/nó a gcuid eagraíochtaí ionadaíocha. Tuilleadh Eolais le fáil ag na sonraí teagmhála thíos. Déanann an Chomhairle Ealaíon cómhaoiniú ar an scéim seo ach is Create a riarann í. Ba chóir iarratais ar eolas nó foirmeacha iarratais a sheoladh go díreach chuig Create.
Spriocdháta	15 Marta, .2012.
Eolas	Seoladh: Project Support and Professional Development , 10/11 Sráid an Iarla Theas, Baile Átha Cliath 8 Suíomh Idirlín: www.create-ireland.ie Teileafón: +353 1 473 6600 Ríomhphost: support@create-ireland.ie

Oiliúint

Ionad Cultúrtha, Baile Mhúirne, Co Chorcaí
Is é aidhm Ionad Cultúrtha Baile Mhúirne ná na healaíona d'árd chaighdeán a chur chun chinn agus suim sna h-ealaíon a mhúscailt i measc an phobail. Chuige san, tá clár dúshlánach leagtha amach ag an ionad - idir ranganna, cheardlanna, cheolchoirmeacha, thaispeántaisí rince comh-aimseartha agus thaispeántaisí ealaíona - a chuireann an ionad ealaíona seo i gceart lár saol ealaíona Ghaeltacht Mhúscraí. Is é trí mheán na Gaeilge a reáchtáiltear na himeachtaí go léir san Ionad.

Mí Feabhra san Ionad Cultúrtha Baile Bhuirne:

'Fonn Aniar' - Breanndán Ó Beaglaíoch, Tommy Peoples, Laoise Kelly
3 Feabhra @ 8.30

Liam Ó Maonlaí - ceolchoirm
(mar chuid de Imbolc 2012
17 Feabhra @ 8.30

Imbolc - aon la amháinle cainteoirí den scoth
18 Feabhra @ 8.30 Breis eolais ar www.imbolc.ie

‘Foinsí’ – 29 saothair ealaíne le daltaí na h-Idir Bhliana ó Choláiste Ghobnatan, .Baile Mhúirne, Co Chorca
3 Feabhra, 2012 @ 7.00 Tá taispeántas na hIdir Bhliana 2012 bunaithe ar foinsí suime agus samhlaíochta na ndaltaí atá ag glacadh páirt.I measc na foinsí inspioráideach, usáideadh focail agus scriobhnóireacht mar chuid den aistir cruthaitheach chun saothair eagsúla, indibhidiúlach a cruthú. Taispeántas á oscailt ag Ger Wolfe.
Ranganna ceoil & amhránaíochta do dhaoine óga agus ealaín-don-aosach ar siúl mar is gnáth.

Is féidir tuilleadh eolais ar imeachtaí an ionaid a fhail ag www.ionadculturtha.ie


Tuilleadh Eolais
Seoladh: Ionad Cultúrtha, Baile Mhúirne, Co Chorcaí
Teileafón: 00 353 (0)26 45733
Suíomh Idirlín: www.ionadculturtha.ie
Ríomhphost:ionadculturtha@eircom.net

Arás Éanna, Inis Oirr
Ionad Ealaíne in Inis Oirr is ea Áras Éanna. Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thiosluaite.

Tuilleadh Eolais
Teagmháil: Mairéad Ní Ghallchóir:
Ríomhphost :araseanna@eircom.net
Teileafón: +353 99 751 50
Facs: +353 99 75152
Seoladh: Áras Éanna, Ionad Ealaíona agus Pobal, Inis Oírr, Árann, Co Na Gaillimhe.

Gailearaí Joan Clancy, An Rinn, Co. Phort Láirge.
Bunaíodh Gailearaí Joan Clancy in 1999 sa Rinn i nGaeltacht Phort Láirge, 10 chiliméadar ó Dhún Garbhán. Tá stádas á bhaint amach aige de réir a chéile mar láthair ina mbíonn an fhísealaíon comhaimseartha Éireannach is deise ar thaispeáint. Tá Gailearaí Joan Clancy lonnaithe sa Rinn i nGaeltacht Phort Láirge. Tá an Joan Clancy Gallery lonnaithe sa Rinn in aice le Coláiste na Rinne.

Tírdhreách Átha Cliath le Caoimhghin O Croidheain.

Taispeántas ar siúl faoi láthair. Saothar le Maderson, Blawnin Clancy, Andrea Jameson, Conor O'Mahony, Rayleen Clancy, Katarzyna Gajewska, John Cullinan.


Tuilleadh Eolas
Ríomhphost: info@joanclancygallery.com
Suíomh Idirlín:www.joanclancygallery.com
Teileafón: (058) 46205 nó 086 8134597
Seoladh : Gailearaí Joan Clancy Maoil a Choirne, An Rinn, Dún Garbhán, Co. Phort Láirge

An Cabaret Craicáilte, Gaoth Dobhair.

Gaoth Dóbhair – an 3ú Satharn de gach mí, de gnáth.

Tugann an Cabaret Craicáilte árdan do cheol comhaimseartha i nGaeilge agus cothaíonn siad réimsí nua ceoil agus siamsaíochta trí mheán na Gaeilge. Bíonn ceoltóirí aitheanta ag seinnt gach cineál ceol ann - rap, snagcheol, ceol domhanda, reggae, ceol traidisiúnta, rock-ceoil agus go leor eile. Bíonn greann, taibhléiriú, filíocht bheo agus go leor imeachtaí eile ar an gclár fosta Oíche chraiceáilte den scoth.

Tuilleadh Eolais
Teileafón: 087 2785593 nó 097 81079
Ríomhphost: Ronan.MacAodhaBhui@rte.ie
Suíomh Idirlín: www.craiceailte.com

Seán O'Flaithearta ag Áras Inis Gluaire, Béal an Mhuiread.

'Talamh Dóite' /' Fired Ground'

Taispeántas físealaíne. Iniúchadh ar an bportac.
Dates: 13 – 26 Eanáir 2012

Tuilleadh eolais ar an taispeántas seo ag: www.seanoflaithearta.blogspot.com

Ionad an Bhlascaoid, Dún Chaoin, Co. Chiarraí
Reáchtálann an tIonad imeachtaí ealaíona agus cultúrtha ó ham go chéile, mar aon leis imeachtaí oidhreachta. Téigh i dteagmháil leis an ionad chun eolas a fháil ar na himeachtaí atá ar siúl faoi láthair.

Tuilleadh Eolas
Teileafón: (066) 9151082 (066) 9156444
Ríomhphost:BLASCAOD@OPW.IE
Suíomh Idirlín: http://www.heritageireland.ie nó www.ceiliuradh.com

Aras Inis Ghluaire: Béal an Mhuirthead, Co Mhaigh Eo


Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fháil ag na sonraí teagmhála thíos.

Taispeántas - Talamh Dóite /Fired Ground le Seán O'Flaithearta01-02-2012
Ón 1 Feabhra, 2012

Ceardlann san Ánálú
6 Feabhara ag18-30

It's the Real McCoy
Dráma grinn.
18 agus 19 Feabhra ag 22.00.

ClintE Specials
22 Feabhra ag 19.30.

Yoga Le Lucy
23 Feabhra ag 21.00

Tom Crean Antarctic Explorer
5 Márta ag 20.30.

Patrick Devane – Damhsóir cónaithe - Sean-Nós
14 Márta ag 20.30 i.n.

Tuilleadh Eolais
Teileafón: 097 – 81079
Seoladh: Áislann Bhéal an Mhuirthead , Belmullet, Co. Mayo.
Suíomh Idirlín: http://www.arasinisgluaire.ie/
Facebook: www.facebook.com/ArasInisGluaire

Fibiín Teo. Compántas drámaíochta.

Tá Fíbín Teo. a bhfuil tóir an phobail orthu agus atá tar éis a bheith ar chamchuairt le ceithre léiriúchán i 2011 chun Finscéal Fíbín – Stair ghearr de Theanga na Gaeilge a athbheochan i 2012. Léiríodh an dráma ag roinnt féilte timpeall na tíre, ó thuaidh agus ó dheas, agus d’éirigh leo slua mór a mhealladh chuig an bpuball amharclainne ag Electric Picnic i mbliana.

Is féidir an dráma a chur in óiriúint do réimse spásanna ó leabharlanna go scoileanna chomh maith le hAmharclanna. Tá sé feilliúnach do dhaoine ó 12 d’aois ar aghaidh. Maireann sé thart ar chaoga nóiméad agus togann sé thart ar dhá uair a chloig an seit a shocrú suas. Déanann Finscéal Fíbín cur sios greannmhar ar na rudaí a mhunlaigh ár dteanga dhúicais thar na mílaoiseanna. Léirítear é i stíl leithleach Fíbín ag baint úsáid as púipéid, maisc agus cur i láthair idirghníomhach a dhéanann teanga na Gaeilge tarraingteach agus greannmhar.
Rinne Gaelchultúr cur síos ar an dráma mar ‘seó den chéad scoth’.

Tuilleadh Eolais
Seoladh: Fíbín Teo, Na hAille, Indreabhán, Co. na Gaillimhe
Teileafón: 091 - 505 855
Suíomh Idirlín: http://fibin.com/
Ríomhphost:eolas@fibin.com

Lab na Mainistreach, Sráid Eoin, An Daingean

An Lab, Sráid Eoin, An Daingean

Ionad Ealaíona na Gaeilge sa Daingean is ea An Lab. Tá amharclann dea-chóirithe ann le seachtó suíocháin, seomraí le haghaidh taispeántaisí, insealbhaithe agus cruinnithe, chomh maith le spás le haghaidh cleachtaithe agus ceardlanna. Tá sé ar fáil le haghaidh imeachtaí cultúrtha a chuirtear i láthair tré mheán na Gaeilge.‘Sé an comhlacht cónaithe amharclannaíochta ann ná AnnÓg Ar Aghaidh, a léiríonn drámaí Gaeilge agus a chuireann traenáil i scileanna amharclannaíochta ar fáil do dhaoine óga.

Eitseálacha/Etchings le Tomás Ó Cíobháin. Luan go hAoine idir 9am agus 5pm agus le linn léirithe san amharclann.

Taispeántas Grianghrafanna le Gearóid Ó Cáthasaigh
Is féidir eolas a fháil ar chlár na n-imeachtaí ar an suíomh idirlín.

Tuilleadh Eolais
Teileafón: Áine ag 087/8546572
Ríomhphost: ainemoy@eircom.net
Suíomh idirlíon: www.anlab.ie . Bí linn ar Facebook – AnnÓg/An Lab

Club Scannán – Indreabhán, Co. na Gaillimhe.

Tosnóidh an chéad shéasúr eile scannán ar an gCéadaoin seo, 25 Eanáir leis an scannán faisnéise Bernadette: notes on a political journey .

As sin go deire Márta taispeánfar scannán den scoth gach Céadaoin sa tSeanscoil ag tosnú ag 8.15in, mar is gnáth.

Seo leanas liosta iomlán na scannán a bhéas le feiscint idir seo go deire mí na Márta:

• 01 Feabhra: Honey (An Ghearmáin / An Tuirc);
• 08 Feabhra: Beautiful Lies (An Fhrainc);
• 15 Feabhra: In a Better World (An Danmhairg);
• 22 Feabhra: Nader and Simin - A Separation (An Iaráin);
• 29 Feabhra: Fitzcarraldo (An Ghearmáin);
• 07 Márta: The Skin I Live In (An Spáinn);
• 14 Márta: Potiche (An Fhrainc);
• 21 Márta: Cell 211 (An Spáinn);
• 28 Márta: Sarah's Key (An Fhrainc).

Glacfar le ballraíocht óna 8.00pm, 25 Eanáir. €25 (€20) a bhéas ar bhallraíocht don séasúr, a chludaíonn cead isteach do 10 scannán ar fad. Más fearr leat, is féidir €7 (€6) a íoc per scannán ar an oíche ag an doras. Tá ballraíocht do chúplaí ar fáil ar €40. Is féidir cóip den bróisiúr a fháil ón nasc seo a leanas:

www.clubscannan.ie/priontailte/ClubScannan-SeasurAnEarraigh2012-isealtaifigh.pdf .

Breis eolais ar fáil ón suíomh idirlíon www.clubscannan.ie nó ón uimhir (086) 4048881.

Culturlann Uí Channáín, Doire - Imeachtaí

Eagraíonn an t-ionad réimse leathan d’imeachtaí i gcaitheamh na bliana. Is féidir tuilleadh eolais agus clár na n-imeachtaí a fhail ag na sonraí teagmhála thios.

Féile Chaomhín Ui Dhochartaigh
9 -12 Feabhra.
Imeachtaí ceoil agus siamsaíochta i rith na deireadh seachtaine.

Ceolchoirm: Kevin Burke, Paddy Keenan, Alan Burke & Guidewires
11 Feabhara.

Seachtain na Gaeilge 2012 (7ú-17ú Márta)
Imeachtaí éagsúl i gcaitheamh na seachtaine.

Lá Idirnáisiúnta na mBan
Athbheochan: Fillim agus Fuala Seó Faisin
8 Márta, 2012.

Tuilleadh eolais agus clár na n-imeachtaí a fhail ag na sonraí teagmhála thios.

Tuilleadh Eolais
Ríomhphost: eolas@culturlann-doire.ie
Teileafón: 02871264132
Suíomh Idirlín: www.culturlann-doire.ie
Seoladh: Cultúrlann Uí Chanáin, 37 Mórshráid Shéamais, Doire, BT48 7DF

Oideas Gael, Gleann Cholm Cille

Cuireann Oideas Gael réimse leathan de chúrsaí cultúrtha agus teanga ar fáil i rith an tsamhraidh. Siúl Sléibhe Péintéireacht Fharraige, ranganna ceoil (bodhrán, fliúit, cláirseach,
srl), amhránaíocht & damhsa ar an sean-nós, grianghrafadóireacht dhigiteach, seandálaíocht agus go leor eile.

Imeachtaí san ionad le fáil ag www.oideas-gael.com

Tuilleadh Eolais
Teileafón 074 97 30248
Suíomh Idirlín: www.oideas-gael.com
Ríomhphost: oideasgael@eircom.net

Futa Fata. - Nuacht

Tá eolas anseo do dhaoine fásta, ach ó tharla gur do pháistí agus do dhaoine óga is mó a bhíonn Futa Fata ag foilsiú,tá súil againn go gcuirfidh páistí suim san eolas atá ar fáil anseo chomh maith.

Bliain Nua Mhaith Agaibh!

Blian ghnóthach atá roimh Futa Fata agus tá muid ar bís ag súil le gach uile noiméad de! Le linn 2012, tá súil againn dhá pictúirleabhar nua a fhoilsiú, sraith leabhar cairtchlár dár gcuid féin do pháistí óga, aistriúcháin ar shraith álainn úrscéalta do pháistí 7-9 mbliana ón bhFrainc - agus cá bhfios céard eile! Le coinneáil suas go dáta linn is féidir muid a leanacht ar Facebook, Twitter agus ar ár suíomh idirlín www.futafata.ie

You Tube!

Tá ár gcainéal féin againn anois ar an suíomh físeán is mó ar domhan. Rinneadh taifead beo ar an seó “Gugalaí Gug!” i gConamara anuraidh agus is giotaí uaidh seo atá le feiceáil anois ar an gcainéal. Tá nasc chuige ar ár leathanach idirlín (féach an cnaipe YouTube ar bharr an leathanaigh bhaile) nó cuardaigh ‘Futa Fata’ ar www.youtube.com

Seachain!

Shackleton! An Titanic! Cluichí Oilimpeacha na sean- Ghréige! An Gorta Mór! Apollo 13! Seachain iad! D’fhéadfadh rud ar bith tarlú! Sa tsraith nua seo a bheas ar fáil ag deireadh mí Eanáir, tugtar deis do leitheoirí óga dul siar san am le bheith páirteach in eachtraí móra stairiúla an domhain. Faoin am go dtiocfaidh na cluichí Oilimpeacha go Londain an Samhradh seo chugainn, beidh léitheoirí óga na Gaeilge ina saineolaithe ar stair na gcluichí agus beidh gach ní ar eolas acu le páirt iomlán eolach a ghlacadh i gomóradh céad bliain tragóid an Titanic. Seachain! Tá siad ag teacht… www.futafata.ie

TAIRISCINT SPEISIALTA

Gach mí as seo amach, beidh tairiscint speisialta againn. An mhí seo is féidir na hocht leabhair sa sraith “Tá mé ag Fás” a cheannacht ar €35. Sin sábháil €20.60 ar an gcostas clúdaigh!


Tuilleadh Eolais
Seoladh:Futa Fata, An Spidéal, Co. na Gaillimhe
Teileafón 091-504612
Suíomh Idirlín: www.futafata.ie
Ríomhphost: eolas@futafata.ie

Teacht le Chéile Comórtais Béil

Óstán Harbour i nGaillimh.
Satharn, 4 Feabhra 2011 ó 12.00 – 4.00i.n

Teacht le chéile faoi na gcomórtas béil, Comórtas Scéalaíocht , Dreas Cainte , Lúibíní & Agallamh Beirte.

Athbhreithniú a dhéanamh ar rialacha comórtais an Oireachtais sa bhliain úr.Grúpa daoine a bhfuil cur amach acu ar na comórtais seo a thabhairt le chéile le moltaí agus tuairimí i dtaobh cleachtais na traidisiúin bhéil a phlé agus a chíoradh.
Más gá, ba mhaith le hOireachtas na Gaeilge go leasófaí rialacha, riaradh, moltóireacht agus poibliú na gcomórtas Scéalaíochta, Dreas Cainte, Lúibíní agus Agallamh Beirte.

D’fháilteoimis roimh mholtaí nó tuairimí ó dhuine ar bith.

Labhairt faoi na scéimeanna atá ar bhun cosúil leis an scéim atá ar bhun ag Gearóidín Breathnach (ag tabhairt cúirt ar na scoileanna agus ag insint agus ag plé scéalaíochta leo).

Tá roinnt eolas bailithe againn faoi chleachtais oiliúna agus múineadh na traidisiúin bhéil i gceantair éagsúil. Ba mhaith linn go mbeidh an t-eolas seo agus eolas ó cheantair eile á roinnt le pobal na Gaeltachta agus na Gaeilge.

Ardán: Ócáid cheoil agus shiamsaíochta sa Tobar sa Spidéal

Sraith oícheanta comhluadair agus ceoil áit a dtabharfar tús áite don chruthaitheacht ó thaobh amhrán, ceoil agus cainte de atá i gceist le Ardán.

Beidh sé ar siúl ar an tríú Aoine den mhí ar feadh an gheimhridh. Leagan amach club le béim ar an éisteacht a bheas ann, áit a dtabharfar deis don phobal casadh agus éisteacht le haos ceoil agus cumadóireachta an cheantair.

Beidh maidhc oscailte mar chuid lárnach den oíche chomh maith agus tabharfar cuireadh don lucht éisteachta deis a thapú le amhráin, ceol, filíocht, agallaimh beirte, damhsa agus rl. a chur i láthair. Seo ardán do dhaoine nach bhfuil ábhar foilsithe acu fós saothar a chur i láthair lucht éisteachta, agus is ardán é dóibh siúd atá ar an mbóthar le scaitheamh ábhar nua a thriail agus a sheoladh.

Ní ghearrfar aon táille ar an doras. Cuirfear tús le himeachtaí ag 8.30 i.n.

Tuilleadh eolais:
Teileafón : Tadhg Mac Dhonnagáin 087-9037779 nó Deirdre Nic Chonaonaigh: 091-553124

Oidhreacht Chorca Dhuibhne

Togra cultúir is oidhreachta is ea Oidhreacht Chorca Dhuibhne atá lonnaithe i mBaile an Fheirtéaraigh, i gceartlár Ghaeltacht Chorca Dhuibhne, in Iardheisceart Cho. Chiarraí. Tá an Oidhreacht ann ó 1980 agus é ar cheann d’fho-chomhlachtaí Chomharchumann Forbartha Chorca Dhuibhne.

Tuileadh Eolais
Teileafón: 066 9156348
Suíomh Idirlín: http://oidhreacht.ie
Ríomhphost: eolas@cfcd.ie

‘Ceardlann Scéalaíochta/Drámaíochta do pháistí óga le Máirín Mhic Lochlainn

Ionad Tacaíochta Teaglaigh in Indreabhán

Ar feadh 8 seachtainí, ag tosnú ar an 13 Feabhra

Áisitheoir: Máirín Mhic Lochlainn, nó Scéalaí Thóin
Beidh Máirín Mhic Lochlainn, nó Scéalaí Thóin a’ Chnoic mar is maith léi a thabhairt uirthi féin, ag déanamh Ceardlann Scéalaíochta/Drámaíochta san Ionad Tacaíochta Teaglaigh in Indreabhán ar feadh 8 seachtainí, ag tosnú ar an 13 Feabhra. Beidh na ceardlanna seo dírithe ar an aois ghrúpa 6 go dtí 10. Beidh Máirín ag cur béime ar sheanscéalta a chuir in oiriúint den stáitse, agus ar an tábhachta a bhaineann le urlabhraíocht chruinn agus gluaiseachtaí éifeachtúla. Tá roinnt páistí cláraithe cheanna féin, ach beidh féilte roimh a thuilleadh – ní chuirfear aon duine ó dhoras.

Cé go bhfuil na ranganna féin saor, beifear ag baint amach táille beag le haghaidh íoch as teas agus leictreachas. Tuilleadh eolais ach glaoch ar Mhairín ag 091 593799, nó ag an r.phost mmhiclochlainn@yahoo.com

Tá Scéalaí Thóin a’ Chnoic páirteach freisin san tógra faoi na deartharacha Grimm ón nGearmáin, an chéad dream a chuir scéalta béaloideasa ar pharr céad bliain ó shin, agus mar chuimhneachán orthu, rinne Coiste FEST (seo bailiúchán de scéalaithe as tíortha difriúla san Eoraip) taifeadadh ar scéalaithe as tiortha difriúla san Eoraip, ina measc Éirinn. Cheithre scéalaí as an tír seo atá sa tógra, Máirín Mhic Lochlainn agus Aideen McBride ag inseacht scéalta de chuid na nGrimms i nGaeilge, agus Jack Lynch agus Brendan Nolan ag inseacht scéalta i mBéarla.

Tá na scéalta seo ar fad agus scéalta nach iad i dteangacha éagsúla le fáil ar an suíomh idirlinn www.youtube.com/projectgrimm2012/Ireland .

Go nuige seo - ~Ceardlann scríbhneoireachta do dhaine fásta.

Seanscoil Sailearna, Indreabhán, Co. na Gaillimhe.

Gach Luain. 7.30 i.n.

Sé atá i Gon uige seo, díolaim den ábhar a cumadh le linn shraith ceardlanna d’eagraigh Pádraig Ó Cíobháin i Seanscoil Shailearna i gCois Fharraige ó Shamhain 2010 go Bealtaine 2011. Litríocht phobail – sa chiall is leithne – tá sa bhailiúchán so, óir ní saothar éinne amháin a bhfuil fé chlúid ach obair mheithil scríbhneoirí a chuir a gcroí is a n-éirim go huile is go hiomlán san obair a bhí idir lámha. Ag seo a dtáirgíodar – ábhar léitheoireachta is spreagtha dá bpobal féin, agus do Ghaeil go bhfuil d’aidhm acu an teanga gur dúchas agus gur de nádúir dóibh í labhairt a chothabháil is a choinneáil beo.

Bíonn ceardlanna ar siúl i Seanscoil Shailearna sna hAille an uile Luan ar a leathuair tar éis a seacht istoíche. Caint, cuileachta, comhluadar dhaoine muinteartha an cheantair is an saibhreas teangan is cultúir a roinnfd go fial ar pé thagann, maraon le cleachtadh na cumadóireachta cruthaithí is aidhm don dteacht le chéile seachtainiúil seo. Ionad buail isteach Gaeilge is Gaelainne do Ghaelaibh atá i gceist chomh maith. Bíonn fáilte againn roimh chách, idir fhear is bhean, óg, meánaosta is aosta ... is cuma ciocu, óir is mar a chéile linne gach éinne is gach indibhid. I dteannta chéile sea is fearr sinn! Beidh díolaim de chumadóireacht na bliana 2010/11 á fhoilsiú go luath. Gon uige seo a theideal. Má ritheann linn cuirfeam chun an dara himleabhar a dh'fhoilsiú. A' dul i bhfeabhas siar sinn!

Tuilleadh eolais: padraig o ciobhain ag padraig.ociobhain@upcmail.ie

Féiltí

Scoil Cheoil an Earraigh, Iarthar Dhuibhneach

15 - 19 Feabhra 2012

Féile ceoil thraidisiúnta i mBaile an Fheirtéaraigh, i gCorca Dhuibhne, Co. Chiarraí, Éire i mí Feabhra gach blian ina mbíonn ceardlanna ceoil agus amhránaiochta, ceolchoirmeacha, léacht, seisiúin, siúlóid, ciorcal comhrá, agus go leor eile.


Breis eolais
Suíomh Idirlín: http://www.scoilcheoil.com
Ríomhphost: eolas@scoilcheoil.com

Féile Chaomhaín Uí Dhochartaigh,

Cultúrlann Uí Chanáin, Doire.

An Déardaoin 9 – 12 Feabhra.
Seoladh ag am lóin le ceol agus sólaistí
An Aoine 10ú Feabhra 8pm
Ceolchoirm - Open House

Dianchúrsaí
An Satharn 11ú & An Domhnach 12ú Feabhra

Ceardlanna
An Satharn 11ú Feabhra 11-4pm

Ceolchoirm Mhór le Kevin Burke, Paddy Keenan, Alan Burke agus Guidewires
An Satharn 11ú Feabhra, 8pm

Comórtas Filíochta
An Domhnach 12ú Feabhra

Ceardlanna
An Domhnach 12ú Feabhra 11-4pm

Críoch-ceolchoirm
An Domhnach 12ú Feabhra ag 8pm

Breis eolais
Suíomh Idirlín: www.culturlann-doire.ie
Teileafón: 02871264132
Ríomhphost: eolas@culturlann-doire.ie
Seoladh : Cultúrlann Uí Chanáin, 37 Mórshráid Shéamais, Doire, BT48 7DF

Nascanna

Tá na suíomhanna idirlín seo a leanas úsáideach maidir le nuacht agus deiseanna eagsúla.

http://www.creativecareers.ie - Creative Careers

http://www.eurocult.org - European Cultural Foundation

http://www.kildare.ie/crookedhouse/forum

http://www.artscouncil.ie/irish/index.htm - An Chomhairle Ealaíon

http://www.artsmanagement.ie - Cúrsa Bainsitíocht Ealaíon & Polasaí Cultúrtha. Tá mórán eolais suimiúil faoin saol ealaíon in Éirinn le feiscint ann.

http://www.musicnetwork.ie - Suíomh acmhainneach maidir leis an gceol - deiseanna, camchuairteanna agus eolas ghinearálta maidir le cúrsaí ceoil sa tír.

http://www.forumformusic.ie - Forum don Cheol in Éirinn

http://www.visualartists.ie/ - Suíomh acmhainneach maidir leis na dearcealaíona

http://www.poetryireland.ie - Suíomh Éigse Éireann.

http://www.communityartsireland.com/ - Suíomh tacaíochta maidir le hEalaíon Pobal.

http://www.aoifeonline.com Suíomh tacaíochta maidir le heagrú féilte

http://www.cultureireland.gov.ie. Cur chun cinn na nealaíon thar lear agus comhpháirtíocht idirnáisúnta a chothú. Fógraítear deontais ceithre huaire in aghaidh na bliana. An chéad spriocdháta eile, 14 Lúnasa

http://www.business2arts.ie - eolas agus cúrsaí úsáideach maidir leis na healaíona agus gnó.

http://ec.europa.eu/grants/index_en.htm#cult suíomh achmhainneach maidir le deontais, cistí agus cláir an Aontais Eorpaigh