|
|
Nuacht
Fáilte chuig R-nuachtlitir na míosa seo.
Beidh Ealaín na Gaeltachta ag cur tús le
mhórthógra taighde an mhí
seo. Tá súil ag an eagraíocht iniúchadh
cuimsitheach a dhéanamh ar ghníomhaíocht
agus ar acmhainní ealaíona na Gaeltachta.
Tá sé mar aidhm ag an iniúchadh seo
eolas agus bunlíne a bhailiú i dtaobh infrastructúr,
gníomhaíochtaí’ seirbhísí
agus staid reatha ginearálta na n-ealaíon
sa Ghaeltachta faoi láthair. Beidh an t-eolas seo
a úsáid i gcomhair pleanála do fhorbairt
na nEalaín sa Ghaeltacht sna blianta amach romhainn.
Déanfar iniúchadh ar an leibhéal gníomhaíochta
atá sna healaíona san am i láthair
agus le líon agus sonraí na n-ealaíontóirí
agus na n-eagras ealaíne atá ina gcónaí
agus ag saothrú a mbeatha sa Ghaeltacht a fháil
amach. Déanfar staideár freisin ar an tionchar
atá ag na healaíona ar eacnamaíocht
agus ar shochaí na Gaeltachta, mar aon leis an tionchar
atá aici ar an teanga agus ar an gcultúr.
Beidh ceistneoir a sheoladh amach chuig
ealaíontóirí, gníomhairí
ealaíne agus eagras ealaíne sna seachtainí
atá amach romhainn, agus tugtar cuireadh do gach
éinne atá baint acu le cúrsaí
ealaíne a bheith páirteach. Cuirfear tús
le sraith chomhairliúcháin le geallsealbhóirí
ábhartha acmhainneachta agus próiseas
comhairliúcháin poiblí sa
fhómhar. Is í Majella Ní Chríocháin
a bheidh ag stiúradh an togra taighde. Is sainchomhairleoir
ealaíne í atá na blianta fada taithi
aici ag obair san earnáil. Mholtar do gach ealaíontóir
agus do gach ghníomhaí ealaíne sa Ghaeltacht
páirt a ghlacadh sa togra tábhachtach seo.
D’eagraigh Ealaín na Gaeltachta Semineár
Béaloidis i nGaillimh an mhí seo
caite. Dírigh an semineár seo isteach ar an
scéalaíocht agus bhí saineolaithe
agus scéalaithe as gach ceantar Gaeltachta i láthair
chun an ábhair a phlé. Ba é an príomhsprioc
a bhí ag na rainnpháirithe ná teacht
ar na bealaí is éifeachtaí chun borradh
a chur faoi chúrsaí scéalaíochta.
D’eascraigh go leor moltaí fiúntacha
as an seimineár agus bheadh súil ag Ealaín
na Gaeltachta go gcuirfear na moltaí seo i bhfeidhm
sna míonna atá amach romhainn. D’eagraigh
Ealaín na Gaeltacha Ceardlann Aon Lae sa
Teagasc Ceoil i nGaeltacht Thír Chonaill
an mhí seo caite chomh maith. Ba é príomhaidhm
an chúrsa ná bunscileanna agus modhanna theagasc
ceoil (& amhránaíochta) a mhúineadh
do cheoltóirí & amhránaithe Gaeltachta
ionas go mbeidh sé ar a gcumas an ceol a theagasc
do dhaltaí ceoil trí mheán na Gaeige.
D’fhreastail líon mór daoine ar an gceardlann
agus bhain na rainnpháirtithe an leas as. Cuireadh
an cheardlann ar siúl i gcomhar le Coiste
Gairmoideachais Dhún na nGall agus Comhpháirtíocht
Oideachas Thír Chonaill.
Tá dhá dhráma do pháistí,
ar chamchuairt ar fud na tire faoi láthair. Is iad
na compántais Fibín agus
Branar atá ag léiriú
na drámaí seo. Beidh Branar ag leiriú
An Seanfhear Beag le Marc Mac Lochlainn.
Tá an dráma bunaithe ar scéal cáiliúil
leis an údar Súlanach Barbro Lindgren agus
cóirithe don stáitse ag Marc Mac Lochlainn.
Baintear leas as puipéidí álainn déanta
ag Suse Reibesch agus ceol nua chumtha le Morgan Cooke.
Is iad Marc Mac Lochlainn, Máire Greaney Daly agus
Ionia Ní Chróinín atá páirteach
sa dráma. Tá Fibín
ag léiriú An Rón Dall,
dráma atá bunaithe ar scéal béaloidis.
Déantar cumasc idir an ceol, na físealaíona
agus an scéalaíocht sa dráma seo. Is
iad an aisteoir Darach Ó Tuairisg, an físealaíontóir
Dara McGee agus an ceoltóir Vinny Kilduff (a bhí
sna Waterboys) atá páirteach sa dráma
álainn seo. Breis eolas ag: www.fibin.com
agus www.branar.ie
Comhghairdeachas le Cathal Mac Fhionnghaile
as Machaire Rabhartaigh, Tír Chonaill a bhuaidh Gradam
Físealaíne Uí Laoighaire.
Is iad Comhairle Chontae Shligigh a eagraíonn an
comórtas i gcomhpháirtíocht le hInstitiúid
Teicneolaíochta Shligigh agus Ionad Ealaíona
Shligigh. Bhronnadh an gradam ar Chathal de bharr, “líofacht,
íogaireacht agus samhlaíocht” a chuid
oibre. Bíonn Cathal páirteach sa mhórthionscnamh
físealaíne, ‘Loinnir’
a léiríonn an grúpa físealaíne
An Cosán Glas ar thrá Mhachaire Rabhartaigh
gach bliain le linn Fhéile an Earagail.
D’fhógraigh Acadamh na hOllscolaíochta,
Gaillimh dhá chúrsa ollscoile le
déanaí a bheadh spéis ag drámadóirí
agus ceoltóirí iontu. Beidh na cúrsaí
ar siúl i gcampús an Acadaimh ar an gCeathrú
Rua, i gContae na Gaillimhhe. Cuireann Aonad na
dTaibhealaíon de chuid an Acadaimh, an Árd-Dioplóma
sa Drámaíocht agus an Dioplóma
i gCóiriú agus Stáitsiú an Cheoil
Thraidisiúnta ar fáil gach bliain.
Cúrsaí páirtaimseartha atá iontu.
Is ceoltóirí agus drámadóirí
den cheád scoth a bhíonn ag teagasc ar na
cúrsaí agus tá aitheantas bainte amach
ag an dá chúrsa. Tá slí maireachtála
bainte amach i saol an cheoil nó i saol na healaíne
ag formhór na ndaltaí a d’fhreastail
ar na cúrsaí. Más uait breis eolais
faoi cheachtar den dá chúrsa, buail isteach
chuig an suíomh idirlín, www.acadamh.ie nó
glaoigh ar an riathóir, Marianne, ar 087 9080194,
nó Diarmuid ar 086 8139289. Ríomhphost: Marianne.nichinneide@oegaillimh.ie,
diarmuid.defaoite@oegaillimh.ie
Tá an Chomairle Ealaíon ag
réítiú doiciméad faoi thodhchaí
na drámaíochta faoi láthair.
Is mian leo éisteacht le tuairimí ó
dhaoine atá spéis acu nó atá
ag obair in earnáil na hamharclannaíochta
sula socraíonn siad ar phlean cuimsitheach a chruthú
chun na drámaíochta sa tír seo a fhorbairt
sa todhchaí. Béifear an-sásta tuairimí
a fháil maidir leis an doiciméad seo, bídís
á gcur ar fáil go pearsanta nó i scríbhinn.
Reáchtálfar roinnt seisiún comhairliúcháin
éascaithe go deireanach i Meitheamh/go luath in Iúil
2009. Breis eolais le fáil ag: Aiseolas ar Comhairliúchán
Amharclannaíochta, An Chomhairle Ealaíon,
70 Cearnóg Mhuirfean , Baile Átha Cliath 2,
nó dul i dteagmháil le Maeve Whelan ag: maeve.whelan@artscouncil.ie.
Tá neart imeachtaí agus féiltí
ealaíne ilghéitheacha agus ildánacha
ar siúl ar fud na Gaeltachta an mhí seo agus
tá eolas futhu uilig le fáil thíos.
Déan teagmháil linn ag ealain@udaras.ie
má tá aon eolas breise i dtaobh scéimeanna
& r.l. de dhíth nó má tá
aon bhlúirín nuachta don gcéad r-nuachtlitir
eile.
Comhdháil
| Tionól An Chonartha
Sa Ríocht Ghaeltachta
|
Tionól An Chonartha Sa Ríocht
Ghaeltachta
Beidh Thionól Gaeltachta Chonradh na Gaeilge
ar siúl ón 2 - 5 Iúil i mBaile
an Fheirtéaraigh i nGaeltacht Choirce Dhuibhne
i mbliana. Déanfar plé ar chuid d’fhadhbanna
an ceantar Gaeltachta ag seimineár an Tionóil
dar teideal ‘I dTreo Polasaí Oideachais’
in Ionad an Bhlascaoid ar an Aoine 3 Iúil 2009,
áit a dhéanfar scrúdú
ar chuid de na cúinsí atá ag
cur brú ar Ghaeltacht Chorca Dhuibhne go háirithe
agus ar na Gaeltachtaí eile trí chéile.
Tá rogha imeachtaí eile gur féidir
a dhéanamh sa cheantar i rith deireadh seachtaine
an Tionóil chomh maith - ceardlann potadóireachta,
marcaíocht capall, cluichí gailf, iascaireacht
fharraige agus seoltóireacht timpeall chuan
Dhún Chaoin san áireamh. Tá an
deireadh seachtaine saoire á reáchtáil
ag Conradh na Gaeilge i gcomhair le hIonad an Bhlascaoid
agus Oidhreacht Chorca Dhuibhne.
|
|
Spriocdháta
|
|
|
Eolas
|
Seoladh: Ard-Oifig Chonradh na Gaeilge, 6 Sráid
Fhearchair, Baile Átha Cliath 2. Pádraig
Mac Fhearghusa.
R-phost: eolas@cnag.ie
Teil: 353 (0)1 4757401
Suíomh idirlín:www.cnag.ie
|
Deiseanna
Deontais
| An Chomhairle Ealaíon
|
Deis – Scéim de chuid na Chomhairle
Ealaíona
Is scéim í Deis a bunaíodh faoi Thionscnamh na Comhairle
Ealaíon um na hEalaíona Traidisiúnta,
2005-2008. Tá sé mar aidhm ag Deis lucht
na n-ealaíon traidisiúnta a spreagadh
chun maoiniú tionscadail a lorg ón gComhairle
Ealaíon le haghaidh réimse tionscadal
nach n-oireann a gcuid tograí go rómhaith
do na cláir mhaoinithe eile atá á
dtairiscint ag an gComhairle Ealaíon.
Glactar le tograí ó gach réimse
de na healaíona traidisiúnta (ceol,
amhránaíocht agus rince traidisiúnta
agus na healaíona béil, cosúil
leis an scéalaíocht agus an t-agallamh
beirte).
Ar na tionscadail ar a mbronnadh cistiú cheana
tá tionscadal le béim ar ábhar
cartlainne, forbairt luchtanna féachana, craobhscaoileadh,
léiriú agus taibhléiriú,
forbairt phroifisiúnta, clársceidealú
agus taighde. Is scéim leanúnach í
Deis agus glactar le tograí ar bhonn atrátha
ach ba cheart go mbeadh do thogra curtha isteach ar
a laghad deich seachtaine roimh duit tús a
chur leis an tionscadal féin Breis eolais faoi
conas iarratas a dhéanamh agus nótaí
treorach le fáil ó na foinsí
teagmhála thíos.
Is í an dámhachtain is airde atá
ar fáil ná €50,000.
|
|
Spriocdháta
|
|
|
Eolas
|
Seoladh: An Chomhairle Ealaíon,
70 Cearnóg Mhuirfean, Baile Átha Cliath 2
Teil: +353 1 618 0200
Callsave: 1850 392 492
R-phost: traditionalarts@artscouncil.ie
Suíomh idirlín: www.artscouncil.ie
|
| An Chomhairle Ealaíon
|
Dámhachtain taistil & oiliúna
Tá dhá shraith sa scéim seo. Is í an príomhshraith
ná Taisteal agus Oiliúint Amach, agus
is di seo atá an chuid is mó den chistiúchán
ar fáil; is í an dara sraith ná
Taisteal agus Oiliúint Isteach. Is é
príomhchuspóir na Dámhachtana
Taistil agus Oiliúna Amach ná tacú
le daoine aonair gur mian leo leas a bhaint as oiliúint
agus deiseanna forbartha gairmiúla eile thar
lear, agus an fócas a bheith ar fhorbairt chleachtas
ealaíne an duine féin. Déanfaidh
an Dámhachtain Taistil agus Oiliúna
Amach rannpháirtíocht i ndeiseanna oiliúna
aonuaire, i gcúrsaí nó i máistir-ranganna
speisialta a éascú. Is é an príomhchuspóir
atá le Taisteal agus Oiliúint Isteach
ná tacaíocht a thabhairt do dhaoine
aonair nó deagraíochtaí gur mian
leo cuireadh a thabhairt do shaineolaithe ó
thar lear oiliúint nó meantóireacht
ar leibhéal ard a chur ar fáil i gcomhair
forbairt ghairmiúil ealaíontóirí
agus dhaoine eile atá ag obair go gairmiúil
sna healaíona in Éirinn. Sa chás
gur mian le duine aonair nó le heagraíocht
saineolaithe a thabhairt isteach ó thar lear,
is féidir leis an duine nó an eagraíocht
iarratas a dhéanamh chun costas taistil agus
lóistín an aoi (na n-aíonna)
idirnáisiúnta a íoc. Is mian
leis an gComhairle Ealaíon a chur in iúl
go bhfuil an buiséad atá leagtha amach
le haghaidh na Dámhachtana Taistil agus Oiliúna
in 2009 laghdaithe go mór i gcás mórán
foirmeacha ealaíne agus réimsí
cleachtais ealaíon. Breis eolais faoi conas
iarratas a dhéanamh an Critéir Mheasúnaithe,
na Coinníollacha dámhachtanaagus nótaí
treorach le fáil ó na foinsí
teagmhála thíos. Níl aon spriocdhátaí
foirmeálta ann don Dámhachtain Taistil
agus Oiliúna. Tógfaidh an próiseas
measúnaithe idir ceithre agus sé seachtaine,
agus cuirtear comhairle ar iarratasóirí
a n-iarratas a chur isteach chomh luath agus is féidir.
Is é Culture Ireland/Cultúr Éireann
atá i mbun na scéime.
|
|
Spriocdháta
|
|
|
Eolas
|
Teil: +353 1 618 0200
R-phost: travelandtraining@artscouncil.ie
Seoladh: Culture Ireland, An Tríú
Urlár, Seomra 31523 Foirgnimh Fhreidric, Sráid
Chill Dara, Baile Átha Cliath 2
Teil: +353 1 631 3905
Facs: +353 1 631 3956
Ríomhphost: cultureireland@dast.gov.ie.
Suíomh idirlín: www.cultureireland.gov.ie
|
| An Greásán
Ceoil
|
Scéim Chapitil Ceoil 2009
Tugtar maoiniú faoin scéim seo d’ealaíontóirí
aonair, buíon ceoil, bannaí ceoil, ceolfhoireann
agus eagras a thugann tacaíocht agus árdán
don cheol. Tá dhá chineál maoiniú
ar fáil. Sa chéad réimse, bronntar
deontas ar eagraíochtaí deonacha agus
neamhphroifisiúnta chun úirlisí
ceoil a cheannacht. Tá ciste iomlán
de €113,000 ar fáil i 200 don chuid seo
den scéim. Sa dara réimse, bronntar
deontas ar cheoltóirí aonarach atá
ag iarraidh uirlis ceoil ardchostasaigh a cheannacht.
Tá gach eolas faoin scéim le fáil
ar an suíomh idirlín. |
|
Spriocdháta
|
02/11/2009
|
|
Eolas
|
Suíomh idirlín:
www.musicnetwork.ie
Teileafón: 01 6719429
Ríomhphost: capitalscheme@musicnetwork.ie
|
| An Greásán
Ceoil
|
Dámhachtain um thaibhiú agus
chamchuairt
Déanann an Chomhairle Ealaíon cómhaoiniú
ar an scéim seo, ach is Music Newtork a riarann
í. Tá sé mar aidhm ag an Dámhachtain
um Thaibhléiriú agus Chamchuairt cabhrú
le ceoltóirí Éireannacha agus
ceoltóirí atá bunaithe in Éirinn
deiseanna taibhléirithe a bhaint amach; deiseanna
fostaíochta méadaithe a thairiscint
do cheoltóirí Éireannacha; bonn
scileanna ealaíontóirí Éireannacha
i réimsí mar phleanáil tionscadail
agus riarachán, féin-phoiblíocht
agus féin-bhainistíocht; agus foinse
nua clár ceoil a thairiscint do thionscnóirí
ceolchoirmeacha, agus do lucht éisteachta araon
ar fud na hÉireann.
I measc na dtionscadal atá incháilithe
tá camchuairteanna, sraith ceolchoirmeacha
agus ceolchoirmeacha aonair a tharlódh áit
ar bith i bPoblacht na hÉireann. Tá
treoirlínte agus bileoga faisnéise forbartha
ag an Music Network chun cabhrú le ceoltóirí
a dtogra a phleanáil roimh iarratas a chur
isteach. Féach ar láithreán gréasáin
www.musicnetwork.ie nó déan teagmháil
leis an eagraíocht |
|
Spriocdháta
|
15 Bealtaine, 2009
|
|
Eolas
|
Seoladh: Clár-Bhainisteoir
Taibhithe, Music Network, Teach an Chóiste
, Caisleán Bhaile Átha Cliath, Baile
Átha Cliath 2.
Teil: +353 1 671 9429
Facs: +353 1 671 9430
Ríomhphost: concertadmin@musicnetwork.ie
Suíomh Idirlín: www.musicnetwork.ie
|
Deiseanna
Eile
| Scoláireacht
Clandeboye – Ranganna Maistireachta do Cheoltóirí
|
Tugtar deis do cheoltórí Éireannacha
a rugadh i ndiaidh 1 Márta 1983 páirt
a ghlacadh i sain-ranganna ceoil leis na ealaíontóirí
cónaithe le linn Fhéile Cheoil Idirnáisiúnta
Clandeboye a bheidh ar siúl ón 17 -22
Lúnasa. Bronnfar 10 scoláireacht le
lóistín agus cothú san áireamh.
|
|
Spriocdháta
|
1 Meitheamh, 2009
|
|
Eolas
|
Ríomhphost: masterclasses@camerata-ireland.com
Suíomh idirlín; www.camerata-ireland.com/
|
| Caisleán Lios
Mhóir – Scoláireacht do Mháistireacht
i Scoil físealaíona Byam Shaw, London.
|
Fáilteofar
roimh iarratais do scoláireacht Caisleán
Lios Mhóir, 2009. Tugann an scoláireacht
seo deis d’fhísealaíontóir
Éireannach freastal ar Scoil Físealaíona
Byam Shaw i gColáiste Naomh Mháirtín
i Londain, Sasana. Is fiú €5,000 an scoláireacht
agus tá sé oscailte do dhaoine a bhfuil
cáilithe leis an MA sna físealaíona
a dhéanamh. |
|
Spriocdháta
|
31 Iúil
|
|
Eolas
|
suíomh idirlín:
www.arts.ac.uk/48871.htm
suíomh idirlín:
www.lismorecastlearts.ie
|
| Darklight: Deis d’Ealaíontóirí
|
Tá
Darklight ag fáiltiú roimh iarratas
ó ealaíontóirí agus ceoltóirí
atá spéis acu páirt a ghlacadh
i bhféile Darklight, 2009. Beidh an fhéile
ar siúl ón 8-11 Deireadh Fómhair,
2009. Is mórfhéile é Darklight
a déanann ceiliúradh ar an gcumasc idir
an scannánaíocht, an anamúlacht,
na físealaíona agus an ceol.
|
|
Spriocdháta
|
3
iúil 2009
|
|
Eolas
|
Ríomhphost; info@darklight.ie
Suíomh Idirlín: www.darklight.ie/submission.php
|
| Gailearaí ‘Samhlaíocht’.
Deiseanna taispeántais.
|
Tá
Samhlaíocht, gailearaí atá lonnaithe
i dTrá Lí, Co. Chiarraí, ag réitiú
chlár físealaíona don bhliain
2010. Is deis mhaith taispeántas é seo
d’fhísealaíontóirí
nó do ghrúpa físealaíontóirí.
Is féidir gach eolas a fháil ar an suíomh
idirlín faoi chriteár, coinníollacha
agus próiseas na scéime
|
|
Spriocdháta
|
10
Iúil, 2009
|
|
Eolas
|
Ríomhphost; trish@samhlaiocht.com
Suíomh Idirlín: www.samhlaiocht.com
|
| Dámhachtán
do Fhísealaíontóirí -
Artlink, Tír Chonaill.
|
Tabharfar
deis do cheathrar físealíontóir
taispeántas físealaíne, (ceann
an duine), a chur ar siúl i bhFort Dunree,
i mBun Cranncha, Dún an nGall. Is é
seo an gailearaí iomadúil a reachtálann
Artlink. Tabharfar gach tacaíocht phroifisiúnta
do na healaíontóirí a roghnófar
agus iad i mbun a gcuid oibre, agus cuirfear béim
ar fhorbairt ghairimúil an ealaíontóra.
Tá an comórtas oscailte do mhicléinn
agus d’ealaíontóirí a bhain
céim amach tar-éis 2004. Fáilteofar
roimh iarratas ó ealaíontóirí
atá ag cleachtadh i ngach réimse de
na físealaíona. I measc na moltóirí
don chomórtas, tá Mark Wallinger, iar-bhuaiteoir
an Turner Prize
|
|
Spriocdháta
|
Dé
Céadaoin 1 Iúil, 2009
|
|
Eolas
|
Seoladh:Artlink, Tullyarvan Mill, Bun Cranncha, Co. Dhún na nGall
Suíomh idirlín: www.artlink.ie
Teileafón: 087 6680107
Ríomhphost: info@artlink.ie
|
| Scoil Násiúnta
an Daingean, Uibh Fáille - Coimisiún
Poiblí sa Cheol.
|
Tugtar
cuireadh do cheoltóir nó do cheoltóirí
iarratas a dhéanamh ar choimisiún poiblí
ceoil. Iarratar ar an té a roghnófar
tionscnamh ceoil a chruthú agus a reachtáil
i Scoil an Daingin le linn an scoil bliain, 2009/2010.
Ní mhór go mbeadh daltaí na scoile
i gcroílár an tionscnaimh. Bheadh súil
gur tionscnamh le torthaí fadthéarmacha
a bheadh ann. Is é an 3 Iúil an spriocdháta.
Má tá breis eolais uait faoin scéim,
ní mhór SAE a sheoladh chuig le an príomhoide:
Eileen Moynihan, Scoil Náisiúnta an
Daingin, An Daingean, Co. Uibh Fháille.
|
|
Spriocdháta
|
3
Iúil
|
|
Eolas
|
Seoladh: Eileen
Moynihan, Scoil Náisiúnta an Daingin,
An Daingean, Co. Uibh Fháille.
|
Oiliúint
|
Teastas Náisiúnta an NYCI
san Ealaíon don Aos Óg, 2009/2010.
|
Is cúrsa bliana é an Teastas san Ealaíon
don Aos Óg a chuireann Comhairle Náisiúnta
na nÓg ar fáil. Faigheann an cúrsa
aitheantas ó Ollscoil Náisiúnta
na hÉireann, Máigh Nuaid. Tá
an cúrsa dírithe ar siúd atá
ag obair go neamhfhoirmeálta san earnáil
oideachais. Foghlaimeoidh na rainnpháirtithe
na buntheoiricí, coincheapanna agus modhanna
cleachtais a bhaineann le cúrsaí ealaíne
do dhaoine óga. Beidh an cúrsa ar siúil
i mBaile Átha Cliath ó mhí Dheireadh
Fómhair 2009 – Bealtaine 2010. Is cúrsa
páirt aimseartha é. Is féidir
gach eolas faoin gcúrsa agus faoin bpróiseas
iarratais a fháil ag na sonraí teagmhála
thíos.
|
|
Dáta
|
|
|
Eolas
|
Ríomhphost: emmet@nyci.ie
Suíomh Idirlín:
www.youtharts.ie
Teileafón: 01 4784122
|
|
Cló Ceardlann na gCnoc –
Ranganna oiliúna sna físealaíona.
|
Tá
Cló Ceardlann na gCnoc, an eagraíocht
físealaíona, ag reachtáil cúrsaí
samhraidh sna físealíona a bheidh ar
siúl sa bharrionad físealaíne
atá acu i gcroílár áilleacht
agus mhaorgacht na gcnoc, i nGaeltacht Thír
Chonaill. Is iad seo a leanas na ranganna a bheidh
siad a chur ar fáil:
Rang ealaíon do phaistí (Children’s
art classes): Rang 1: 30ú Meitheamh –
3ú Iúil & Rang 2: 6ú –
10ú Iúil.
Péinteáil Tírphictiúr
(Landscape painting): Le Heidi Nguyen 13ú –
17ú Iúil
Rang í ndéantús leabhair (Handmade
Artists’ Books) : Le Sarah Bryant 3ú
– 7ú Lúnasa. Eitseáil (Etching):
Le hAoife McGarrigle 17ú – 21ú
Lúnasa.
Photo Eitseáil; “exploring polymer and
photec etching” (Photo etching): Le hAoife McGarrigle
24ú – 26ú Lúnasa.
|
|
Dáta
|
|
|
Eolas
|
Ríomhphost: cloceardlann@eircom.net
Suíomh Idirlín:
www.clo.ie
Teileafón: Marjorie ag 074
9162800
Seoladh: Mín a' Leá, Gort a' Choirce, Leitir Ceanainn, Co. Dhún na nGall
|
Folúntais
|
Acadamh Ríoga Ulaidh
|
Acadamh Ríoga Ulaidh – Áisitheoir
Oideachais
Is é an phríomhsprioc atá ag
an Acadamh ná na físealaíona
traidisiúnta agus comhaimseartha a chur chun
cinn trí chlár leathan oideachais agus
taispeántais a chur ar fáil. Tá
folúntas ag an eagraíocht d’Áisitheoir
Oideachas faoi láthair. Is post sealadach é
seo. Beidh taispeántas bliantúil an
Acadaimh ar siúl i mí Dheireadh Fómhair.
Is é seo an 128ú bliain den thaispeántas
agus beidh sé mar dhualgas ag an Áisitheoir
Oideachtais clár cuimsitheach oideachas a cur
ar siúl mar chuid den taispeántas seo.
Tá tuilleadh eolais faoin bpost le fáil
ar an suíomh idirlín.
|
|
Dáta
|
|
|
Eolas
|
Seoladh: Royal Ulster Academy, 9 -13
Waring Street, Belfast BT1 2DX
Teil: 0044 (0)28 90320819
Ríomhphost:info@ruaonline.com
Suíomh idirlín: www.ruaonline.com
|
Imeachtaí
Ó Bhéal : Léamh
filíochta le hAilbhe Ní Ghearbhuigh, The Hayloft,
Corcaigh.
Cuireann Ó Bhéal, i gcomhpháirtíocht
le Foras na Gaeilge, oíche filíochta le hAilbhe
Ní Ghearbhuigh i láthair sa Haycroft i gcathair
Chorcaigh. Tá dánta le Ní Ghearbhuig
foilsithe in An Guth, Feasta, Crannóg agus Poetry
Ireland Review. D’fhoilsigh Coiscéim a céad
chnuasach filíochta in 2008. Léigh sí
ag féile litríochta Imram agus ghlac sí
páirt i gCuairt na bhFilí go hAlbain. Beidh
an leamh ar siúl san The Hayloft, Sráid Winthrop,
Corcaigh ag 9.00 i.n. Saor in aisce.
Tuilleadh eolais:
Ríomhphost: info@obheal.ie
Suíomh Idirlín: www.obheal.ie/blog/
Teil: 085 7126299
Andrew Duggan & Cindy Cummings
Féile Ealaíona Éigse, 2009.
'9.8 Metres per second' is ainm don tionscnamh atá
curtha i láthair ag an ealaíontóir
Gaeltachta, Andrew Dugann, i gcomhpháirtíocht
leis an damhsóir comhaimseartha, Cindy Cummings.
Beidh an taispeántas ar siúl ón 13-
21 Meitheamh 2009 in ionaid rúnda ar fud bhaile Ceatharlaigh!.
Breis eolais le fáíl ó shuíomh
idirlín na féile.
Tuilleadh eolais:
Suíomh Idirlín: www.eigsecarlow.ie
An Cabaret Craicáilte
Gaoth Dóbhair – an 3ú Satharn de gach
mí.
Tugann an Caberat Craicáilte árdan do cheol
comhaimseartha i nGaeilge agus cothaíonn siad réimsí
nua ceoil agus siamsaíochta trí mheán
na Gaeilge. Bíonn ceoltóirí aitheanta
ag seinnt gach cineál ceol - rap, jazz, ceol domhanda,
reggae, ceol traidisiúnta, rock-ceoil agus go leor
eile. Uaireanta, bíonn cumasc idir na stíleanna
ceoil uilig! Bíonn greann, taibhsiú, filíocht
bheo agus go leor imeachtaí eile. Oíche chraicáílte
den scoth.
Tuilleadh eolais:
Ríomhphost: Ronan.MacAodhaBhui@rte.ie
Suíomh Idirlín: www.craiceailte.com
Teileafón: 097 81079 / 087 2785593
Arás Éanna, Inis
Oirr – Imeachtaí do mhí Iúil
Tá clár leathan d’imeachtaí eagraithe
ag Áras Éanna do mhí Iúil, idir
cheol, fhísealíon agus drámaíocht.
Is é seo a leanas na himeachtaí a bheidh ar
siúl:
Taispeántas na míosa: Ealaíontóirí
Thoraigh. Beidh an oscailt oifigiúil ar siúl
ar an 3 Iúil.
4 Iúil Matt Cranitch agus Jackie Daly
– ceol ar an bhfidil agus ar an mbosca.
11 Iúil Kolkatta Ceol clasaiceach
ón Ind.
12 Iúil: Gearóid Ó Duinnín,
Michelle Ó Brien agus Leonard Barry. Ceolchoirm.
18 Iúil Lasairfhíona Ní Chonaola
amhránaí
24 Iúil Paddy Keenen agus Tommy O Sullivan.
Ceoltóirí.
25 Iúil The Cambria. Dráma
leis an aisteoir Dónal O Kelly.
Beidh ceardlann drámaíochta ar siul le Sorcha
Fox agus Dónal O Kelly an tráthnóna
sin. Is í Ciara Foster an ealaíontóir
cónaithe an mhí seo.
Beidh neart imeachtaí eile ar siúl i rith
na míosa. Breis Eolais le fáil ag na sonraí
teagmhála thíos.
Tuilleadh eolais:
Ríomhphost: araseanna@eircom.net
Suíomh Idirlín: www.araseanna.ie
Teileafón: 099 75150
Cathal Ó Searcaigh and
Tommy Peoples. Gort a Choirce
Cuirfidh an file Cathal Ó Searcaigh agus an ceoltóir
Tommy Peoples oíche ceoil agus filíochta ar
siúl mar chuid de Fhéile an Earagail. Léifidh
Ó Searcaigh as a shaothar nua filíochta agus
a chuimhní cinn. Beidh an ócáid seo
ar siúl i dTeach Maggie Dan’s i nGort a Choirce,
Co. Dhún na nGall ag 10.00 i.n. Cead isteach: €10.
Tuilleadh eolais:
Ríomhphost: info@eaf.ie
Suíomh Idirlín: www.eaf.ie
Teileafón: 074 916 8800
Dúch /Liv / Encre Taispeántas
físealaíne le Seán Ó Flaithearta
Is taispeántas meán measctha é Dúch/Liv/Encre
leis an ealaíontóir Árannach Seán
Ó Flaithearta. Tá pictiúir ollmhóra
agus líníochtaí sa taispeántas,
mar aon le suiteáil ealaíne ar an urlár,
‘Geansaí Iascaire’, geansaí mór
Árannach atá déanta as faochain. Chomh
maith leis sin beidh ‘Dúch na mBocht’
ar taispeáint, fís-scannán gearr ina
n-úsáidtear taifeadadh caointeoireachta a
rinneadh in Árainn sna 1950í. Úsáideann
an t-ealaíontóir meirg, ceilp, dóib,
gaineamh, tarra agus luaith ina shaothar, mar aon le gnáthábhair
ealaíne. Tá taispeántas seo an Fhlaitheartaigh
bunaithe ar thaighde antraipeolaíoch faoi ghinealach
mhuintir Árann. Beidh an taispeántas ar siúl
in Aonad Cartlannaithe Oireachtas na Gaeilge ón 14
- 21 Iúil 2009 Beidh sé ar siúl ina
dhiaidh in Eastát Tionsclaíochta Chasla, Casla,
Co. na Gaillimhe. Beidh an taispeántas ar oscailt,
Luan go hAoine, ó 10.00 a.m. - 4.00 p.m. Beidh sé
á thabhairt chuig Féile Idircheilteach Lorient
(31 Iúil - 9 Lúnasa 2009), áit a mbeidh
sé ar crochadh in Hôtel Gabriel, Lorient.
Tuilleadh eolais:
Ríomhphost: mairin@antoireachtas.ie
Suíomh Idirlín: www.antoireachtas.ie
Teileafón: 091 572 545
Joan Clancy Ceardlann Drámaíochta.
An Rinn, Co Phort Láirge
Tá Joan Clancy ag cur ceardlann drámaíochta
THE JOAN CLANCY DRAMA WORKSHOP le hEALAÍN ar siúl
le haghaidh páistí idir 7 – 12 bliain
d’aois. Tá béim ar thubchumadóireacht,
mím, cruthú múnlaí, srl. Tá
an t-ionad ina mbeidh sé ar siúl suite i Maoil
a’ Chóirne, An Rinn í nGaeltacht Co
Phort Láirge, gar do Choláiste na Rinne. Níl
slí ach do mhéid teoranta páistí.
Beidh sé ar siúl ón 29 Meitheamh go
dtí an 3 Iúil 2009 ó 10rn go dti 3in.
Táille: €100
Tuilleadh eolais:
Ríomhphost: info@joanclancygallery.com
Teileafón: Joan ar (058) 46205 nó
086 813 4597
Titim Icarus – Taispeántas
físealaíne An Gailearaí, An Fál
Carrach.
Is ealaíontóir Gaeltachta é ‘Quille’
a chuireann iallach orainn amharc síos ar an talamh
ó airde neamhchinntithe. Ina chuid péintéireachta
de thaoidí trá, scrúdaíonn an
t-ealaíontóir doimhne na tanúlachta
lasmuigh agus lastigh araon. Osclaíonn an taipspeántas
seo ar an 3 Iúil agus leanann sé ar aghaidh
go dtí an 29 Lúnasa.
Tuilleadh eolais:
Seoladh: An Gailearaí, Gailearaí na gCroisbhealach, An Fál Carrach.
Ríomhphost: ceardlann@eircom.net
Suíomh Idirlín: www.angailearai.com/
Teileafón: 074 9165594
St. Kilda- Scéal Oileáin:
Ionad an Bhlascaoid, Dun Chaoin, Co. Chiarraí
Léacht léirithe faoi oileánra St. Kilda
in Albain leis Alasdair Mac Eachain. Beidh an léacht
ar siúl ar an 5 Iúil, 2008 ag 4.00 i.n.
Tuilleadh eolais:
Ríomhphost: daithi.demordha@opw.ie
Suíomh Idirlín: http://www.dunchaoin.com/Ionadanbhlascaoidmhoir/Imeachtai.htm
Teileafón: (066) 9156444, 0879778871
Taibhdhearc na Gaillimhe –
Cripil Inis Meáin
Beidh an dráma le Martin McDonagh, Cripil Inis Meáin
ar siúl in Amharclann Chois Fharraige,
Seanscoil Sailearna, Indreabhán ón 14 - 18
Iúil 2009. Tá an dráma léirithe
ag an drámadóir iomráiteach Beartla
M. Ó Flatharta agus ba é Micheál Ó
Conghaile a d’aistrigh an dráma. Is é
Dara McGee atá mar dhearthóir seite. Páirteach
san dráma, tá na haisteoirí: Bríd
Ní Neachtain, Darach Ó Dubháin, Bridie
Ní Churraoin, Micheál Ó Dubhghaill,
Brídín Nic Dhonnacha, Micheál Seoige,
Seán Ó Flatharta, Breandán Ó
Muirí agus Áine Ní Dhroighneáin.
Breis eolais ó Taibhdhearc na Gaillimhe
Tuilleadh eolais:
Suíomh Idirlín: www.antaibhdhearc.com
Teileafón: (091) 563600
Áirithintí: Féile
Ealaíona na Gaillimhe
www.galwayartsfestival.com / (091) 566577
Glórthaí Uladh le
Cór Thaobh a Leithead agus Cór Loch Laoi
Is ceiliúradh ar cheol traidisiúnta Ghaoth
Dobhair é an cheolchoirm seo. Ghlac Doimnic Mac Giolla
Bhríde 10 n-amhrán traidisiúnta agus
rinne sé cóiriúchán úr
orthu do chór, ceathairéad téadach,
cláirseach agus píob uilleann. Tabharfar le
chéile dá chór ina mbeidh suas le 50
glór ann agus beidh siad ag canadh le ceoltóirí
traidisiúnta aitheanta ar nós Ciarán
Ó Maonaigh, Aidan Ó Dónaill agus Damien
McGeehan. Tá an ceolchoirm ar siúl in Ionad
Cois Locha ar an 12 agus 13 Iúil ag 8.30 i.n. Tá
an cheolchoirm a reachtáil mar chuid de Fhéile
an Earagail.
Tuilleadh eolais:
Suíomh Idirlín: www.eaf.ie
Teileafón: 074 9120777
'Faobhar an Iarthair': taispeántas
le Bob Ó Cathail. An Neidín, Co. Chiarraí,
Beidh 'Faobhar an Iarthair' péintéaracht nua
le Bob Ó Cathail ar thaispeáint san óstán
Sheen Falls Lodge, Neidín (Kenmare), Co. Chiarraí,
ag tosnú ar 1ú Iúil agus ag leanúint
ar feadh na míosa. Beidh fáilta roimh cách.
Tuileadh Eolais
Bob Ó Cathail, Solamar Art Studio, Baile an tSléibhe,
Ceann Trá, Co. Chiarraí
Tuilleadh eolais:
Suíomh Idirlín: www.bobcahill.com
Teileafón: 066 - 9159716 / 087 -
2765355
Oideas Gael, Gleanncholmcille
– Ceolchoirmeacha Ceoil
Tá sraith cheolchoirmeacha eagraithe ag Oideas Gael
an eagraíocht a chuireann laethana saoire chultúrtha
agus teanga ar siúl i nGleannCholmCille. Is é
seo an clár ceoil atá leagtha amach acu don
shamradh seo:
8.07.2009 Vincent, Jimmy & Peter Campbell
Clann Uí Chathmhaoil, na Gleanntaí
15.07.2009 Emer Mayock & Dónal Siggins
Fliút, feadógm fidil, píobaí
uillinn
22.07.2009 Máire Ní Bhraonáin
& Ashley Davis Máire as Clannad le aoi
Ashley Davis
29.07.2009 Feis na hAlban - ceoltóirí
as Albain agus Éirinn Scoil Shamhraidh Oideas
Gael
31.08.2009 Rónán Galvin & ceoltóirí
áitiúla + Clann Uí Mhaolciaráin,
Inis Mór Ceolchoirm ceiliúrtha 25
bliain Oideas Gael
12.08.2009 Tara & Dermot Diamond Muintir
Uí Dhíomóin as Béal Feirste
19.08.2009 Ciarán Ó Maonaigh, Aidan
O'Donnell, Damian McGeehan An glún óg
de cheoltóirí Thír Chonail
26.08.2009 Tommy Peoples Ar dhuine de na
fidléirí is fearr ar fáil
3-8 Lúnasa Cairdeas na bhFidléirí
Tá Oideas Gael le fáil ar Facebook
Tuilleadh eolais:
Suíomh Idirlín: www.Oideas-Gael.com
Teil: +353 (0)74 973 0248
Facs: +353 (0)74 973 0348
Loinnir 2009 – An Cosán
Glas
Cuirfidh ealaíontóirí ‘An Cosán
Glas’ an seó suntasach seo i láthair
aríst i mbliana mar chuid de Fhéile an Earagail.
Déanfar cumasc idir dealbhóireacht, scannánaíocht
agus ceol, i measc na ndumhach gaineamhacha ar thrá
Mhachaire Rabhartaigh. Is ceann de bhuacphointí na
féile é an cosán dealbhóireachta
seo.
Tuilleadh eolais:
Suíomh Idirlín: www.eaf.ie
Teileafón: 074 9120777
An Clachán, Gaoth Dobhair
– Taispeántas le Paul Rooney.
Tá Lámha Inspiorádie tar-éis
athbhrandáil a dhéanamh. Is ‘An Clachán’
an t-ainm úr atá ar an ionad ealaíne
atá acu in Óstán na Cúirte,
Gaoth Dobhair. Tá taispeantas le Paul Roony ‘Oíche
agus Solas’ ar siúl faoi láthair. Beidh
sé ar siúl go lár mí Íúil.
Tuilleadh eolais:
Suíomh Idirlín: www.anclachan.ie
Teileafón: 074 9560091
Féiltí
Féile
Iorrais, Béal an Mhuirthead, Co Mhaigh Eo.
Féile idirnáisiúnta sna hEalaíona
Tuaithe. Réimse leathan d’imeachtaí
ealaíona agus ceoil. Grúpaí idirnáisiúnta,
ceoltóirí áitiúla, dearcealaíon
agus neart imeachtaí eile.
17 – 26 Iúil, 2009
Breis eolais: www.feileiorras.org
Féile Ealaíne
an Earagail.
Imeachtaí Ealaíne ar siúl ar fud chontae
Dhún na nGall. Féile idirnáisiúnta
ealaíne. Bíonn réimse leatha d’imeachtaí
i nGaeilge ar siúl in ionaid éagsúla
ar fud na Gaeltacha.
4 – 18 Iúil, 2008.
Breis eolais www.eaf.ie
Soilsí Thoraí
Oileán Thoraí, Co Dhún na nGall.
Féile cheoil, ealaíne agus amhránaíochta
a eagraítear mar chuid d’Fhéile Ealaíne
an Earagail. Déantar ceiliúradh ar shaibhreas
cultúrtha an oileáin agus cuirtear imeachtaí
ealaíne comhaimseartha ar siúl.
17ú – 19ú Iúil
Breis Eolais: http://www.angailearai.com/
Scoil Samhraidh Fidléireachta Ghleann Cholm
Cille
Ghleann Cholm Cille, Co Dhún na nGall
Scoil ceoil agus féile ceoil traidisiúnta.
Ceolchoirmeacha, ranganna, ceardlanna agus seisiún
ceoil. Tá an fhéile seo eagraithe ag Ceol
sa Ghleann
Breis eolais agus dátaí na bliana seo ag:
www.ceolsaghleann.com
Féile Tine Ghuagán Barra
Féile ilghnéitheach ealaíne agus ceoil.
Eagraítear neart imeachtaí, idir cheol traidisiúnta,
drámaíocht, taispeántais ealaíne
agus eile. Tugtar aitheantas do na healaíona dúchasacha
i gceantar Ghuagán Barra.
19 – 21 Meitheamh.
Breis eolais: gouganebarrahotel@eircom.net
Féile Thraidisiúnta Chnoc Fola.
Cnoc Fola, Co. Dhún na nGall.
Féile chultúrtha a dhéanann ceiliúradh
ar an seansaol traidisiúnta, ar cheirdeanna traidisiúnta
agus ar ghnásanna traidisiúnta an cheantair.
31 Iúil – 2 Lúnasa.
Breis Eolais: Cumann Forbartha Ghaoth Dobhair. (074) 9532208
Nascanna
Tá
na suíomhanna idirlín seo a leanas úsáideach maidir le nuacht
agus deiseanna eagsúla.
http://www.creativecareers.ie
- Creative Careers
http://www.eurocult.org
- European Cultural Foundation
http://www.kildare.ie/crookedhouse/forum
http://www.artscouncil.ie/irish/index.htm
- An Chomhairle Ealaíon
www.artsmanagement.ie - Cúrsa
Bainsitíocht Ealaíon & Polasaí
Cultúrtha. Tá mórán eolais suimiúil
faoin saol ealaíon in Éirinn le feiscint ann.
http://www.musicnetwork.ie - Suíomh
acmhainneach maidir leis an gceol - deiseanna, camchuairteanna
agus eolas ghinearálta maidir le cúrsaí ceoil sa tír.
http://www.forumformusic.ie - Forum
don Cheol in Éirinn
http://www.visualartists.ie/ - Suíomh
acmhainneach maidir leis na dearcealaíona
http://www.poetryireland.ie
- Suíomh Éigse Éireann.
http://www.communityartsireland.com/
- Suíomh tacaíochta maidir le hEalaíon Pobal.
http://www.aoifeonline.com Suíomh
tacaíochta maidir le heagrú féilte
http://www.cultureireland.gov.ie.
Cur chun cinn na nealaíon thar lear agus comhpháirtíocht idirnáisúnta a
chothú. Fógraítear deontais ceithre huaire in aghaidh na bliana. An chéad
spriocdháta eile, 14 Lúnasa
http://www.business2arts.ie -
eolas agus cúrsaí úsáideach maidir leis na healaíona agus gnó.
http://ec.europa.eu/grants/index_en.htm#cult
suíomh achmhainneach maidir le deontais, cistí agus cláir an Aontais
Eorpaigh
Séanadh
Ní ghlacann Ealaín na Gaeltachta Teo., Údarás na
Gaeltachta ná an Chomhairle Ealaíon freagracht ar bith as
aon chaillteanas a d'fhéadfadh eascairt as a bheith ag brath
ar an eolas atá sa nuachtlitir seo.
|
|
