|
|
Nuacht
Fáilte chuig R-nuachtlitir na míosa seo.
“Tá ról an-suntasach ag na healaíona
i gcomhthéacs gheilleagar na hÉireann agus
is féidir leo a bheith mar ghníomhaí
a spreagann poist agus infheistíocht”.
Ba í seo an phríomh argóint a áitíodh
i tuairisc cheannródaíoch
a d’fhoilsigh an Chomhairle Ealaíon
ag tús mí na Samhna. Tugtar le fios sa tuairisc,
atá scríofa ag príomheacnamaí,
go bhféadfadh tionchar geilleagrach na n-ealaíon
a bheith níos mó ná mar a cheapann
anailísithe agus lucht déanta beartas de ghnáth.Tacaíonn
maoiniú €76 milliún
ón gComhairle Ealaíon d’eagraíochtaí
ar fud na tíre le breis is 3,000 post,
gineann sé láimhdeachas €192
milliún agus cuireann sé €54
milliún díreach ar ais sa Státchiste
i bhfoirm cáin ioncaim, CBL, agus cánacha
eile. Tá tionchar geilleagrach earnáil níos
leithne na n-ealaíon níos mó ná
mar a raibh súil leis freisin; gineann sí
Breisluach Comhlán €782 milliún, caiteachas
iomlán €1.8 billiún, 26,519 post agus
ioncam cánach €352 milliún.
Léiríonn an tuairisc freisin an ról
suntasach atá ag na healaíona sna tionscail
chruthaitheacha, áit ar ionann an Breisluach
Comhlán agus €5.5 billiún, agus ar ionann
an fhostaíocht iomlán agus 96,000.
Cé nár ceart na healaíona a mheas ar
fhorais gheilleagracha amháin, is léir ón
tuairisc seo gur earnáil thábhachtach, dhlúthfhostaíochta
í, agus is mór an cabhair í an tuairisc
seo dóibh siúd atá ag iarraidh cur
in iúl gur earnáil thábhachtach í
earnáil na nEalaíon. Is féidir an tuairisc
a íosloadáil ag: http://www.artscouncil.ie/Publications/Arts%20Council%20-%20Economic%20Impact%20-%20Final%20Report.pdf
Míle buíochas do gach duine a ghlac páirt
sa shuirbhé a eagraíodh mar chuid den iniúchadh
atá Ealaín na Gaeltachta a dhéanamh
ar ghníomhaíocht agus ar acmhainní
ealaíona na Gaeltachta. Gabhfaidh muid buíochas
mór, freisin, leis na na daoine uilig a d’fhreastail
ar na grúpaí fócais agus na cruinnithe
poiblí. Bailíodh go leor eolais úsáideach
agus fóinteach, agus nochtaíodh tuairimí
agus smaointe fiúntacha. Rachaidh siad uilig chun
tairbhe agus bainfear an-leas astu agus muid ag pleanáil
don todhchaí. Foilseofar an tuarisic gan mhoill.
Míle buíochas freisin do na heagraíochtaí
a chur iarratas itseach do Scéim Fhorbartha
na nEalaíon/Scéim na bhFéilte Ealaíon
2010. Tháinig ardú ar líon
na n-iarratas i mbliana, rud a léiríonn go
bhfuil cúrsaí ealaíne beo beathaíoch
sa Ghaeltacht. Ní mhór do na hiarrthóirí
a bheith ar an airdeall faoin foláireamh
tábhachtach a bhaineann leis na scéimeanna
i mbliana. Tá maoiniú na scéimeanna
ag brath ar an leibhéal maoinithe a bheith ar fáil
d’Ealaín (na Gaeltachta) Teo. ón Chomhairle
Ealaíon agus Údarás na Gaeltachta don
bhliain 2010, agus déanfar athbhreithníú
ar na scéimeanna dá réir. Cé
go mbeidh sé tús na bliana 2010 sula mbeidh
sé ar chumas na bpáirtnéirí
thuasluaite an leibhéal maoinithe sin a dheimhniú,
chinn Ealaín (na Gaeltachta) Teo., iarratais a lorg
ag an am seo le go mbeifear ullmhaithe i gcomhair meastóireachta
nuair a bheidh an deimhniú sin ar fáil.
Comghairdeachas le foireann Guth Gafa a
bhuaidh gradam sa chatagóir Best Total Marketing
Message i gcomórtas Carlton Best
of Festival Marketing Award. Bhuaidh Féile
an Earagail gradam sa chomórtas céanna sa
rannóg, Best Programme Design. Tá
an comórtas seo faoi stiúir AOIFE (Cumann
na bhFéilte Eireannacha).
Ta 25 sceal Biobla foilsithe i nGaeilge nadurtha na Gaeltachta
agus an eagraíocht Lorum. Ta na
scealta scriofa i vearsaiocht alainn a mheallfaidh idir
og agus aosta, agus ta learaidi galanta landaite ag dul
leo a fhanfaidh ina gcuimhne go ceann i bhfad! Breis eolais
ag: www.lorlum.ie
Mar is gnáth, is mór an méid deiseanna
deontas agus deiseanna eile atá fógraithe
i ríomhlitir na míosa seo. Le hais sin, tá
eolas ar na himeachtaí ealaíona agus cultúrtha
Gaeltachta nó Gaelacha atá ar siúl
an mhí seo.
Déan teagmháil linn ag ealain@udaras.ie
má tá aon eolas breise i dtaobh scéimeanna
& r.l. de dhíth nó má tá
aon bhlúirín nuachta don gcéad r-nuachtlitir
eile.
Comhdháil
|
“Trade”/ Semineár
Trádála, The Dock, Co Liatroma.
|
Is
comhfhiontar físealaíne idir Comhairle
Contae Ros Comáin agus Comhairle Contae Liatroma
é “Trade”. Is é an aidhm
atá ag an gcúrsa ná teagmháil
agus caidreamh a chothú idir físealaíontóirí
na tíre seo agus an domhan mor. Cuirtear in
iúl gur bhaill de thógáil domhanda
é nó í an t-ealaíontóir
tuaithe, agus gur féidir leo labhairt leis
an domhan mór agus nascanna a chruthú
le físealaíontóirí ar
fud na cruinne. Is comhdháil trí lá
é Trádála, áit a bhailíonn
físealaíontóirí agus gníomhaithe
ealaíne náisiúnta agus idirnáisiúnta
le chéile. I measc na n-aoíchainteoirí
i mbliaina tá, John Gibbons, Darren Almond,
Rod Menghan, Brian Dillon, Anna McLeod and Christine
Mackey. Is iad Aideen Barry, Valerie Connor, Tessa
Giblin, Mike Fitzpatrick agus Declan McGonagle na
háisitheoirí. Táille: €30
| Baill de eagraíochtaí: €120.
Lón agus dinneár san áireamh.
|
|
Dáta
|
4-5
Nollaig
|
|
Eolas
|
Suíomh idirlín:
www.leitrimarts.ie/trade
|
|
IMMA – Léachtáí
agus cainteanna, Geimhreadh 2009.
|
Tá
sraith de léachtaí agus cainteanna ar
réímsí éagsúla
de na físealaíona eagraithe ag IMMA
i rith an gheimhridh. Beidh siad ar siúl in
ionad IMMA san Ospideál Ríoga i gCill
Mhaighneann, Baile Átha Cliath. Tá sraith
léachtaí le físealaíontóirí
ar nós Alan Phelan, Philippe Parreno agus Lunda
Benglis eagraithe agus pléfar téamaí
éagsúla agus na cineálacha físealaíona
éagsúla. Tá gach eolas agus amchlár
le fáil ag na sonraí teagmhála
thíosluaite.
|
|
Spriocdháta
|
|
|
Eolas
|
IMMA, An Ospideál Ríoga, Cill
Mhaighneann, Baile Átha Cliath 8.
Teil: 01 6129900
Suíomh idirlín:
www.imma.ie
R-phost: sophie.byrne@imma.ie
|
Oiliúint
| Ceardlanna Oiliúna
sa Fhorbairt Ghairmiúil – Físealaíontóiri
na hÉireann agus An Monarcha Náisiúnta
Dealbhóireachta.
|
Ta clár leathan de cheardlanna oiliúna
eagraithe don gheimreadh ag an dhá eagraíocht
. Is dóibh siúd atá ag iarraidh
cur lena gcuid scileanna cleachtais agus scileanna
praicticúla atá na ceardlanna dírithe.
Tá na cúrsaí feiliúnach
d’ fhísealaíontóirí
atá ag iarraidh feabhais a chur ar a gcuid
modhanna cleachtais agus díreoidh sé
ar chúrsaí bainistíochta, riaracháin
agus gnó chomh maith. I measc na n-ábhar
a chuirfear ar fáil, beidh an Chuntasaíocht;
Airgeadas; Dlí agus an Físealaíontóir;
poiblíocht agus margaíocht; An t-idirlíon
agus an Físealaíontóir; Peer
critique; agus go leor ábhair eile. Ta breis
eolais faoi na cúrsaí uilig agus cóip
den churaclam le fáil ag: www.visualartists.ie/Services/sfr_current_prog.html
|
|
Dáta
|
Spriocdhátaí
do na cúrsaí éagsúla le
fáil ón eagraíocht.
|
|
Eolas
|
Visual
Artists Ireland
Teil: 01 8722296
Suíomh idirlín:
www.visualartists.ie
R-phost: monica@visualartists.ie
National Sculpture Factory
Teil: 021 4314353
R-phost: elma@thenationalsculpturefactory.com |
| MA san Ealaíon
Poiblí, Ollscoil Uladh, Beál Feirste.
|
Déanann an cúrsa seo iniúchadh
ar ról an ealaíontóra agus ról
na healaíne sa shochaí agus sa shaol
poiblí. Forbaítear modh cleachtais phoiblí
a chothaíonn an rainnpháirtíocht,
comhoibrú agus comhfhiontar, an idirbheartaíocht
agis an idirghabhálaíocht. Cuirtear
béim ar structúr agus cur cuige tógraí
agus smaointe. Reachtáltar an cúrsa
thar thréimse 18 mí. |
|
Dáta
|
Dátaí le fail
ón eagraíocht.
|
|
Eolas
|
Suíomh idirlín: www.interface.ulster.ac.uk/ma4/
www.interfacebelfast.com
www.uupadb.com
|
| Ranganna ceardaíochta:
Ionad Bhalor: Oileán Thoraí, Co. Dhún
na nGall
|
Is ionad Ceardaíochta agus eolas do Thurasóirí
é Ionad Bhalor atá lonnaite ar Thoraigh.
Tá an t-ionad, i gcomhair le Comhair le Comhar
Chumann Thoraí, ag reáchtáil
ranganna ceardaíochta i agus ranganna. Is iad
seo a leanas na ranganna atá ar fáil
faoi láthair:
Casadh adhmad - Dé Sathairn 10ú &
Dé Domhnaigh 11ú Eanair 2010
Ceardlann sa seodraíocht - De Sathairn 16ú
& Dé Domhnaigh 17ú Eanáir
|
|
Dáta
|
Níl Spriocdháta
i gceist.
|
|
Eolas
|
Teil: +353 87 2280310
R-phost: ionadbhalor@live.com
Suíomh idirlín: www.ionadbhalor.com
|
Deiseanna
Deontais
| An Chomhairle Ealaíon
|
Dámhachtain sparánachta
Tá síneadh ama curtha leis an spriocdháta
don chéad bhabhta eile de dhámhachtainí
Sparánachta (5 Samhain 2009 a bhí ann
ar dtús) agus is é an spriocdháta
nua ná an 21 Eanáir 2010.
Seo a leanas na foirm ealaíne atá faoi
réir: Ailtireacht, Na healaíona rannpháirteachais,
Rince, Scannáin, Litríocht an Bhéarla,
Litríocht na Gaeilge, Ceol, Téatar,
Na healaíona traidisiúnta, Na físealaíona
Suim
a dámhadh: €15000
|
|
Spriocdháta
|
|
|
Eolas
|
Teil: Kate ODonnell (Awards Officer)
R-phost: awards@artscouncil.ie
Teil: 01 618 02 36
|
Deiseanna
Eile
| Artlink, Bun Crannach,
Co. Dhún na nGall /Coiste Baile Slachtmhara
Bun Crannacha - Deis d’fhísealaíontóirí.
|
Fáiltíonn Artlink roimh iarratais don
choimisiún físealaíne náisiúnta,
What Else?, atá á eagrú i gcomhar
leis an gCoiste Bhaile Slachtmhara, Bun Crannacha.
Le duaischiste de €5,000, beidh Artlink ag súil
go dtabharfaidh an coimisiún spreagadh d’fhísealaíontóir
ildánach saothar físealaíne nuálach
a chruthú. Beidh áit bhuan ag an bpíosa
físealaíne ar láthair ar imeall
an bhaile, ar bhóthar Dhoire.
|
|
Spriocdháta
|
Luan 14 Nollaig
|
|
Eolas
|
Teil: 074936 3469
Ríomhphost: info@artlink.ie
|
| Centre Culturel Irlandais,
Páras - Tréimshe cónaithe. 2010/2011
|
Fáiltíonn
Centre Culturel Irlandais i bParás, An Fhrainc,
roimh iarratais do scéimeanna tréimshe
cónaithe atá ag reachtáil acu
ó mhí Mheán Fómhair 2010
go Mí Iúil, 2011. Is deis iontach é
seal a chaitheamh ag obair mar ealaíontóir
i gcathair spreagúil agus spleodrach. Cuirfear
fáilte roimh iarratais ó ealaíontóírí
Gaelacha atá ag saothrú mar ealaíontóir,
gach cineál ealaíne san áireamh.
Cuirfear costais taistil, lóistín agus
cothú san áireamh agus bronnfar sparántacht
de €700 an mhí ar na daoine a roghnófar.
|
|
Spriocdháta
|
29
Eanáir 2010
|
|
Eolas
|
Seoladh: Sheila Pratschke, Director,
at:
Centre Culturel Irlandais, 5, rue des Irlandais, 75005
Paris
Suíomh idirlín; www.centreculturelirlandais.com
Ríomhphost:
spratschke@centreculturelirlandais.com
|
| Gradam Colmcille- Féile
Idirnáisiúnta Filíochta Bhéal
Átha na mBuillí
|
Is
ar phíosa filíochta nua i nGaeilge nó
i nGadhlig (nár foilsíodh riamh cheana)
a bhrronntar Duais Cholmcille/ Béal Átha
na mBuillí. Bronnfar €4,000 don chéad
áit, €2,000 don dara háit agus
€1,000 don triú háit. Tabharfar
cuireadh do na buaiteoirí na dánta a
léamh ag Féile Idirnáisiúnta
Filíochta Bhéal Átha na mBuillí
i 2010 agus bronnfar táille €400 orthu
dá bharr.
|
|
Spriocdháta
|
5
Feabhra 2010
|
|
Eolas
|
Téil: 01 671 9278
Suíomh idirlín; http://www.poetryireland.ie/resources/
competitions.php?id=762
|
| Comórtas Idirnáisiúnta
Cumadóireacht Ceoil Leictreofhuaimiúil
(Electroacoustic)
|
Is
comhfhiontar idir RTÉ lyric fm agus The Centre
for Computational Musicology and Computer Music (CCMCM,
Ollscoil Luimnigh) é an comórtas idirnáisiúnta
seo. Tugann an comórtas árdán
do chumadóirí ceoil atá ag teacht
in inmhe i saol an cheoil. Bronntar coimisiúin
ceoil, ar fiú €3,000 é, ar an mbuaiteoir.
Cumfaidh an buaiteoir píosa ceoil leictreofhuaimiúil
idir 8 – 10 noimeád ar fhad . Léireofar
an píosa ceoil ar stáite mar chuid den
shraith ceolchoirmeacha, ‘Soundings’ a
eagraíonn an CCMCM. Craolfar an ceol ar RTÉ
lyric FM freisin.
|
|
Spriocdháta
|
22
Eanair 2010
|
|
Eolas
|
Suíomh idirlín; www.rte.ie/lyricfm/nova
|
| Comhairle Cheardaíochta
na hÉireann (CCOI)
|
Eagraíonn
an CCOI sraitheanna ranganna agus ceardlanna ar bun
rialta, mar aon leis cúrsaí oiliúna,
léachtaí agus imeachtaí. Tugann
siad comhairle agus cabhair d’ealaíontóirí
ceardaíochta agus tá roinnt deiseanna
eile a chuireann siad ar fáil. Tá an
t-eolas uilig le fáil ar an suíomh idirlín.
|
|
Spriocdháta
|
|
|
Eolas
|
Téil: +353 (0)56 7761804
Facs: +353 (0)56 7763754
Ríomhphost:
info@ccoi.ie
Seoladh:
Crafts Council of Ireland, Castle Yard, Kilkenny,
Ireland
|
% Ealaíona
|
Sticky Fingers - Ealaíon do naoínán
agus daoine óga
|
Cuireann
Sticky Fingers, eagraíocht ealaíon náisiúnta,
fáilte roimh ghrúpaí nó
roimh fhísealaíontóirí
aonair iarratais a chur isteach ar choimisiún
ealaíon poiblí. Píosa ealaíne
buaine atá i gceist, agus ní mhór
go mbeadh sé nuálach agus ar ardchaighdéan.
Is ó smaointe agus samhlaíocht an aosa
óig i gceantar an Iúir. Beidh an píosa
ealaíne ar shuíomh taobh leis an mhórbhealaigh
idir an t-Iúr agus Baile Átha Cliath.
Tá buiseád de 45,000 punt curtha ar
fáil don choimisiún.
|
|
Spriocdháta
|
7
Nollaig
|
|
Eolas
|
Suíomh idirlín:
www.stickyfingersarts.co.uk
Ríomhphost: elaine@stickyfingersarts.co.uk
|
|
Cathair Ard Mhacha – Coimisiún
- Ealaíon Poiblí
|
Fáiltíonn
Cuireann Comhairle na gCathrach, Ard Mhacha roimh
iarratais ar choimisiún ó ealaíontóirí
le píosa ealaíona poiblí buaine
a chruthú. Beidh an píosa suite i gceantar
na margaí i lár chathair Ard Mhacha.
Is fiú GBP75,000 an coimisiún. Gach
eolas faoin bpróiseas iarratais agus critéar
na scéime le fáil ag na sonraí
teagmhála thíos:
|
|
Spriocdháta
|
8
Eanair, 2009
|
|
Eolas
|
Teil: 0044 (0)28 37529632 nó
0044 (0)28 42729011
Ríomhphost:
dawn.park@armagh.gov.uk
nó
cathie@culturalmanagementservices.com
|
Folúntas
|
U2 / Ciste na hÉireann - An Clár
Náisiúnta in Oiliúnt Ceoil
|
Folúntas
do Stiúirthóir Tionscnaimh.
Is folúntas do stiúirthóir Tionscnaim
é seo. Is post dúshlánach é
agus beidh an té a roghnófar freagrach
as bainistíocht, riarachán agus eagrú
ar mhórthionscnamh ceoil a reachtálfar
go náisiúnta. Ní mhór
taithi chuimsitheach i gcúrsaí bhainistíocht
tograí a bheith ag an iarratasóir, agus
dianthuiscint aige nó aici ar an gceol agus
ar chúrsaí oideachais. Críteár
agus tuilleadh eolais le fáil ar shuíomh
idirlín An Líonra Ceoil.
Breis eolais faoin bpost le fáil ag www.musicnetwork.ie
|
|
Spriocdháta
|
7
Nollaig
|
|
Eolas
|
Suíomh idirlín:
www.musicnetwork.ie
Ríomhphost: info@musicnetwork.ie
|
|
Zoogon TV
|
Léiritheoir
Sinsearach
Tá folúntas fógraithe do léiritheoir
Sinsearach leis an gcomhlacht léiriúcháin
teilifíse, Zoogon, atá lonnaithe i mBéal
Feirste. Ní mhór Gaeilge líofa
a bheith ag an iarratasóir mar aon leis scileanna
i léiriúcháin teilifíse,
san airgeadas agus sa bhainistíocht. Tá
gach eolas faoin bpost le fáil ag : www.zoogon.tv/
nó www.telegael.com
|
|
Spriocdháta
|
Níl
spriocdháta luaite leis an bpost.
|
|
Eolas
|
Suíomh
idirlín: www.zoogon.tv/
nó www.telegael.com
|
|
Turasóireacht Iorras Teo.
|
Bainisteoir
Forbartha agus Feidhmiuchán Díolacháin
Is dhá phost atá igceist, Bainsiteoir
Forbartha chun an Tionscail Turasóireachta
a chur chun cinn, go hairid táirgí a
ullmhú chun freastal ar na margadh cuí
sna táirgí seo a leanas; galf, siúlóidí,
rothaíocht, nádúr agus cultúra.
Tá post Feidhmeannach Díolacháin
fógraithe freisin. Beidh an té a cheapfear
ag díol pacáistí turasóireachta
bunaithe ar an táirge galf, siúlóidí,
rothaíocht, nádúr agus cultúrtha.
Tá gach eolas faoin bpost le fáil ag
: www.erristourism.com
|
|
Spriocdháta
|
11
Nollaig
|
|
Eolas
|
Suíomh
idirlín: www.erristourism.com
Seoladh: Carne Golf Links
, Carne , Béal A Mhuirthead, Co. Mhaigh Eo.
Ireland
|
Imeachtaí
Taibhdhearch na gGaillimhe, Seod
na Nollag.
Aoine 4ú & Satharn 5ú Mí
Nollaig, 8.00 i.n.
Beidh mór-cheoldráma i nGaeilge agus mórchlaisicí
cheol Gaelach na hÉireann á léiriú
ag Taibhdhearc na Gaillimhe mar shamplaí de thraidisiún
na hamharclainne i Séipéal Choláisteach
San Nioclás i gCathair na Gaillimhe ar an 4ú
& 5ú lá de mhí Nollaig ag 8.00
i.n. Beidh Seoda Na Nollag á léiriú
ag Pádraigín Ní Lileas agus beidh buíon
mór páirteach ann, ag cur saothar chumadóirí
amhail Mozart, Verdi, Bizet, Puccini agus Franz Lehár
i láthair. Is é an cumadóir, Tom Cullivan,
a chóirigh an ceol i gcomhar na ceolfoirne an tráth
seo freisin agus beidh an cheolfhoireann faoina stiúir.
Is é Peadar Ó Treasaigh a bheidh ina fhear
an tígh. Beidh na clasaicí móra Gaelacha
ar an gclár, chomh maith le meascán deas de
charúil traidisiúnta na Nollag. Ticéidí:
€15 / €12
Tuilleadh eolais.
Seoladh: Oifig na Taibhdheirce, Lána
an Chláir, Sráid na gCeannaithe, Gaillimh.
Teil: (091) 563600
Ríomhphost:
eolas@antaibhdhearc.com
Suíomh Idirlín: http://www.antaibhdhearc.com
Ionad Cultúrtha, Baile
Mhúirne . Clár an Fómhair.
10.12.09: Cumann Scannáin Dhoire’a Chuilinn:
'The Secret of Kells ', scannan Éireannach le Mick
Lally, Evan McGuire, Christen Mooney, Brendan Gleeson Eolas
ar scannáin ag: www.imuscrai.wordpress.com
18.12.09: Ceolchoirm Traidisiúnta Matt Molloy (fliúit)
John Carty (fidil), agus Arty McGlynn (giotár) Taispeántas
físealaíona na Nollag le hEalaíontóirí
Mhúscraí
Tá gach eolas faoi na imeachtaí ealaíona
agus cultúrtha eile mar aon leis na ranganna agus
ceardlanna a chuireann an t-ionad ar fáil le fáil
ón ionad.
Tuilleadh eolais faoi na imeachtaí eile le fáil ar an suíomh idirlín.
Tuilleadh eolais.
Seoladh: Ionad Cultúrtha, Baile
Mhúirne, Co Chorcaí
Teil: 00 353 (0)26 45733
Ríomhphost:
ionadculturtha@eircom.net
Suíomh Idirlín: http://www.ionadculturtha.ie
Áras Éanna, Inis
Oirr
Tá Áras Éanna ag reachtáil sraith
d’imeachtaí, de cheardlanna agus de ranganna
i gcaitheamh an gheimhridh. Beidh an t-eolas le fáil
ar an suíomh idirlín thíosluaite nó
is féidir dul i dteagmháil go díreach
le hÁras Éanna.
Tuilleadh eolais.
Suíomh Idirlín: http://www.araseanna.ie
Teileafón: 099 75150
Ríomhphost: araseanna@eircom.net
Ionad na Scríbhneoirí
Éireanancha / The Irish Writers' Centre
Mar chuid den fheachtas le hairgead a bhailiú don
Ionad, beidh Ócáid Liteartha ar siúl
san Ionad ar an 3 Nolaig. Beidh 4 mórscríbhneoir
na Gaeilge ag léamh. Is iad sin, Nuala Ní
Dhomhnaill, Paddy Bushe, Áine Ní Ghlinn agus
Grégóir Ó Dúill. Cead Isteach:
€20
Ionad: Irish Writers' Centre, 19 Parnell Sq, Baile Átha
Cliath ag 7.30 in.
Dáta: 3 Nollaig
Tuilleadh eolais.
Suíomh Idirlín: http://www.writerscentre.ie
An Clachán. Gaoth Dobhair.
Is ionad físealaíne agus ceardaíochta
é An Clachán. Cuirtear imeachtaí agus
taispeántais ar siúl ar bhun rialta. Is féidir
gach eolas faoin na himeachtaí a fháil ón
ionad.
Spriocdháta: 11 Samhain
Tuilleadh eolais.
Seoladh: An Clachán – Dánlann
ealaíne, An Chúirt, Gaoth Dóbhair,
Co. Dhún na nGall
Teil: 00 353 (0) 74 9560091
Ríomhphost:
eolas@anclachan.ie
Suíomh Idirlín: http://www.anclachan.ie
An Cabaret Craicáilte, Gaoth Dobhair,
Gaoth Dóbhair – an 3ú Satharn de gach
mí, de gnáth.
Tugann an Caberat Craicáilte árdan do cheol
comhaimseartha i nGaeilge agus cothaíonn siad réimsí
nua ceoil agus siamsaíochta trí mheán
na Gaeilge. Bíonn ceoltóirí aitheanta
ag seinnt gach cineál ceol - rap, jazz, ceol domhanda,
reggae, ceol traidisiúnta, rock-ceoil agus go leor
eile. Uaireanta, bíonn cumasc idir na stíleanna
ceoil uilig! Bíonn greann, taibhsiú, filíocht
bheo agus go leor imeachtaí eile. Oíche chraicáílte
den scoth.
Tuilleadh eolais.
Suíomh Idirlín: http://www.craiceailte.com
Teileafón: 087 2785593 nó
097 81079
Ríomhphost:Ronan.MacAodhaBhui@rte.ie
Ionad an Bhlascaoid, Dún Chaoin, Co. Chiarraí
Reachtálann an tIonad imeachtaí ealaíona
agus cultúrtha ó ham go chéile, mar
aon leis imeachtaí oidhreachta. Is féidir
gach eolas a fháíl ar imeachtaí an
ionaid ag na sonraí teagmhála thíosluaite.
Tuilleadh eolais.
Suíomh Idirlín: http://www.heritageireland.ie
nó http://www.ceiliuradh.com
Teileafón: (066) 9151082 nó
(066) 9156444
Ríomhphost:BLASCAOD@OPW.IE
Gailearaí, An Fál Carrach /Ceardlann
na gCroisbhealach - ""Dinnseanchas II –
Snáithín Áine"
De Sathairn 31 Deireadh Fómhair - De Sathairn 12.
Nollag 2009: “Dinnseanchas II”
Chuir an bhanfhile iomráití, Nuala Ní
Dhomhnaill agus an físealaíontóir Corcaíoch,
Bernadette Cotter an dara chuid den tionscnamh ‘Dinnseanchas’
ar thaispeántas sa Ghailearaí. I nGleann Cholm
Cille a chuireadh tús leis an chéad tionscnamh
Dinnseanchas, áit ar thug Nuala agus Bernadette cúl
taca do bhunadh na háite le Béaloideas áitiúil
a bhailiú, agus le taispeántas a chur ar siúl,
bunaithe ar an ábhar a bhailíodh. Nochtaigh
an taispeántas sin an léargas agus an tuiscint
a bhí ag an phobal áitiúil ar Dhinnsheanchas
an cheantair. Sa taispeántas seo, léirítear,
go cruthaíoch, an tusicint atá ag Nuala agus
Bernadette ar an Dinnsheanchas agus nochtaítear an
léargas atá ag an mbeirt acu ar phróiseas
cruthaíoch an tionscnaimh.
Tuilleadh eolais.
Suíomh Idirlín: http://www.angailearai.com/
Teileafón: 074 9165594
Ríomhphost:ceardlann@eircom.net
Seoladh: An Gailearaí, Gailearaí
na gCroisbhealach, An Fál Carrach.
Aras Inis Ghluaire: Béal an Mhuirthead,
Co Mhaigh Eo
Reachtálann Áras Inis Ghluaire imeachtaí
ealaíona agus cultúrtha ó ham go chéile,
mar aon leis imeachtaí oidhreachta. Is féidir
gach eolas a fháíl ar imeachtaí an
ionaid ag na sonraí teagmhála thíosluaite.
Seoladh taispeántas ealaíne le John Jones,
Dé Céadaoin 02 Meán Fómhair
7.30i.n
Tuilleadh eolais.
Suíomh Idirlín: http://www.arasinisgluaire.ie/
Siamsóir na Mí
Ráth Cairn, Co na Mí.
10ú Eanáir 2010
Is comórtas faoi leith é seo chun teacht ar
"Siamsóir na Mí". Caithfidh na daoine
a ghlacann páirt ann trí chinn de na míreanna
seo a leanas a dhéanamh: amhrán Gaeilge a
rá, scéal nó dán a aithris,
damhsa, uirlis a sheinm, agus/nó aon bheart eile
a léiriú a meastar na breithiúna é
a bheith feiliúnach ar an oíche.
Cló Ceardlann na gCnoc, Gaeltacht Thír
Chonaill
Bíonn ceardlanna agus ranganna á eagrú
ag an eagraíocht físealaíona seo atá
lonnaithe i mbarrionad ealaíona i Mín an Leá,
Gort a Choirce. Cuirtear taispeántas agus imeachtaí
eile ar siúl chomh maith. Tá gach eolas le
fáil ag na sonraí teagmhála thíos.
Tuilleadh eolais.
Suíomh Idirlín: http://www.clo.ie
Teileafón: 07491 – 62800
Ríomhphost :cloceardlann@eircom.net
Seoladh: Mín a’ Leá,
Gort a’ Choirce, Leitir Ceanainn, Co. Dhún
na nGall.
Féiltí
Éigse
Dhiarmuid Uí Shúilleabháin, Cúil
Aodha & Baile Mhuirne, Co. Chorcaí
Féile a dhéanann ceiliúradh ar an traidisiún
saibhir amhránaíochta agus ceoil i gceantar
Mhúscraí. Ceolchoirmeacha bríomhara,
léachtaí agus imeachtaí ealaíon
éagsúla.
4 - 6 Nollaig 2009
Breis
Eolais:
Suíomh Idirlín:
www.eigse.ie
Scoil Cheoil Frankie Kennedy
Féile a dhéanann ceiliúradh ar cheol
agus amhránaíocht Ghaeltacht Uladh, agus a
thugann ardán do na healaíona dúchasacha.
Ceol den chéad scoth, ranganna, léachtaí,
cainteanna agus ceolchoirmeacha. Meallann an fhéile
seo cuid de na ceoltóirí traidisiúnta
is fearr sa tír.
An tseachtain deireanach de mhí na Nollag.
Breis Eolais:
Suíomh Idirlín :www.frankiekennedy.com
Féile Cheoil Thraidisiúnta agus culthúrtha
Barr an Teampaill, Baile Átha Cliath.Temple Bar Trad
Irish Music & Cultural Festival
Bunaíodh an fhéile i 2006 agus tá sé
ag dul ó neart go neart ó shin. Déantar
ceiliúradh ar cheol agus ar chultúr na tíre.
27 -31 Eanair
Breis Eolais:
Suíomh Idirlín: http://www.templebartrad.com
Teileafón: 01 677 2397
Ríomhphost :fiona@tascq.ie
Nascanna
Tá
na suíomhanna idirlín seo a leanas úsáideach maidir le nuacht
agus deiseanna eagsúla.
http://artsaudiences.ie/
- Gréasán margaíochta/forbairt lucht
féachana ( páirtnéireacht idir an gComhairle
Ealaíon agus Iontaobhas Bharra an Teampaill)
http://publicart.ie - Gréasán achmhainneach
ar Ealaín Phoiblí “
http://www.creativecareers.ie
- Creative Careers
http://www.eurocult.org
- European Cultural Foundation
http://www.ccoi.ie
Comhairle Ceardaíochta na hÉireann: Suíomh
achmhainneach maidir leis deontais, cúrsaí
oiliúna agus eolas ginearáilta faoi chúrsaí
ceardaíochta.
http://www.artscouncil.ie/irish/index.htm
- An Chomhairle Ealaíon
www.artsmanagement.ie
- Cúrsa Bainsitíocht Ealaíon &
Polasaí Cultúrtha. Tá mórán
eolais suimiúil faoin saol ealaíon in Éirinn
le feiscint ann.
http://www.musicnetwork.ie - Suíomh
acmhainneach maidir leis an gceol - deiseanna, camchuairteanna
agus eolas ghinearálta maidir le cúrsaí ceoil sa tír.
http://www.forumformusic.ie - Forum
don Cheol in Éirinn
http://www.visualartists.ie/ - Suíomh
acmhainneach maidir leis na dearcealaíona
http://www.poetryireland.ie
- Suíomh Éigse Éireann.
http://www.communityartsireland.com/
- Suíomh tacaíochta maidir le hEalaíon Pobal.
http://www.aoifeonline.com Suíomh
tacaíochta maidir le heagrú féilte
http://www.cultureireland.gov.ie.
Cur chun cinn na nealaíon thar lear agus comhpháirtíocht idirnáisúnta a
chothú. Fógraítear deontais ceithre huaire in aghaidh na bliana. An chéad
spriocdháta eile, 14 Lúnasa
http://www.business2arts.ie -
eolas agus cúrsaí úsáideach maidir leis na healaíona agus gnó.
http://ec.europa.eu/grants/index_en.htm#cult
suíomh achmhainneach maidir le deontais, cistí agus cláir an Aontais
Eorpaigh
Séanadh
Ní ghlacann Ealaín na Gaeltachta Teo., Údarás na
Gaeltachta ná an Chomhairle Ealaíon freagracht ar bith as
aon chaillteanas a d'fhéadfadh eascairt as a bheith ag brath
ar an eolas atá sa nuachtlitir seo.
|
|
